Si l'plan réussit, j' crois que m’ néonque i' n’ se vantra pos de s’ nuit d' noce.
Surtout motus: et même pos ein méot à nos feimmes.
Te viens séot ;... (s’ertournant) més téséons-nous, les v'à.
Nous avéons queusi nos champes, tertous su’ l'même pallier.
Nous avéons l’ n° 4.
Nous éautes l' n° 2.
Et nous éautes l’huit.
Tins eine idée, l’ premier réveiller, ira décholler les éautes dins leu’ lit,
Et l' dernier déquindu pai'ra l' déjeuner.
N' les laissez pos faire chà, is’ séont foutu d' nous déringer à tout moumint.
Pos d' tout chà, j'aime mieux payer l' déjeuner et faire m' nuit tranquille.
Ch'est conv'nu, nous n' déring'rons pos les amoureux trop bonne heure.
Avant d’ parler d’ nous réveiller, pinséoss à souper pour aller nous coucher.
Che n’s'réot pos eine mauvaise idée, et i' s'réot temps d'y pinser, i' est dix heures.
- (Is' s'ormettent à l' table)
