bản patjara, mandira akalèrlèran. Djhăng- ondjhănganna dari· man-dimman, sè djhăoe băn sè semma’ padă akompol, kongsè bădă djhăng-ondjhăngan dări kennengngan sè djhǎoena padjhălănan 2 malem dări Tjihondjè.
Ma'na Kalsan ban binèna padă senneng pèkkèrra, sabab arassa katekkan sakabbhiănna sè èkakareppè; apa polè bănnja' tjakantjana sè lem-ngalem parkara karammèanna ghăbăjjă, andhăddhiăghi kabhoengkakanna atèna.
Ekala' pandǎ'na tjarèta ghăbăjjă la oboes, ma'na Kalsan pas molaè ngènga'è otangnga, sarta apangrasa djhă' abă'na enneng è bengkona orèng, bănnè bengkona dhibi', sabab la anjama èpaghǎdhi, ètangghoengngaghi ka otangnga. Apa polè saellana ghenna' tello boelăn, pas ḍăteng orèng naghi sèwăna bengkona; abǎ'na njarè pèssè anjen -pènjen, marghă taḍă' sè èpamadjără, kabhenderrån pas ollè, sabab aba'na ghi' ta' sempat njarè kasap bản ghi ta kobher mokka băroengnga .
Kaempa’ boelănna abă’na la akasap tjara lăn-bilănna, binèna mokka' baroeng, aba'na aperghi è sabăna. Tapè abă'na arassa eto tjè' sossana, apa polè ta' anḍi' pa-apa sakalè; paḍina tompes nalèka bădă ghăbăjjă, kongsè ghasèk ngakan nasè' sella, la-mala la-nakkala tao ngakan asella arè, saarè bhentèng nèng ngènom 7 kopi malolo ollèna ngala' dări băroengnga. Dhinèng pangasè- " lanna bǎroengnga nèng ètjaḍhăngngaghi ka sèwăna bengkona.
Saellana mosèm anjè' dateng soroanna haddjhi Ibrăhim, parlo mènta'a padi sè 5 amet, abă'na nèng mèlo 3 amet. La-mala padi sè sadjărèja èserra'aghi ka otangnga saparo, sè èkabhănḍhă· abhoektè sabǎna. Amarghă djărèja taon datengnga ma'na Kalsan so'è kara'ang. Nèng doewă masa ma'na Kalsan ngennèng madjăr tjara pardjhăndjhiănna ghellă'. Saellana djărèja abă’na pas andi' èngettan njerra'a njètjèl bhăi. Abă'na pas ngèndjhăm pèssè ka soebăddhă ƒ 30, saddjhăna èpanjètjèla ka haddjhi Ibrahim ; tapè ta' ètampanè, tja'na soro bădjări sama sakalè ; mon ghi' ta' andi', èberri'i tèmpo samasa agghi'. Amarghǎ djărèja maʼna Kalsan arassa tjè' ghimengnga pèkkèrra, sabăb ta' andi' sè èpamadjără njakalèan, mangka mon èdjhălănè samasa agghi' , ta' kowat, karana sè kaadă'na bhăi la talèbăt njossaè. Saellana abǎ'na pas njarè tang-otangan pèssè ka orèng laèn, parlo kaangghoej ngallè ghaghăḍhinna, tapè palang, ta' ollè. Amarghǎ djărèja abă'na pas neng-enneng, nèng massra'aghi abă'na ka Alla.
Saellana napa' ka bakto matèna boelăn, pas dateng polè soroanna haddjhi Ibrahim sè naghiă sèwǎna bengko. Bi' ma'na Kalsan ta' èberri', sabab taḍă' sè èbăghiă.
Haddjhi Ibrahim talèbăt seḍḍhina, pas asoro naghi pèssè sè ƒ 130 , èdjerdjer sabbhăn arè ; tapè bi' ma'na Kalsan ta' èbădjări, sabab lakar ta' andi' pèssè ongghoe.
