Di-boedina haddjhi Ibrahim pas asoro kowasana, Aghoes Midăn, èsoro abălă ka ma'na Kalsan, lamon ta' èḍălem 14 arè, masțè sabhărăng di'- andi'na èbisla.
Bhareng ma'na Kalsan ngèḍing otja'na soroanna Ibrahim, atèna arassa ta' wan-karoan, polana rèbek, anjama madjăr haddjhi rèkong padă bădă, kongsè tjara sè mengmeng, ta' tao sè tja'-ngotja'a. Anangèng sarrèna abă'na la ta' ngennèng atarèka pa-apa, molana pas passra ka Alla, bărămma kadhăddhinna èboedi bhăi. Saellana ollè 14 arè pas dateng polè orèng sè nanaghi, tapè ijă ta' ollè kėja.
E nalèka tangghål 2 boelăn Molod ma'na Kalsan narèma sorat panggilanna Landrăd dări kalèboenna, djhă' è tangghål 15 boelăn djărèja abă'na kodhoe ngadhep ka Landråd è koṭṭa, parlo èparèksa'a parkarana bi' haddjhi Ibrăhim. Bhǎreng abă'na narèma sorat djărèja arassa ngètèkan kakabbhi, sabab takerdjhăt, apa polè marghă saddjhegghǎ oḍi' ghi' ta' tao ngadhep ka pangadhilăn. Tapè doe èpabărămma'a, sabab la ta' ngennèng atarèka polè, sabhărăng èchtèjarra ta' mèghoenaè.
Saellana napa' ka tangghål 15 boelăn Molod, ma'nà Kalsan, haddjhi Ibrăhim , kalèboen Tjihondjè băn apèlla pas pada ngadhep ka Landrăd.
Sorat ghoeghăddhǎ haddjhi Ibrahim èbătja bi' ellid Landrăd kasorang, sarta pas èsalèn ka otja' Soenḍă bi' Djhǎksa. Edǎlem sorat djărèja kasebbhoet, djhǎ' ma'na Kalsan ella adjhoewǎl sangkol sabăna sè ngalowaraghi hasèl 8 amet è dhisa Tjihondjè, bhăbă Tjihcerang (tes-bătessa èterrangngaghi, bengko băn pakaranganna) .
Bhǎreng ma'na Kalsan èparèksa bi' towan President (Preridèn ) ta' dhoeli ngennèng njaot ; saparkara takerdjhăt, karana ghi' bilăn taḍă' pardjhăndjhiăn tjara djărèja, ollè dhăddhi sè matja bilǎn èobă monjèna èpala-sala ; băn polè parkara pardjhăndjhiăn è bengkona haddjhi Ibrahim sama sakalè taḍă' kasebbhoet parkara djhoewal sangkol. Kadoewă parkara abǎ'na arassa katako’en , marghă saddjhegghă oḍi' ta' tao ngadhep ka pangadhilǎn sakalè, apa polè abă'na orèng dhisa tjè' dhisana, sarta bhădhănna gheddhoer arassa ta' andi' ora' . Sarrèna ta' nemmo akkal sè èkotja'aghiă, molana abă'na nèng ,,ngèngghi'i” bhăi.
Amarghǎ djărèja la tantona sabă , bengko băn pakaranganna èpotos bi' Landrăd teptep dhăddhi andi'na haddjhi Ibrăhim.
Bhǎreng ma'na Kalsan ngèḍing potosanna pangadhilăn, matana pas arassa petteng, sarta arassa ta' andi' njabă, bhǎdhănna gheddhoer akalètoran. Băkto abă'na kalowar ḍări dălem kantor sakeddjha' ènga', sakeddjhă' endjǎ'; o-tao la ètemmo bădă è tanèjanna kantor. Sokona ta' kellar atèngka', marghă talèbăt lesso, ta' andi' kakowatan sakalè; ladjhoe todjoe', ngaop
