sa pagpasalamat sa tion sang paghatag sa iya sang pahanugot,
kag ginpanan-aw na niya ang iya kaugalingon sa tunga sang
entablado nga sia ginsul-oban sing panapot sa gradwasyon sa
atubangan sang tanan nga manunudlo, nga ginpatuhoyan sang
mga pagtulok kag pagtalupangod sang mga tumalambong.
Yadto tanan nga ulo, mga tinatahod sa kinaalam nga manilanon, nga halos nalubong sa ila mga kapa nga may mga duag,
ang tanan nga babae nga nagdulugok didto sa pagtan-aw kag
nga sang tinuig nga nagliligad nagtulok sa iya, kon indi sa
pagyaguta, sa malain nga buot, tanan yadto mga ginuo nga
ang ila mga kotse sang bata pa sia, buot kuntani sa iya magdalasa sa tunga sang lunang katulad sang isa ka idu, karon
mamati sa iya nga may kabanga, kag sia mahambal sa ila sang
butang nga indi manabaw, butang nga wala pa mabatii sa
amo nga duog; kalimtan niya ang iya kaugalingon sa pagpahadumdom sang mga bumolutho nga imol nga may
palaabuton, kag patigayunon niya ang iya pagsulod sa katilingban sa amo nga pamulongpulong. ..
