gahúm sa mga pamatan-on sa pagpakigsumpong sina'ng walâ nagakaigò nga mga handum sa pag-ayóp sang pagka-katsilà, sa pagliwát sang mga ugali, sa pagpahiangay sang mga kinamatarong ... Sa sinâ nga paagi ang labí nga maabután ang malain nga pag-ilóg, kag ang banwa dapat magtulok sa labí
kataas. Isá ka binuang ang magtiláw sa pagbuyok sang gawì sang panghunâhonà sang mga gumalahom, may ila silá nga bukò nga nahumán, nalipnan ang ila mga matá, kag, sa pagusik sang panahon sa walâ sing pulós, dayàan ninyo ang banwa sa mga paglaum nga indi matuod kag nagabulig kamó sa pagpapilô sang inyo liog sa atubangan sang mga manlulopig. Ang dapat ninyo himùon amó ang pagpanginpulós sang ila mga pagpalibóg kag gamiton sa inyo kinahanglan. Indi silá maluyag nga isimpon kamó sa banwang' katsilà? Hanti pangibulahan! Gani magpasahi kamó, patukon ninyo ang inyo kaugalingon nga ugali, himulatan ninyo ang pagpaluntad sang mga sadsaran sang banwang' pilipinhon ... Indì silá maluyag maghatag sa inyo sing paglaum? Pangibulahan! Indì kamó maghulát sa ila, maghulát kamó sa inyo kaugalingon kag magpaninguhâ. Ginadumili nila sa inyo ang tiglawás sa ila mga korte?3 Labing' maayo! Bisán pa matigayon ninyo ang pagpadala sang mga diputado nga ginpil sa inyo luyag, anó ang mahimo ninyo didto kundi lumsan kamó sa madamò nga mga tingog kag pakamaayuhon sa inyo atubangan ang mga kalakasan kag kakulangan nga ila sa ulihe mabuhat? Samtang diutay nga mga kinamatarong ang kilalahon nila sa inyo, labí nga may madamò kamó sa ulihe sa pagkakás sang singkaw kag sa pagpabalik sa ila sang malain sa malain. Kon indi nila luyag itudlò sa inyo ang ila hambal, sagurá ang inyo, palapnagá, tipigi sa banwa ang iya kaugalingon nga Panghunâhonà, kag sa baylo nga maghupót sang mga handum nga pinuodnon, huptan ninyo ang pinungsudnon, sa baylo sang
mga panghunâhonà nga magsunód, mga panghunâhonà nga
hilway, sa tuyò nga bisán sa mga kinamatarong, bisán sa mga
pamatasan, bisán sa hambal, ang katsilà dirí subong sa iya
balay walâ ginabilanga sang banwa nga tagá-pungsod kundi
sa gihapon bilang mananalakay, bilang dumoluong kag sa
3 Corte - Isa ka gubán sang mga palamangkutan sa palasyo sang hari.
