J' l'aréos aussi bin mis qu’ vous
Néon, comarate; on n' me l' fet pos deux féos.
- (L' client sorte, l 'porte s'orser au nez d'Albert qui fet ein mouv'mint d’ surprise).
Ah! i' est timite au pouant de n' pos s’ déshabiller vis-à-vis d'ein héomme; attind-moumint.
Scène XII
GABRIELLE, ALBERT
ALBERT (déquindant l' scène)Nous disiéons déonc.
De vous déshabiller, pour que j' vous osculle,
Est-c’ que vous croyez qu’ ch'est bin nécessaire.
Ch'est indispinsable.
Ah! (i' défet s' vestéon) faut défaire m' gilet avec.
Bin sûr, ch’ n'est rien d' tréop.
Cha n' me fét rien, savez; j’ peux in défaire davantage si vous voulez.
Néon cha suffit (approchéant d'Albert) et asteur laisez'vous, et respirez (elle l'osculle et acoute attintiv'mint)... Vous n'avez pos l'air bin pris.
Ah! siffét, et même pus qu’ vous n' pinsez.
Vous m'avez dis qu’ vo’ cœur battéot; (acoutant) et à vrai dire j' n'intind rien du tout.
