Tugig 1902.
Ang kagubut batok sa mga amerikanhon, natapus ná dinhi sa Sugbo Sa maka-usá pá, ang kusúg sa katarungan gidaúg sa katarungan sa kusúg. Lupig sa hinagibán, kabús ug gutúm, kadtong pongpong sa mga igsoon nato nga sa ka-isog sa León nanaglaban sa Yuta tang Natawhan, gibuntog gayúd, sa katapusan, sa mga amerikanhon. Matarong tu-od, bala-anon ang katungud nga ilang gilabanan, sanglit maó ang kagawasan sa atong lungsud, nianang gamayng bahin sa kalibutan, di-ín anaa managpahulay sa dayon ang atong mga katigulangan ug di-ín anaa managpuyó ang mga binatí sa atong kalág; apan mga pinuti da, su-ób; bangkaw, paná, lantaka ang mga hinagibán nilá, ug ang pinutí, su-ób, bangkaw ug lantaka, dili makatumbas sa kanyon, ni makaparang gani sa pusíl. Sa natád sa panggubatan, ang hinagibán ug kasahúm maoy modaúg kanunay ug dili ¡dili ang ka-isog ug katarungan!
¡Natapus na sa Sugbo ang kagubut!
Ang bililhong dugó sa atong mga igso-on wala na ma-usik pagbisibis sa kaumahán, ni sa kaha-
