Apan ayaw ninyo-mi-atubang si Oswindo Seres sa mga lungsuranon-pag sabta nga ning miaging kahimtang, ningmi-agi tang mga kalisud, may salá ang mga Palahan. Wala Sila nangapilit lamang pagsukol sa Kagamhanan, tungud kay niadto wala silá maatiman pag-ayo ug ang ilang mga sumbong wala matamud. Daghan, daghan uyamot ang kalapasang nahimo batok kanila, nga, kung kamo mangasayud, kamoy mo-una paghatag kanila sa katarangan.
Apan karon, mga igsoon ko sa bukid,-miatubang upod siya sa mga Pulahan-takná na nga kadtong tanan matapus. Ang inyon mga kaguol dili na mausab: walá nay panlupig ni daug-daug, Kadtong magalapas kaninyo, bisan kinsa siya, kun inyong isumbong, pahamtangan dayon sa silot. Ug dili da akó magasa ad kaninyo niini, kung dili ang labawng punu an usab sa mga Kostables nga, tipon kanato, ania karon.
¡Mga ka-igsuonan, mitapus siyag sulti-kutub ning higayona lungsoranon ug tagabukid, walá na kitay laing dalagon, kung dili ang kaayuhan na lang sa Inahan tang Yuta!
Sa taliwala sa madasigong pakpak, mihunong si Hal. Osmundo Seres sa iyang hataas nga pakigpulong.
Makurugon, maluspad, kay nailang dili anad sa panulti, usá sa mga Pulahan mitindug usab.
-Ginoo, Gobernador, tungud sa among pagsalig kanimo-matud pa niya-ug tungud kay ang atong Lungsud nagkinahanglan, kami mangampo. Mangampo kamí, sa human lumsí ang kasingkasing sa tanang kasilag batok niadtong nanag-among-
