sápiro nga makità sa iya salamíng ang langit. Sa tuó nayon naghumlad ang matapan nga baybayon, nga naghimò sing
mga bahiya nga may makaluloyag nga mga likûliko, kag
didto sa malayûlayô nga kipáw-kipawón, nagabalikûkò ang bahin sang Sungay; sa atubangan kag sa unhan nagtindog ang
Makiling nga gamhanan, talahàon nga ginpurongán sang manipis nga mga panganod; kag sa walá nayon ang pulô sang Ta-
lím, ang Susong' Dalaga, nga may nagaynay nga mga hanul-hanol diín nagikan ang iya ngalan.
Ang lab-as nga hangin nagpahanól sing maanyag sa sangkad nga kadaygan.
—Labáy man ang akon, Kapitán, —hambal ni Ben Zayb nga nagbalikíd,— nakasayod ka kon diín nga bahin sang li- naw mapatay ang isá ka tawo nga ginhingalanan kay Guevara, Navarra, ukón Ibarra?
Ang tanán nagtulok sa Kapitan lwás lamang si Simoun nga linisò niya ang iya ulo sa ibán nga bahin nga daw may ginpangitâ sa baybay.
—!A huo! —siling ni donya Victorina, — diín, Kapitán? May nabilín balá siá nga mga tiliman-an sa tubig?
Ang maayo nga ginùo nagpangiláy sing makapilá, timaan nga mabug-at gid sa iya balatyagon; apang, sanglit nakità niya sa mga matá sang tanán nga gin-ahâ siá, tumikáng siá sing makapilá padulong sa pruwa, kag ginsusi niya ang baybayon.
—Tulok kamó didto,— silíng niya sa tingog nga daw ha- los inabatián sang tapos niya mapat-od nga walâ sing liwan nga mga tawo. Sunô sa kabo nga nagpangulo sang paglagás si Ibarra, sang makità niya nga nakibón na siá, lumompat halín sa iya baroto didto malapit sa Kinabutasan kag, lumangoy nga lumangoy sa idalum sang tubig, tinabók niya inang' bug-os nga kalayùón kapín sa duhá ka milya, nga ginsumpitán sang mga bala tagsa nga magbutwà siá sa pagginhawa. Kapín didto nadulà ang iya agi, kag sa malayûlayô, malapit sa baybay, nasapwan nila sa tubig ang duág nga daw dugo... Kag karón napulò kag tatlo na ka tuig ang nagligad, nga iní nahanabò.
—Kon amó nga amó yadto ang iya bangkay? — pamangkot ni Ben Zayb.
