47
soghi, anjama haddjhi Ibrahim, enḍă' madjhălăn pèssè kalabǎn ngala' boedoe'; la-mala orèng dinto bădă 2-3 orèng sè pon aotang pèssè, tapè boedoe'na tjè' bănnja'na. Lagghoena boelā èntara ma' ollè tao."
Boe'na Kalsan:,,Ta èkanapè maskè bănnja' boedoe'na sabab teppa' parlo ongghoe."
Prandhinèng ma'na Kalsan rèja bhangsa tanè, orèng kampong Bobodjong, dhisa Tjihondje. Asalla aba'na tjè' malaratta; anangèng sarrèna abǎ'na bhadjheng sarta tjattjèl alalakon, apa polè bhaghoes tèngka-lakona, bit-abit pas anḍi bengko băn pakarangan dhibi' sarta anḍi' sabă ḍoewǎ bhăoe. Pangorèpan- na aba'na laènna atanè, mokka' båroeng, sabab bengkona èpèngghir lorong, adjhoewal pa-palappa, djhoeko' ghaghoeringan, palotan, gheddhăng, gheddhang ghoering băn èn-laènna. Abǎ'na anḍi' ana' dăeoewa', sè sarèjang lalakè', anjama Kalsan, boengsona băbinè', anjama Oeti, ta' sakèra-kèra pangalèboer băn panganèserra. Sarrèna Kalsan la seḍdhengnga èsonnat, abǎ'na tjara sè ta' njaman neng-enneng, sèjang malem taḍǎ' polè sè èpèkkèrè, kadjhabhǎna sè băḍa'ǎ ghǎbǎjjǎ.
Dări malemma abǎ'na sè aparembhaghan bi' binèna tjara sè la ètjarèta'aghi ghella' rowa, sarta kalagghoeanna ma'na Kalsan pas èntar ka koṭṭa èèrèng orèng mèkol tang-bintang aèssè bherrăssa palotan, oto, djhaghoeng băn adjăm èbaddhải kèsa, saddjhǎna èntara ka bengkona haddjhi Ibrahim ghellǎ', ijă arè- ja parlo ngèndjhǎma pèssè.
Saellana napa' ka djădijă, haddjhi Ibrahim ghǎtè sè nemmonè, sarta èangka'è kopi. Ma'na Kalsan tjè' adăbbhǎ tjara sè ngormate ka orèng aghoeng otaba pardjadji. Saellana ngènom kopi, ma'na Kalsan pas ngotja' sambi marènè, mènta kanèserrè, otja'na:,,lowan haddjhi, kaoelă se njabis ka pandjhennengngan ka'into parlo njo'ona njambhoet pèssè, palèng bănnja' f 200, nè'-sakonè'na ƒ 150, sabab bhădhän kaoelǎ parlo njonnata ana' sè lalakè' ka'into."
Saotta haddjhi Ibrahim: „Palang dhika, San, sanonto boelǎ ta' ngennèng atotolong ka dhika, ta' karana boelǎ ta' nèser ka dhika, sakèng polana taḍǎ' pèssèna, pon padă băḍă èlowar kabbhi; mandhär laèn arè bhăi ngennenga atotolong ka dhika."
Bhǎreng ma'na Kalsan ngèḍing otja'na haddjhi Ibrahim bhoeroe, mowana pas katon pellaj njakalean, atèna dheg-ghadhegghan, sarta ngarembeng aèng mata, otja'na ngara'ngajara sè nangèsa, pèkkera:,,Wa, tjalaka', mon ta' ollè èḍinna' njarėjă tang-otangan da'ămma polè?”
Saellana djǎrėja aba'na pas ngotja' polè sambi nga'-ngara'nga':,,Njo'ona bellǎs ongghoe towan haddjhi, manabi pandjhennengngan ta' bellǎs ka bhǎdhăn kaoelă, pasèra sè nambhǎ'ǎna kasossa'an bhadhăn kaoela ka'into."
