[᭘ 8B]
᭘᭞
ᬲᬂᬫᬧᬸᬦ᭄ᬬᬭᬶᬂᬫᬤ᭄ᬬᬧᬤᬵ᭞ᬓᬸᬦᬂᬗᬶᬓᬂᬯᬶᬦ᭄ᬢᬂᬳᬦᬸᬮᬭ᭄᭞ᬮᬶᬦᬶᬂᬮᭀᬓᬵ᭞ᬯᬶᬦ᭄ᬢᬂᬢᬸᬫᬸᬭᬸᬦ᭄ᬫᬂᬚᬦ᭄ᬫᬵᬓᬮᬶᬂᬗᬦᬶᬓᬵ᭞ᬳᭂᬦ᭄ᬢᬶᬧᬮᬦᬶᬂᬕᬯᬾᬦ᭄ᬬᬳᬬᬸ᭞᭛ᬤᬺᬤᬵᬯᬘ᭞ᬫᬢᬓ᭄ᬯᬦ᭄ᬲᬂᬤᬺᬤᬵᬲ᭄ᬬᬸᬫ᭄ᬯᬄᬮᬶᬂᬦᬶᬭᬵ᭛ᬓᬾᬦᬦᬶᬭᬬᬮᭀᬓᬾᬯ᭞ᬯᬲᬄᬲ᭄ᬯᬮᭀ
ᬓᬫᬕᬢᬄ᭞ᬲᬓ᭄ᬱ᭄ᬬᬾᬧᬾᬦᬬᬢᬧ᭄ᬭᭀᬓ᭄ᬢᬫ᭄᭞ᬢᬢ᭄ᬯᬢᬄᬢᬢ᭄ᬯᬫᬾᬯᬘ᭛ᬲᬚ᭄ᬜᬳ᭄ᬬᬂᬫᬫᬶ᭞ᬦ᭄ᬤ᭄ᬬᬓᬭᬶᬦᬶᬫᬶᬢᬦᬶᬗ᭄ᬯᬂᬳᬸᬫᬗ᭄ᬕᬶᬄᬳᬓ᭄ᬦᬵᬦᬭᬓᬵ᭞ᬮᬯᬦ᭄ᬱ᭄ᬯᬃᬖ᭄ᬕᬵ᭞ᬓᬰᬶᬳᬦᬵᬭᬓᬓ᭄ᬳ᭄ᬬᬂᬫᬫᬶ᭞ᬯᬭᬳᭂᬦ᭄ᬭᬶᬂᬫᬃᬕ᭄ᬕᬵᬦᬶᬧ᭄ᬯᬗ᭄ᬳᬸᬮᬸᬦ᭄᭞ᬉᬯᬘ᭞ᬲᬸᬫᬯᬸᬃᬪᬝᬭᬕ
ᬲ᭄ᬢ᭄ᬬ᭞ᬮᬶᬂᬦᬶᬭᬵ᭛ᬓᬬᬶᬓᬄᬯᬘᬶᬓᬰ᭄ᬘᬾᬯᬵ᭞ᬚ᭄ᬜᬡᬫᬾᬯᬢᬢᬾᬯᬲ᭞ᬦᬵᬭᬓᬦᬫ᭄ᬦᬫᬶᬢᬢ᭄ᬯᬶᬫ᭄᭞ᬲ᭄ᬯᬃᬕ᭄ᬕᬵᬲᭀᬧᬦᬵᬫᬾᬯᬘ᭛ᬓᬮᬶᬗᬦ᭄ᬬ᭞ᬢᬶᬕᬵᬧ᭄ᬭᬢ᭄ᬬᬾᬓᬦᬶᬓᬵᬫᬦᬸᬳᬸᬳᬓᭂᬦ᭄ᬰ᭄ᬯᬃᬖ᭄ᬕᬵᬫ᭄ᬯᬂᬦᬭᬓᬵ᭞ᬉᬮᬄ᭞ᬲᬩ᭄ᬤᬵ᭞ᬅᬫ᭄ᬩᭂᬓ᭄᭞ᬇᬓᬢᬫᬓ
ᬦᬶᬱ᭄ᬝᬵᬫᬤ᭄ᬬᬫᭀᬢᬫ᭄ᬫᬵ᭞ᬍᬯᬶᬄᬨᬮᬵᬦᬶᬓᬂᬰᬩ᭄ᬤᬵ᭞ᬲᬓᬾᬂᬗᬸᬮᬄ᭞ᬍᬯᬶᬄᬧᬳᬦᬶᬓᬵᬗᬫ᭄ᬩᭂᬓ᭄ᬲᬓᬾᬂᬲᬩ᭄ᬥᭂ᭞ᬳᬦᬧ᭄ᬯᬯ᭄ᬯᬂᬫᬲᬫᬕ᭄ᬭᬶᬤᬾᬦ᭄ᬬᬕᬸᬫᬯᬬᬓᭂᬦ᭄ᬇᬓᬂᬓᬤᬸᬱ᭄ᬝᬵᬓᬃᬫ᭄ᬫᬦ᭄᭞ᬢ᭄ᬓᬾᬂᬲᬶᬮᬦ᭄ᬬᬢᬦ᭄ᬭᬳᬬᬸ᭞ᬢ᭄ᬓᬾᬂᬯᬸᬯᬸᬲ᭄ᬦ᭄ᬬᬢᬦ᭄ᬭᬳᬬᬸ᭞ᬗᬸᬦᬶ᭠
[᭙ 9A]
ᬯᬾᬄᬳᬫ᭄ᬩᭂᬓ᭄ᬦ᭄ᬬᬢᬦ᭄ᬭᬳᬬᬸ᭞ᬳᬕᭂᬂᬳᬶᬓᬂᬓᬧᬧᬦ᭄ᬢᬶᬦ᭄ᬫᬸᬦ᭄ᬬ᭞ᬩ᭄ᬭᬳ᭄ᬫᬡ᭄ᬥᭂᬦᬭᬱ᭄ᬝᬶᬡᬲᬤ᭄ᬭᬱᬵ᭞ᬓᬤᬶᬩ᭄ᬬᬢ᭄ᬦᬶᬂᬩ᭄ᬭᬳ᭄ᬫᬵᬦ᭄ᬤᭂᬧ᭄ᬯᬮᭀᬦ᭄ᬬ᭞ᬲᬫᬗ᭄ᬓᬦᬵᬩ᭄ᬬᬢ᭄ᬦᬶᬂᬧᬧᬦ᭄ᬬ᭞ᬳᬸᬧᬧᬓ᭄ᬱᬡᬵᬢᬶᬓᬵᬢ᭄ᬓᬭᬶᬂᬗ᭄ᬯᬗᬕᬯᬾᬳᬬᬸ᭞ᬓ᭄ᬭᬫᬦ᭄ᬬᬦ᭄ᬧᬢᬭᬢᬫ᭄ᬦ᭄ᬬᬦᬶᬳᬦ᭄᭛ᬲᬭᬶᬭ
ᬚᬄᬓᬃᬫ᭄ᬫᬵᬤᭀᬰᬵ᭞ᬬᬢᬶᬢᬲ᭄ᬯᬯᬭᬢᬫ᭄ᬦᬭᬄ᭞ᬯᬘᬶᬓᬾᬄᬧᬓ᭄ᬱᬶᬫᬺᬕᬢᬫ᭄᭞ᬫᬦᬲᬾᬭᬦ᭄ᬢ᭄ᬬᬚᬢ᭄ᬬᬢᬶ᭛ᬓᬮᬶᬗᬦ᭄ᬬ᭞ᬬᬦ᭄ᬳᬦᬵᬯ᭄ᬯᬂᬲᬧ᭄ᬯᬮᬄᬦ᭄ᬬᬚᬸᬕᬵᬦᬳᬮᬵ᭞ᬫᬗ᭄ᬤᬾᬮᬭᬦᬶᬂᬯ᭄ᬯᬂᬫᬸᬮᬢ᭄᭞ᬦ᭄ᬤᬢᬦ᭄ᬬᬓᬧᬸᬃᬯ᭄ᬯᬓᬵᬤᬸᬱ᭄ᬝᬵᬯᬲᬶᬓᬵ᭞ᬫ᭄ᬯᬗᬶᬓᬂᬓᬤᬸᬱ᭄ᬝᬵ
ᬫᬓᬲᬶᬓᬵ᭞ᬢᬸᬳᬸᬦ᭄ᬢᬦ᭄ᬯ᭄ᬭᬸᬳᬶᬂᬲᬶᬮᬵᬚᬸᬕᬬᬵ᭞ᬫᬢᬶᬧ᭄ᬯᬬᬦ᭄ᬮᬳᬵ᭞ᬫᬢ᭄ᬫᬳᬦ᭄ᬢᬬᬲ᭄ᬣᬯᬭᬵ᭞ᬓᬬᬸᬓᬬᬸ᭞ᬓᬸᬦᬂᬗᬶᬓᬂᬯ᭄ᬯᬂᬦᬶᬱ᭄ᬢᬸᬭᬵᬪᬶᬲᬢᬵ᭞ᬢᬦ᭄ᬯ᭄ᬭᬸᬄᬭᬶᬂᬧᬭᬶᬩᬱᬵ᭞ᬦ᭄ᬤᬢᬦ᭄ᬯ᭄ᬭᬸᬄᬭᬶᬂᬲᬶᬮᬵ᭞ᬦ᭄ᬤᬢᬦ᭄ᬧᬓᬧᬸᬃᬯᬓᬵᬤᬸᬱ᭄ᬝᬵᬚ᭄ᬜᬦᬦ᭄᭞ᬲᬩᬭᬶᬦ᭄ᬬᬦ᭄ᬧᭀᬚᬃᬚᬸᬕᬾᬓᬶ
ᬦ᭄ᬧᬫᬸᬳᬭᬓᬃᬡ᭄ᬦᬰᬸᬮᬵᬭᬶᬂᬯ᭄ᬯᬂᬳᬋᬗᬵ᭞ᬫᬢᬶᬧ᭄ᬯᬤ᭄ᬮᬳᬵ᭞ᬬᬢᬶᬓᬵᬢ᭄ᬫᬳᬦ᭄ᬫ᭄ᬭᬕᬵᬧᬓ᭄ᬱᬶᬚᬦ᭄ᬫᬵᬦ᭄ᬬ᭞ᬓᬸᬦᬂᬗᬶᬓᬂᬯ᭄ᬯᬂᬢᬦ᭄ᬧᬘᬶᬢ᭄ᬣᬵᬭᬳᬬᬸ᭞ᬓᬾᬯᬮᬇᬃᬱ᭄ᬬ᭞ᬓ᭄ᬭᭀᬤ᭄ᬤᬵ᭞ᬮᭀᬪᬵ᭞ᬧᬶᬦᬓᬵᬚ᭄ᬜᬦᬦ᭄᭞ᬲᬭᬶᬲᬭᬶ᭞ᬧᬸᬢᭂᬓ᭄ᬤᬍᬫ᭄ᬧᬸᬂᬓ᭄ᬮᬶᬢᬶᬳᬢᬶᬦ᭄ᬬ᭞ᬫ
Page:Bali-lontar-agastya-parwa-250ppi.pdf/9
This page has been proofread.
