This page has been validated.
54
—Kag sa anó nga napatáy siá?
—Sa katigulangón!
—Hinugay! Mapatay sa katigulangón! Dapat nga nagikan sa isá ka balatian!
Si Basilio, sa iya luyag sa paghimò sang mga awtopsya. maluyag nga yadto mapatay sa mga balatìan.
—Walâ ka sing bag-o nga butáng nga isugid sa akon? Ginapatay mo ang luyag ko sa pagkàon nga nagasugid ka sang amó man gihapon nga mga butáng. May nahibal-an ka nahanungód sang Sagpang?
Hanti sinugid sang tigulang ang pagbihag kay Kabesang Tales. Nagpadalum sing hunâhonà si Basilio kag walâ sing ginhambal. Nadulà na gid tapát ang iya luyag sa pagkàon.
