sa daku nga kalipay sang iya mga propesor kag sa mga eksamin
ginbatyag nila ang bugal tungod sa iya sa atubangan sang mga
hukom nga dominiko, nga ginpadala didto sa pagtan-aw sa
ila. Ang isa sa ila, sa pagpugong diutay sang tuman nga
kalipay, namangkot sa gin-eksamin kon dim sia magtuon sa
nahauna nga mga tinuig sang latin.
— Sa San Juan de Letran, Padre, — sabat ni Basilio.
— Aha! Sa latin indi malain, —hambal sang ulihe sang dominiko nga daw nagyuhom.
Tungod sang iya nahuyogan kag sa iya ugali pinili niya nga tun-an ang Pagpamulong. Si Kpn. Tiago sing iya naluyag nga tun-an ni Basilio ang Pagka-mananabang agud may magtabang sa iya nga wala’y bayad, apang indi lamang tuman nga mag-alam kag maghibalo sing tungkad sang mga pagbulot-an agud magdamo ang magpatabang sa Filipinas; kinahanglan nga dag-on niya ang mga kasaba kag tungod sini kinahanglan nila ang mga pangilala, bulig sang kadalagkban, madamo nga hambal nga makapatalang.Si Kpn. Tiago nagpasugot sang ulihe nga nakadumdom nga ang mga bumoluthb sa Pagpamulongnagpakighangop sa mga patay; nagligad ang panahon nga nagpangita sia sing isa ka sari sang hiha nga isubo niya sa bulang sang iya mga sanggul kag ang labing’ maayo nga nahibal-an niya amo ang dugo sang isa ka insik, nga napatay sa balatian nga sipilis.
Sa amo man nga paghimulat, ukon kapin pa, pinadayon sang pamatan-on ang pagtuon sang amo nga kurso, kag sugod sang ikatlo ka tuig nagpamulong na sia nga may maayo nga kapalaran, butang nga indi lamang nga nag-aman sa iya sing inasili nga palaabuton kundi nga nakakita pa sia sing madamo nga kwarta nga makapapanapot sa iya sing matahum kag makasupot pa sia.
Ini nga tuig amo ang katapusan sang iya pagtuon kag sa sulod sang duha ka bulan mangin-isa na sia ka mediko, magabalik sia sa iya banwa, mapakasal kay Juliana sa pagpangabuhi sing malipayon. Ang paghatag sang iya pahanugot, indi lamang kay pat-od na, kundi ginpaabot niya ini nga mabulahanon bilang nga purong sang iya pagpangabudlay sa pagtuon. Sia ang gintugyanan sa paghatag sing isa ka pamulongpulong
