alam sang kinatsila makapaugyon sa amon sa pangulohan, sa
baylo sarang man makapabilog sa bug-os nga kapulòan!
— Dakû nga sayop! — Pit-al ni Simoun. — Patalangon kamo sa dalagkb nga mga sugid kag indi ninyo masaladsad ang mga butang sa pag-usisa sang mga mahanabb sa ila katapusan nga mga kadanyagan. Ang kinatsila indi manginhambal sa kabilugan sang pungsod, ang banwa indi sina maghambal kay sa mga painuino sang iya utok kag sa mga balatyagon sang iya dughan wala sing mga tinaga ina nga hambal; ang tagsa ka banwa may iya nga kaugalingon, sanglit may kaugalingon sia nga gawi sa pagbatyag. Ano ang makuha ninyo sang kinatsila, nga diutay sina ang nagahambal? Patyon ang mga butang nga inyo kaugalingon, magpaulipon sang inyo mga panghunahona sa iban nga mga utok kag sa baylo nga himuon kamo nga mga hilway himuon kamo nga mga matiiodtiiod nga ulipon! Ang siam sang napulb sa inyo nga nagapakunokuno nga may tinun-an, mga sumilikway sang inyo kaugalingon nga pungsod. Ang nagahambal sa inyo sina nga pulong, nagapabaya sa amo nga bagay sang ila kaugalingon nga wala nila ginasulat ukon ginahangop, kag pila ang nahibal-an ko nga nagapahilum nga indi makahibalo sina bisan sang isa lamang ka taga! Mapalaron lamang nga may pangulohan kamo nga maluya. Samtang nga ang Rusia sa pag-ulipon sang Polonia ginpilit nila sa pagtuon sang hambal nga rusyanhon, samtang ang Alemania nagdumili sang pinaranses sa mga puod nga ila naagaw, ang inyo pangulohan naghimulat sa pagpatipig sang inyo kaugalingon kag kamo sa bavlo, maanyag nga banwa sa idalum sang pangulohan nga indi mapatihan, kamo man ang nagatilinguha nga kakasan kamo sang butang nga inyo kaugalingon! Ang isa kag isa nagakalimot nga samtang ang isa ka banwa nagahupot sang iva kaugalingon nga hambal, nagahupot man sang kalig-unan sang iya kaluwasan, katulad sang tawo ang iya kahilwayan nagatipig gihapon sang iya gawi sa paghunahona. Ang pulong amo ang painuino sang mga banwa. Malipayon nga ang inyo kaluwasan may pagsalig: nga ginatipigan sang mga balatyagon nga tawhanon! ...
