37
Ekala' lekkassa tjarèta Ghoes Kamal ladjhoe abăli ka pamaènanna polè, njambi pèssè padjoena padi ghella'. Napa'na kadjǎdijă ra-kèra la pokol 1 doehoer; mosona ghellǎ' ètemmo ghi' padă amaèn, ghi' tadǎ' sè ambceň; abǎ'na pas terros atjampo maèn polè. Nèng napa' ghan pokol 12 malem pèssèna Ghoes Kamal la ghoendhas, tada' karena sasigără bhǎlǎkka'.
Amarghǎ djarèja Ghoes Kamal talèbăt panassa, pangghåliǎnna sompek sarta sang-posang ta' karoan, njarè pèssè èkabhǎndhǎ'a polè ta' anḍi' pangareppan, ladjhoe ngampet napsona, sarta terros adjhălăn saparan-paranna, sabab ghoebhărǎ tako' ka aghoengnga, marghă la angrasa anḍi' dhoesa radjǎ; ijǎ bhender katako'anna ka aghoengnga ta' sara, tapè arassa tjè' todoessa.
Katjatora aghoengnga saellana mèjarsa atorra tokang tegghoe'na sabǎna, djhǎ' Ghoes Kamal matoron padi dări lombhoeng, apa polè la pan-bărǎmpan malem tada' ghoebhăr, la tantona so'è songkan pangghåliǎnna, sekkel sarta sompek ta' sakèra-kèra, kongsè kapolean songkanna, sabab sanjatana ri'-bari'na lakar ta' njaman rassana, songkan èlowar, èdǎlem ngaghǎli parkara tèngka-polana badjǎna; boe-èmboe satèja tjara djărèja, la tantona so'è sara. Molaè dări djarèja aghoengnga Ghoes Kamal pas songkan ongghoeăn, ta' ngennèng alongghoe bhǎlǎkka', kongsè andhåddhiaghi taladjana.
Ghi' roe-bhoeroe Ghoes Kamal arassa rentek pangghǎlianna, marghǎ kasèdhǎ'ǎn aghoengnga, tapè ta' abit, sabab èkennèng palèpor bi' pangalèboerră, tasalèmor dări bhărăng dhadhingghălăn (bărisanna), ladjhoe èsak polè, sabab bhǎrang dhadhingghǎlănna aghoengnga ta' ètal-pètal, padă tèbhi ka abǎ'na ka- kabbhi. Nalèka ghi' sowarghana aghoengnga, Ghoes Kamal arassa ta' bǎsisa ngalakonè kasennengnganna sè kalaban ngangghoej pèssè, maskè sabhărăng panjo'onna ka aghoengnga ta' tao ta' èatorè; sabab mon taghasèk ghalloe njo'on, tanto arassa todoes dhibi'; anangèng satèja aba'na arassa tjè' băsisana, tadǎ' sè ngertanana, sabáb dhoennjana aghoengnga la èkaandi' kakabbhi. Amargha djărèja abǎ'na so'è dhăddhi ghilana ka maèn. Mon teppa'na masana toktokanna embi', Ghoes Kamal kongsè kaaghoengan embi' addhoeǎn abellăsan, sarta ghoes-bhaghoes, kabellina 20-30 ropèja.
Mon masana addhoeanna ghomumek, è dhǎlemma kongsè akarantongan bi' korongnga ghemmek. Pangaddhoena ghemmek mastè étaroè kongsè apoloan ropèja; apa polè mon njaboeng otabă negghel adjăm so'è radjă tarona, sabab la toman atataroan radja.
E nalèka sèttong arè Ghoes Kamal ngaddhoe embi' toktokanna, èghăndhing dhibi'. Saellana embi'na èaddhoe, pas kala sarta esorah Dan epalo-malo bi mosona. Sarrena abana èsorak băn
