ko nga sa bug-os nga pagkadunot, sa bug-os nga basura, nga
sinamò sang madamò nga mga patubás nga mabahò, mahimò
ang hilo; kon ang kahakog nga ginpaaliwasá, sa iya pagsalimuang magdali sa paghugakom sang pilá ka butang nga
madangat sa iya kamot katulad sang isá ka tigulang nga babáe
nga kinugmat sang kalayo, yari kamó nga nagsinggit sang
pagkamakikatsilà, nga may mga ambahan sang pagsalig sa
Pangulohán, nga indi mahanabò; yari nga may isá ka unód
nga nagakibô sa kainit kag sa kabuhì, hinlù, lanubò, mabakod, nagatay-og sa dugo, sa kakunyag, nga sa hinali mapuswak sa pagtanyag liwat bilang bag-o nga kalan-on ... A, ang
pamatan-on sa gihapon nga walâ sing kabatid kag madinamguhanon, nga nagalagás gihapon sang mga alibangbang kag sang
kabulakan! Nagbilóg kamó agúd nga sa inyo paghimud os
mapaugyon ninyo ang inyo pungsod sa España sa lugway sang
kabulakan nga sa kamatùoran naghimò kamó sang mga talikala nga labí pa ka tig-a sa diamante! Nagpangayò kamó sing
nagahiliangay nga mga kinanatarong, ang paghimò nga
mangín-katsilan-on ang inyo mga pamatasan, kag wala kamó
makatalupangod nga ang inyo ginapangayô amó ang kamatayon, ang paglaglag sang inyo pagka-banwahanon, ang pagpatáy sang inyo pungsod, ang pagpakabalaan sang pagpangdaugdaog! Ano ang gwâ ninyo sa palaabuton? Banwa nga
walâ sing kaugalingon nga ugalì, pungsod nga walâ sing kahilwayan; ang tanan nga yarà sa inyo mangin-hinu'amán, patí
pa ang mga kasaypanan, ginapangayô ninyo ang pagka-katsilanon kag indì kamó mangluspad sa kahuyâ sang idumili sa inyo!
Kag bisán pa ihatag sa inyo, anó ang inyo luyag? Anó ang
makuhà ninyo? Samtang labí ka malipayon, pungsod sang
mga kinagubot, pungsod sang mga ribók nga binanwahanon,
pungsod sang mga makawat kag mga di-naayawan katulad
sang mga repúblika sa Amérikang' Nabagatnaa! Diín kamó
nagapadulong karón sa natun-an ninyo nga kinatsilâ, pagpakunókuno nga makahalam-ot kon indi hilinulsolan ang mga magkahanabò! Luyag ninyo nga dungangan pa sing isá ka hambal ang kapín sa kap-atán nga ginahambal sa kapulòán agúd labí na gid nga indì kamó maghinangpanay! ...
- Ang baliskad sinâ, sabát ni Basilio, kon ang pag-
