33
E nalèka sèttong arè abăǎ'na èbisla'a orèng Palèmbhăng. Molana abă'na talèbăt sossana sarta ghoepo, margha njarè tang-otangan san-kassannaghi tadǎ' orèng partjadjă.
Ontongnga è bǎkto djǎrèja pas bădă orèng Arab kadjǎdijă, sè lalakonna lakar maotangan pèssè. Molana Radhin Sorawijăsa pas aparembhaghăn ngèndjhăma pèssè. Kadhǎddhiän ollè pèssè, tapè radjǎ boeḍoe'na, ijă arèja ƒ 100 dhǎddhi f 125 èdǎlem saboelǎn, sarta ngangghoej tangghoengan dhǎlem băn saèssèna. Dhǎddhi ta' tolos sè èbisla'a, tapè kasossa'anna abǎ'na so'è abǎ-tambă, sabab otangnga so'è bănnja'.
Saellana napa' ka bǎktona, Radhin Sorawijǎsa pas ongghă pangkat dhǎddhi Bădhăna è sèttong distrik.
E băktona ngallèa, saddjhăna Radhin Sorawijǎsa ta' aghābǎjǎ mèn-rammèn, marghă abă'na kèr-pèkkèran parkara ongkossa; tapè lora dhisa bán dji-pardjadji èḍălem ḍistrigghǎ paḍ ă terro ngatorana tandha pangèsto, dhaddhi aba'na tapaksa aghǎbǎj mèn-rammèn polè.
Ta katjatora kabada'anna mèn-rammènna, sateja Radhin Sorawijǎsa la ngallè ka kabadhǎnanna.
Prandhinèng Radhin Sorawijāsa rèja saellana dhăddhi Bǎdhăna so'è aorok tèngka, margha aba'na apangrasa podjhoer, sabab maskè abà'na talèbăt rojǎllă ghi' salamet bhǎi; bit-abit pas dhàddhi orèng ta' mardoeliăn ka lalakon.
Satèja Radhin Sorawijǎsa pas èkapartjadjai orèng polè, sabăb la dhǎddhi Bădhǎna.
Amargha djǎrèja aba'na pas so'è băngal ka otang. Teppa'na abǎ'na ngallèa ghella', Dhin-adjoena èmèllèaghi karaboe, ghaghellăng, sello' ban rarengghăn laèn sapattjrèna, djhin-adjhin f 1000.-
Laèn dări djǎrèja abǎ'na monḍhoet rata Amèrikan; djhărǎn tètèanna sandel, pakèanna Kamerling, kaḍhăli nèkel, èaghem mon mèjos apattrol. Panda', sabharǎng pangaterrona padă ètekka'aghi kakabbhi.
Sèpat Radhin Sorawijāsa mèjos apattrol, masțè ngaghem satiwel, ro-nèro towan tana, tjomettèna ètjellettaghi ka satiwella. Ta' saapa abiddhǎ pas mondhoet doekar è Bătawi è tokona towan Fueks, èaghem mèjos rèn-arěnna.
Abdhina tjè' bănnja'na, padă badă ghoe'-tegghoe'na bi'-dhibi', pabhettek, pangladhin, pangèrèng, tokang njambhoet èpo', songsong, lantaj; tokang djhărăn băn køser pada bădă orèngnga bi'-dhibi' kèja. Apa polè satèja kaaghoengan djhǎrăn tegghărăn, sabbhãn taon èaddhoe ka Solo, Djoekdjä, Bogor, Bătawi băn Sorabhǎdjă. Amarghă dări djǎrèja pas atambǎ abdhi panegghår.
Otangnga Radhin Sorawijǎsa satèja ta' nèng atosan, tapè kongsè aèboeăn ropèja.
BABOEROEGHAN ANA-BĀRNA.
