ginbaton sia nga isa bilang ka suloguon, nga wala sing suhol,
apang ginpahanugotan sia sa baylo sa pagtuon, kon luyag niya,
sa San Juan de Letran.2
Mahigko, malaw-ay ang panapot kag nagbakya lamang, sang pagligad sang pila ka bulan nga nakapuyo sia sa Manila, nagtuon na sia sa nahauna nga tuig sang linatin. Ang iya mga kaupod, sa pagtan-aw sang iya panapton, nagpalahilayo sa iya, kag ang iya propesor, isa ka maambong nga dominiko, wala gid magpatuhoy sa iya sing bisan isa ka pamangkot, kag tagsa nga makita sia, nagpasampok sang iya mga kilay. Ang mga tinaga lamang nga sa walo ka bulan nga klase nagdangtanay sa duha, amo ang iya ngalan nga ginbasa sa listahan kag ang adsum3 adlaw-adlaw nga ginsabat sang bumolutho. Daw ano nga kasakitan ang iya gin-antos tagsa nga maggwa sia sa klase, kag sa pagpanumdom sang pagbilang sa iya, ano nga luha ang indi magpunong sa iya mga mata kag ano man nga mga panumbunganon ang nagdabdab kag napalong sa sulod sang iya dughan! Sanglit nakahibi kag nakahibubun-ot sia sa ibabaw sang lubnganan sang iya iloy nga nagsugid sa iya sang tanan niya nga tinago nga kasakit, mga pagpaubos kag mga aligutgot, sang paghilapit sang Paskwa sang Pagkatawo, dinala sia ni Kpn. Tiago sa San Diego! Kag wala’y sapayan nasaulo niya ang leksyon nga wala sia sing nawigit nga bisan isa ka koma, bisan nga wala gid niya mahangpi! Labot pa sang katapusan nagpaumod na lamang sia sang makita niya nga sa tatlo ukon apat ka gatos sa iya klase mga kap-atan lamang ang ginhatagan sing kadungganan sa pagpamangkot tungod kay nakaagda sila sang igtalupangod sang propesor ayhan tungod sang ila dagway, sa ila pagkalahugan, sa pagpakighirop ukon sa iban man nga kabangdanan. Madamo sa ila ang nagkalalipay tungod kay sa amo nga paagi nalikawan nila ang hilikuton sa pagbaisbais kag pagtuon.
____________
2 San Juan de Letran — Ang kolehiyo diin ginatun-an ang nahauna kag ikaduha nga pagtulon-an; nga gindumalahan sang mga dominiko. Ang ginpasulabi nila sini amo ang mga anak sang mga pilipinhon nga mangggaranon sing mga panimalay. Ang mga bumo'.utho sang pungsod nga ang kalabanan mga imol, katulad ni Basilio, wala pagbilanga sang amo nga mga prayle nga bagay sa iban nga butang Iwas sa pagiamay: ginbilang sila nga mga kubos kag mga ulipon.
3 Adsum — Ari ako.
