29. Di-boedina pas tjalaka', lantaran tèngkana dhibi', ta' tjokop bi' kapènterran, sanaddjhăn bhădjheng sakalè, lamon korang pamèlè, ka lako sè saè patot, tètèngkan sè otama, dhăddhina ta' mangghi hasèl, ta' boeroeng njanḍăng sèksana Ghoestè Alla.
30. Mon rèng aghoeng pon malarat, apessan dări rèng doemè', bhăngsa doemè' tateḍdhănna, èna apes laèp mèskèn, ennessa ta' èpèkkèr, pnapa polè lamon mampo; mongghoe bhăngsa sastrèja, kapprana sè ngalakonè, bănnja' ta ' kellar njanḍhăng kamalaratan.
31. Bhadhi tjonto ghăpanèka, sèjang malem kaèmotè ; pasèra terro moldjǎ'ă, senneng pèkkèr èkaandi' , terro dhăddhi pardjădji , tor anjama orèng aghoeng, kodhoe paonèng mowang, ka parkara sè njossaè, kadhoe onèng njegghǎ sè empa' parkara.
32. Dhǎ'ărră pasatèmbhăngnga, djha' torotè nè-samanè; ka băbinè' kadhoe njegghă; ponapa polè amaèn, sabab bănnja' dhi-andhi, kadhi sè ampon kasebbhoet, sareng sè kaonèngan, kapangghi abǎ'na dhibi', ghǎpanèka saè bhăḍhi katja terrang.
33. Dhinèng tjonto sè otama, teppa sè maollè hasèl, ghi panèka Radhin Hardjă , sastreja bhădjheng tor saè, orèng bănnja' pangartèn, pènter longèt bănnja' èlmo, ngokoè kalerressan, tor ta' poron bă-ngobăi , mon pon lerres èpèkkèr ta' tako' pnapa.
34. Ka tèngkana dhăghăng paham, ka tèngka tatanèn ngartè, bi-lebbi kapardjădjiăn, ngator paprènta'an onèng, papa tadǎ' nandhingè, kaangghep ka loraèpon, tor lèboer kaboelăna, orèng doemè' tako' asè, saabiddhă ngaboelă taḍă' tjalèna.
35. Dhinèng tjonto è-saèan, Dhin Hardjă èngghi ngaghǎli, djhă' orèng dhăddhi sastrèja, ta' kèngèng malarat mèskèn, ghnèka dhǎddhi panarèk, ka lalakon sè ta' patot, sarta lèboer aotang, pas dhăddhi orèng ta' saè, atètèngkan lèboer nèpo lèboer nadjǎp.
36. Polè tèngkana Dhin Hardja , sè otama ètèroè, mongghoe ka sastreja ngodă, èngghi sè lèboer atanè, dhăddhi kasap èbingkèng, saamponnèpon pansijoen, sabab orèng ngaboelă, mnabi èlęppas njossaè, mon kongsè pansijoen sakonè' ghǎdjhina.
37.Dhinèng lako tanè panèka, kèngèng èbhadhi bin-sambin, kapangkatan ta' èdhingghål, ta ' kantos maposang pèkkèr, sareng ta' èkalaèp, la-mala so'è aèmboe, katrèma ka lorana bhab lakona sè è- saè, mèla dhăddhi kamadjhoeănna abă'na.
38. Laèn dări ghăpanèka, tja'-otja'an kaèmotè, apadjoeng ! / sabeiloen odjhán, artèna : tètè ngastètè, sabhărăng kodhoe pèkker, ma' , ta' kasta bingkèngngèpon, djăgă ghi' sabelloenna, paponapa sè njlaka'è, sapnèka djhoeghan tèngkana Radhin Hardjă.
39. Dhinèng sè tjè' talèbăddhă, bi' Dhin Hardjă èkaghăli, sè kaangghoej pangorèpan, bhaḍhi nafaka èbingkèng, bilă èam-
