gipilópiló ni José ang iyang salapi hangtod sa pag-abot sa usa ka gatos ka libo ka pisos.
Kong diha pay nagapamati sa pagsultisulti ni José makaingon gayod nga kining bataa nagabitik sa iyang... kung nagatapa siya ug mantiká.
Wala madugay nagaanam nag pakita sa luyo sa usa ka salamin ang mga mahumot nga bulak sa iyang mga damgo nga bulawanon. Sulod sa walo ka tuig nga pagpaulipon niya sa balay ni Kapitan Juan Rompebanco nakatigom siyag salapi nga duha ka gatos ka pisos bunga sa iyang kakugi, pagdaginot ug pagkanunay.
—Ang kusog kong maoy mangitag salapi adunay utlanan, samtang ang salapi kong maoy mangitag salapi walay kinutuban... Kining duruha ka gatos ka pisos kong akong ipatigayon tingali makakapin akog 200 ka gatos ka pisos ang usa ka bulan, samtang kong magapasuhol ako 200 ra ka sintabos ang akong madawat sa usa ka bulan, bisan unsaon ko sa pagpanlimbasog, maora gayod: 2 ka pisos.-Nagakanayon si José sa diha nga naga ihap sa iyang kuarta. ——Kong buhi pa unta karon ang akong amahan mahaagom gayod sa akong kinabudlayan ug tingali kami rang duha ang labing bulahan dinhi sa kalibutan.. Ug mihilak.
—Mubiya ako sa pagkasinuholan kay bisan unsa pagkamakinaadmanon sa tawo kong walay kaugalingnan sa patigayon, sa pagkinabuhi ug sa pagkaon mahimo siyang olipon ni bisan kinsa nga makahatag kaniya ug pagkaon.
Sa pagpahawa ni José sa balay ni Kapitan Juan tikagubot na ang Pilipinas. Sa bisan diing dapit
