38
èpalo-malo bǎt-talèbăt, molana ta' mèkkèr landjhǎng polè, ladjhoe norkon mosona, kongsè dihǎr-ghadjir dără. Ghoes Kamal pas èghoeghăt ka pangadhilan sè polana norkop, ladjhoe èḍhindhǎ f 16; apa polè aba'na arassa todoes, margha ngadhep parkara.
Ta' rang-korang kalakoanna Ghoes Kamal sè nè-anè. Satèja engko' nèng ngala'a panḍă'na bhai.
Katjatora dhoennja dhadhingghălănna aghoengnga sè talèbăt bănnja'na ghella', nèng èḍălem nem taon la tompes kakabbhi, taḍè’ karèna nè-sakonèa bhalakka’; saba băn kebhoenna sarta bhǎrăng emmas èntenna pada tada' èdjhoewǎl dă-modă, èkabhǎndhǎ maèn.
Di-boeḍina pas adjhoewăl dhălem ban pakaranganna; abă'na pas mondhoet dhǎlem nè'-kènè' tjanggha perrèng, pakaranganna nèng satjalomèng, sabab pangambrina sokkor èkennèng kalongghoei bakto sèjang bhai, ta' kongsè asarè èpèngghir lorong, karana mon malem ngalèlèng samanè, andhoen amaèn ka bengkona tja-kantjana.
Ghi' bilăn pamaènna Ghoes Kamal rèja nèng èkaghåbaj boer-lèboerăn malolo; tapè satèja dhaddhi kasappa, sabab ta' nemmo djhalan pangorèpan laènna.
Mon pamaènna abă'na ta' mennang, ghãsèk aḍhå'år asella arè.
Dhinèng robăna Ghoes Kamal rèja la taḍatjora'na orèng aghoeng sakalè, katon tjè' djhoeba'na, marghǎ gheddha', rang-rang asèram, bhadhǎnna koros, robăna messom, sotjana tjelkong sarta dhirdhir, polana korang asarè, nè-samanè atonggoe' amaèn; la-mala mon dateng lèboerră ongghoe, kongsè atonggoe' doe malem, ta' asarè sakeddjhä'ǎ bhālākka', ngonggoet amaèn bhǎi.
Ghoes Kamal ghella' la doe kalè maso' kapatanḍhăn, margha aba'na tada' èpamadjără dhendha sè polana ètangkep maèn. Bit-abit Ghoes Kamal pas songkan bato' kerrèng, margha korang asarè sarta tabånnja' ghilloe alongghoe. Amarghǎ djărèja abǎ'na arassa talèbåt njandhang kasossa'an bån kamalaratan, bhadhǎnna rosak, dhoennjana tompes, kan-songkanen kongsè pan-barǎmpan taon.
Pangalèboerrãǎ ka maèn ghi' terros èlakonè, tapè ta' kongsè băt-talèbit tjara kaalǎ'na, sabab la dhǎddhi kasappa sarta nambhai kataghianna.
Saopama Ghoes Kamal ta' kaaghoengan bhănḍhă, abǎ'na 1 ngondjhang orèng amaèn ka dhalemma, nèng marloaghi tjokèna, sopadja èkennènga kabǎlandjhă băn èkabhǎndha maen. Panda', Ghoes Kamal rèja, sè polana ghilǎ ka maèn, kongsè rosak bhadhǎnna, rosak adhat ban tètèngkanna, sarta èlang pangatoḍoessa; ontongnga aba'na ta' kongsè adjhălănè ngètjo', nèng ampo nadjabhan malolo.
