83. Artèna lako sè bhaghoes, kapèng pètto'èpon polè, ngorangè ka dhărädjhăddhă, tja'na rèng seppo sè onèng, sareng sè kapèng bålloe'na, njrottjot ana'na sè terbi'.
84. Engghi pnèka rèng sè ngarong, anḍi' ana' lir-ghoemèlir, dări binè towa ngodă, ana'na kappra ghi' kènè', tèbhăna pas ta' karèbăng, èngghi marghă bănnja' dhimèn.
85. Ghapnèka tanto mabhingong, marèbek marèkong atè, sabab nèser lèboer bădă, pèjara'an ta' njokopè, pnapa polè apa ngara, terro ana' pènter longèt.
86. Kadhia aèmboe rèkong, kodhoe njarè polè pèssè, bhădhi bădjărăn sakola, mongghoe è djhăman samangkèn, tanto onèng orèng bănnja', djhă' rèng masakola rogi.
87. Tapè mon ta' saka'into, ka ana' ta' poron mertè, njop87. prè andi' kaonèngan, pnapa polè so' kabătèr, sabab samangkèn malarat, sarèannèpon radjhekkè.
88. Lamon andi' ana' bhoedhoe, tanto malarat tapangghi, sareng kasennengngan dhoennja, ghi' sè andi' pangaonèng, bănnja' sè abăk malarat, boe-èmboe sè bhoeḍhoe pèkkèr.
89. Dhinèng rèng nakal ta' aḍdhoe , tello bărna sè ta' saè, soghi binè saparkara, pèng doewǎ' segghoet akabin, pèng tello' ampo azina, njeng-taonjeng ka băbinè'.
90. Ghǎpnèka tèngka tatello', taḍă' sèttonga sè saè, tjatjalènna paḍă băḍă , marosak ka aba ' dhibi', bhadhăn rosak arta èlang, pètotorra rèng sè jakin .
91. Eadă' ampon katjator, kalakoanna Alwăni, sareng klakoannja Sastra, nglombhăr napso ka băbinè', aghoeng doemè' ta abhidha, sapnèka kapprana orèng.
92. Ta' parlo malandjhăng tjator, tanto orèng padă onèng, sarenngan maksot sè ngarang, ta' tjoma maènga' orèng, bhab sè alorbă napsona, tjoma èbhadhi bi-lebbi.
93. Prandhinèng sè èkamaksot, sè kaoelă ngakareppè , atèna sè pas djhăghă'ă , bi-lebbhi sè bhangsa tanè, kadhi ponapa akkalla, sè ghămpang njarè radjhekkè .
MÈDJHIL.
94. Tja'èpon ghoeroe sè ampon ngartè, possa' sareng èlmo , sè dhăddhi lantaran magghoen bhăi, dări lambă' terros ka samangkèn, orèng bhoemè mèskèn, marghǎ ta' ron-karon.
95. Korang èlmo tor andi' tèn-atèn, ka-tèngkana pengko, adhăddhă ta' poron èobăi, partjadjă'ăn ḍă' ka sè nè-bănnè, ghǎpnèka madhăddhi, pangorèpan njorot.
96. Alantaran korang pangaonèng, kasappèpon moghoek, ta' poron madjhoe sareng ta' saè, bhab lalakonnèpon sè atanè, kantos ka samangkèn, èngghi magghoen saos.
