36
Aghoengnga ta' kabasa alarang tètèngkanna Ghoes Kamal ghella', sabab la sala adă'na, toman ta' èpatako' ka băngatowana. Amarghă djărèja aghoengnga Ghoes Kamal taḍă' amboena sè sekkel pangghăliănna, kongsè andhăddhiăghi songkanna.
Dhinèng sè èkabhăndha amaèn Ghoes Kamal rèja tadă' laèn! kadjhǎbhana pèssè kaaghoenganna aghoengnga; mon njo'on la ta' èparèngè, margha taghǎsèk ghalloe, pas èkètjo'.
Pamaènna ta' kasokan atataroan nè'-sakonè'; la-mala mon kateppa'an amoso orèng sè ghi- soghi, tarona ta' ollè ngangghoej pèssè tampes, sabab èkotja' ,,băoe atjan', kodhoe ngangghoej pèssè kertas otabă rènggidhăn, palèng kènè' djhămpellan otabă njonjokon.
Amargha djărèja , kala sakalèan bhăi kongsi doewǎ' tello ratos ropèja. Mon tjoma kala sapolo doe polo ropèja èkotja' ,,ta' saapa". Bărămpa mon mennang? La-nakkala ijă tao mennang radjǎ kèja, tapè tjè' rangrangnga. Apa ta' la bădă è tja'-otja'an, djha' mennangnga amaèn saessèn rèja pădă bi' kalana sadjhămpel? Saopama èḍălem sèttong tempo pamaènna ta' kala, djărèja abǎ'na la arassa ontong, ta' arassa penḍet otabă katondoe. Băn polè mon kateppa'an podjhoer, mennang saratos doe ratos ropèja, pèssèna ghasèk taḍă' ta' ètemmo rongonna; mon amaèna polè masțè njarè pèssè bănnèan.
Dhăng-kadhǎng pèssè mennangnga ghellǎ' èkabelli bhărăng, tapè ta' ghellem tjekka' abit, ladjhoe èpaghăḍhi otabă èdjhoewǎl dă-modă. Amarghă djărèja taḍă' orèng soghi polana mennang amaèn; sè kabannja'an nèng marogi malolo.
Katjatora è nalèka sèttong bakto Ghoes Kamal amaèn bi' bhăngsa Tjèna lakè'-binè' băn è-njaèna Bălăndhă; sè amaèn molaè dări pokol 9 bhări' kongse pokol 3 malem Ghoes Kamal la kala ƒ 500. Amargha djărèja aba'na arassa tjè' panassa pangghăliǎnna, ḍhaboena: ,,Djha' dhoeli amboe, kaoelă mabăliă bhăndhă, samangkèn kaoelà ngonèana pèssè dhimèn!"
Saellana djǎrèja Ghoes Kamal pas kalowar, ta' mardoeli petteng tjalèmot sarta ta' andi' pangatako' pa-apa, terros djhoedjhoek ka tokang tegghoe'na sabana aghoengnga. Sanapa'na kadjădijă, pas makon matoron paḍi dări lombhoeng bănnja'na 20 amet (1), sarta èpakon djhoewal bǎkto djărèja kèja, ta' èparèngngaghi atangghin.
Orèng sè èpakon djărèja ta' băngal mator mèra bhiroe, nèng njaot ,,èngghi" malolo, sabab saparkara tako' èdhoekanè, otabă èpokol, margha Ghoes Kamal katon tjara sè ghilă; kadoewă parkara kaaghoenganna aghoengnga, sarta tao, djha' Ghoes Kamal talèbăt èkalèboeri. Paḍina pas èdjhoewăl ka Tjèna ghilingan sè semma' kadjăḍijă, èḍă'-moḍă'ăghi, saamet nèng èotjol ƒ 6.
(1) Saamet=10 kempot=50 èntèng=100 tangghăpan.
