42
èdjǎdijă. Molaè dări djărèja Alwǎni dhǎddhi orèng sè tjè' malaratta, sè asalla abengko radjă, pas abengko ko'-rongko', sè asalla ngangghoej bhoenga, pas apangangghoej ba-rambing, asalla ngakan kennjang, satèja nèng ngakan sakalean saarè. Dhinèng sè dhǎddhi pangorèpanna nèng alalakon ngoli, kongsè mèkol otabǎ njo'on dhibi'.
Bit-abit binèna sè ngodă pas ètellak, marghǎ abǎ'na ta' kellar aberri' nafaka; anangèng Soei terros dhǎddhi binèna kongsè no'-rono', marghǎ tjè' èstona ka abǎ'na.
11
MALARAT LANTARAN GHASÈK ABINĖ.
Băḍă orèng lalakè' kasorang, ana'na orèng doemè', anjama Sastra. Molaè dări ghi' kènè' Sastra djǎrèja èpasakola bi' eppa'na, kongsè ollè certificaat (sirtipikat), marghǎ aba'na tarbhoeka. Saellana aba'na kalowar ḍări sakola'an, ta' ghellem maghang è kantor, sabab tja'na pèkkèrra: „Sèngko' ta' kentjeng ngarep dhăddhi pardjadji, marghǎ ta' ghǎmpang kaollèanna. Orèng dhaddhi maghang rèja èdǎlem sataon doe taon ta' ollè ghǎdjhi; bit-abit ijă ollè kèja ghǎdjhi, tapè ta' radjă, nèng sarènggit otaba doèwă rènggit, ta' kèra mendang èkakan bhălăkka', sabab orèng maghăng rèja kapprana nèng marogi ka orèng towana malolo.
Mon orèng towana soghi, ta' arapa, tapè sèngko' rèja barămma, sarrèna andi' orèng towa tjè' malaratta?
Saopama sèngko' sè maghang podjhoer, èdalem 4-5 taon bhoeroe èangkat, dhăddhi djhoertolès kalaban ollè ghǎdjhi f 15 otabǎ ƒ 20, tapė kodhoe njèngla ḍări naghară sang-katerbi'ăn; djarèja ijǎ anjama njossae keja. Băn polè pangkat kapardjǎdjiăn rèja anḍi'na bhăngsa aghoeng otabă orèng sè bădă njamana. Apa ghoenana sèngko' ngarep pangkat kapardjadjiăn, sabab sengko' ana'na orèng doemè'?
Tja'na sang ghoeroe, kawǎdjibhǎnna orèng oḍi' rèja taḍǎ' laèn kadjhåbhana kodhoe njarè radjhekkè, artèna: kakan băn angghoejjă. Dhinèng djhălănna njarè radjhekkè rėja amatjem-matjem: băḍă sè adhăghăng, bad sè atanè băn èn-laenna. Maskè orèng sè dhǎddhi pardjadji rèja kapprana ijă njarè radjhokkè kèja. Pa'-sapa'a sè tjokop kakan bån angghoejja, apa polè sè soghi, djǎrèja aba'na lebbi ontong dări orèng aghoeng otabă pardjadji sè malarat, sabab tjara hakèkatta: sanadjhan dhǎddhi orèng aghoeng otabǎ pardjadji, mon malarat, taḍă' kamoldjǎ'ǎnna sarta a'ib. Mon băkto sè kaangghoej maghang èḍǎlem
