èbăbăna băringèn. Edjäădijă abă'na pas ènga', djhă' abǎ'na la ta' andi' paapa; ladjhoe ènga' ka binèna, bărămma takerdjhăddhă mon la èbălăi, djhă' bengkona la è'kaandi' orèng laèn; apa sè èpakannaghia ka Kalsan băn Oeti, mè-ame’ mate kalaparen; èḍimma sè èkennengngana abă'na, mè' -amè' kongsè mondhoek è bengkona orèng.
Ma'na Kalsan ta' kellar ngampet kasossa'anna, pas nangès goet- sergoedhăn , tadi’ bhidhāna bàn panangèssa orèng băbinè. Tja-kantjana padă ngotja' losngellos, sopadjă lèpora atèna sarta dijemma sè nangès, tapè ta' mèghoenaè. Ma'na Kalsan talèbăt kastana, marghă abă'na norotè napsona sè bădă ghăbăjjă kongsè bhi-ngabbhiăghi, sè polana terro èkotja'a orèng nèser ka ana'na.
Ekala' pandǎ'na tjărèta maʼna Kalsan nèng atampa tjangkèm sambi ngèkkè' tondjhoe'na, bhărăng di ' - anḍi'na èangko' haddjhi Ibrahim, lantaran aotang pèssè ƒ 130, mangka è taon sè la tapongkor sabǎna malolo ètabăr emboe'na Iswad ƒ 600 ; bengkona bản pakaranganna ètaksèr f 150.
Dhinèng ma'na Kalsan sè nompèng è bengkona èparra talèbăt sossana sarta talèbăt malaratta.
Lă, djărèja kadhăddhiănna orèng sè pèndǎ' pèkkèrra, sè norotè kabǎngalanna atèna aotang ka orèng tokang ngala'an boedoe'.
TEMBHANG BABOEROEGHAN.
KASMARAN.
1. Kasmaran ètembhăngngaghi, dhăddhi pangantjèngngatjrèta, kadhi sè ampon kasebbhoet, sè mènangka dhăddhi teppa, ka rèng-orèng sadhădjă , sè ghåḍhoeăn pangaterro, sennengnga kaodi'ǎnna.
2. Panjo'on sareng pamodjhi, ka para maos sadhădjă, njopprè ta' kantos kalèro, otabă sè sala tampa, narka sè ngarangpakam, bănnja' pangaonèng èlmo, ta' lè-sakalè sapnèka.
3. Tjoma marghǎ sè èpantjè, makon aparèng djhălăn , makompol tjarètaèpon, sè kaonèngè aba'na, saè bhadhi tèmbhăngan, mandhar rèng sè padă maos, kasokan mondhoet soroppa.
4. Samangken maksot sè ngangghit, malè'è tjarèta ghellǎ', èkala' maksotta saos , sopadjă atambă ghămpang, kèjassa ka sè matja, ponapa sè èkamaksot, èḍălem tjarèta ghellǎ'.
5. Tjarèta sè èmolaè, klakoanna Radhin Djhaksa, ghnèkalakar lako saè, ka orèng laèn bellăsan, papa polè ka bhălă, onèng panrèmana tamoj, lendhǎ'ăn ka sasamana.
