Isambit naton dirí ang pilá ka pinulongan agúd nga ang bumalasa mapahangóp sang mga painuino nga gintuga sang libro, subong man sang kahimtangan sadto sang balatyagon sang pilá niya ka kasimanwa kag sang tagsulát man. Ang La Soli- daridad, nga sa sina si Rizal nahamulág sadto, nagdayaw sang libro sa kabilugán kag sang tagsulát na gid bilang isa ka “lutáw nga magsusolat nga pilipinhon” kag “tagsulát sang nagkalainlain nga mga sinulatán nahanungód sa Kapuloán nga gindayaw sang tanán”; ayhan ini nga pagdayaw indì maayo sa palamatin-an ni Rizal, kay nagpakawas sa iya sang masunod nga may kahulogán nga hambal: "Maayo nga si José Rizal natalupangdan nga nagasulat man nahanungód sa Kapuloán, nga ayhan sa Filipinas wala ginasapaká sang mga tawo nga nakahibaló sang kinatsilâ."
Si Graciano Lopez Jaena nagaisip: “Ang Pilibusterismo, nobela nga labí kaayo sangsa imo Noli Me Tangere tungód sang iya matahúm nga hagyù sa pagsulát, ang iya bunayon kag nagakaigò nga pagpahamtang sang mga hambalanay, ang iya ma tinlò nga mga pulolungon nga may kabakod kag kaanyag, tungód sang iya madalum nga mga kaisipán kag mga panghunâhonà nga masanyog.”
“Ang pagpaalinsunod sang sugilanon may katahuman kag may kinaiya nga mga epekto.”
“Naluyagan nakon ang kabilugán sang nobela, nga nagkapín sa akon mga ginpaabót.”
“Apang, ginasugdan nimo ang nobela sing makawiwili subong kay Dumas kag ginatapos nimo sing mamalá subong kay Sué.”
“Kag yari diri ang kakulanán, kon balá yana kakulangán sang imo dalagangan nga sinulatán”.
..................................................
“Binilin nimo dirâ nga walâ sing kahusayán ang palaligban.”
“Bilang nobela sa panghimanwa, ang imo katapusan indi nagakabagay nga inoghingapos sa isá ka nobela nga tuman katahúm.”
..................................................
“Apang, nahangpan na nakon, luyag nimo ibilin nga ang
vii
