[᭑᭐ 10B]
᭑᭐
ᬮᬾᬦ᭄ᬢᬫ᭄ᬩᬸᬃᬧᬚᭂᬂᬲᭂᬫ᭄ᬩᬃᬢᬸᬗ᭄ᬕᬮ᭄ᬫᬧᬩ᭄ᬯᬦ᭄ᬓᬳᭀᬢᬦ᭄᭟ᬮᬘᬸᬃᬤᬦᬾᬦᬾᬳᬩᭂᬲᬶᬓ᭄ᬫᬵᬤᬸᬯᬾᬳᭀᬓᬮᬸᬄᬤᭀᬯᬂᬦᬗ᭄ᬳᬶᬂᬢᬾᬮᬶᬯᬢᬶᬂᬳᬬᬹᬢ᭄ᬯᬭᬵᬤᬧᬥᬧᬥᬤᬶᬚᬕᬢᬾᬫᬦ
ᬦ᭄ᬤᬶᬗᬶᬦ᭄ᬳᬧᬂᬤᬢᬾᬩᬧᬵᬚᬸᬫ᭄ᬩᬸᬄᬦᬗ᭄ᬳᬶᬂᬚᬦᬾᬢᬯᬂᬩᬧ᭟ᬳᬗᬦ᭄ᬲᬾᬓᭂᬢ᭄ᬚᬧᬵᬍᬩᬶᬄᬗᬢᭂᬧᬸᬓᬶᬦ᭄ᬳᬦᬓ᭄ᬫᭂᬮᬄᬚᬩᬚ᭄ᬭᭀᬬᬤᬶᬦ᭄ᬳᬕᬸᬂᬩᬾᬦ᭄ᬢᭂᬦ᭄ᬧᬶᬲᬦ᭄ᬫᬢ᭄ᬭᬫᬾᬫ᭄ᬧᭂᬃᬢ᭄ᬓᬾᬦ᭄ᬳᬶ
ᬳᬬᬸᬭᬳᬶᬫᭂᬗ᭄ᬕᭂᬧ᭄ᬲᬾᬍᬩ᭄ᬳᬍᬧ᭄ᬳᬮᬸᬲ᭄ᬩᬶᬦ᭄ᬲᬺᬗ᭄ᬕᬭᬩᬶᬱᬵᬗᬸᬮᬦᬶᬦ᭄ᬯᬂᬤᬾᬰ᭟ᬧᬫᬸᬮᬸᬦᬾᬜᬦ᭄ᬤᬢ᭄ᬕᬥᬶᬂᬫᬲᬯᬂᬧᭂᬧᭂᬲᬦ᭄ᬫᬲ᭄ᬤᭂᬓ᭄ᬤᭂᬓᬼᬫ᭄ᬧᬸᬂᬩᬸᬓᬵᬕᭂᬭᬸᬲ᭄ᬢᭂᬮᬄᬜᬮᬂᬫᬲᬸᬦ᭄ᬤᬭᬦ᭄
ᬕᬮᬄᬲᬮᬓ᭄ᬓᬮᬸᬫᬤᬶᬦ᭄ᬬᬾᬦ᭄ᬓᬤᬶᬢᭀᬜᬾᬲ᭄ᬫᬲᬸᬮᬸᬄᬫᬶᬭᬶᬩ᭄ᬗᭂᬦᬄᬮᬯᬢᬾᬤᬶᬢᬸᬫᬓ᭄ᬚᬂ᭟ᬢᬸᬢᬶᬂᬩᬢᬶᬲ᭄ᬜᬮᬂᬕᬥᬶᬂᬗᬲᭀᬭᬂᬧᬸᬥᬓ᭄ᬘᬶᬡ᭄ᬥᬕᬚᬭᬶᬚᬶᬫᬫᬸᬲᬸᬄᬩᬓᬸᬂᬓᬸᬓᬸᬦᬾᬮᬦ᭄ᬢᬂᬗ
[᭑᭑ 11A]
ᬭᬢᬓ᭄ᬫᬭᬩ᭄ᬫᬡᬶᬓ᭄ᬢᭀᬬᬳ᭄ᬦᬶᬂᬮᬶᬫᬦᬾᬍᬫᭂᬢ᭄ᬫᬍᬗ᭄ᬓᬸᬂᬩᭂᬍᬕ᭄ᬧᬦᬄᬢᬬᬸᬗᬦ᭄ᬫ᭄ᬩᬸᬲᬸᬳᬵᬫ᭄ᬧᬸᬢᬂ᭟ᬩᬜ᭄ᬘᬂᬫᭂᬭᭀᬲ᭄ᬮᬸᬫ᭄ᬮᬸᬫᬺᬫ᭄ᬧᬶᬢᬶᬳᬶᬂᬕᬥᬶᬗᬾᬓᬸᬘᬶᬯᬵᬧᬮᬦᬾᬚᭂᬕ᭄ᬚᭂᬕ᭄ᬦᬸᬭᬚᬸᬩᬳᭀᬂᬍᬫᬸᬄ
ᬫᬕᬾᬮᭀᬳᬦ᭄ᬫᬶᬭᬶᬩ᭄ᬕᬥᬸᬂᬩᬳᬸᬫᭂᬦ᭄ᬢᬶᬓ᭄ᬫᬗ᭄ᬕᬯᬾᬓᭂᬦᭂᬄᬯᬸᬮᬗᬸᬦ᭄ᬩᭀᬓᬾᬲᬫᬄᬢᬸᬮᬾᬗ᭄ᬕᬸᬍᬗᭂᬫᭂᬫ᭄ᬳᬸᬚᬦ᭄᭟ᬩᭀᬓ᭄ᬩᬸᬤᬦᬾᬤᭂᬫ᭄ᬤᭂᬫ᭄ᬯᬶᬮᬶᬲ᭄ᬳᬮᬶᬲᬾᬩᬸᬮᬦ᭄ᬢᬸᬫᬗ᭄ᬕᬮ᭄
ᬮᬮᬶᬬᬢᬾᬫᬦᬶᬲ᭄ᬜᬸᬜᬸᬃᬭᬱᬜᬫᬲᬧ᭄ᬢᬧ᭄ᬓᬶᬮᬵᬫᬲᬍᬤᬾᬢ᭄ᬩᬸᬓᬵᬢᬢᬶᬢ᭄ᬢᬸᬜ᭄ᬚᬸᬂᬩᬶᬭᬸᬦᬾᬫᬦᬸᬗ᭄ᬓᬸᬮ᭄ᬮᬶᬯᬢ᭄ᬚᭂᬗᬄᬳᬢᬾᬂᬦᬢᬾᬦ᭄ᬜᬮᬶᬂᬓᬶᬤᬂ᭟ᬓᭂᬫᬶᬓᬦ᭄ᬩᬶᬩᬶᬳᬾᬫᬦᬶᬲ᭄ᬗᬸᬘᬶᬯᬾᬦ᭄ᬩᬗ
ᬦ᭄ᬤᬮᬶᬫᬵᬧᬦ᭄ᬢᭂᬲ᭄ᬢ᭄ᬯᬄᬫᬓᭂᬫᬸᬄᬫᬥᬸᬳᬶᬲᬶᬢᬾᬗᭂᬫ᭄ᬩᬂᬭᬶᬚᬰᬵᬩᬭᬓᬸᬮᬾᬦ᭄ᬫᬶᬭᬄᬳᬤᬶᬕᬶᬕᬶᬜᬮᬂᬗᬢᬶᬓ᭄ᬩᬩᬸᬂᬲᬶᬂᬩᬶᬓᬲᬂᬗᬧᬦ᭄ᬢᭂᬲ᭄ᬫᬦ᭄ᬤᬤᬸᬢ᭄ᬘᬶᬢ᭄ᬢ᭟ᬢᭀᬢ᭄ᬯᬂᬧᬧᬸᬧᬸᬮᬦ᭄ᬫᬦᬶᬲ᭄ᬫᭀᬯ
Page:Bali-lontar-gaguritan-hajap-300ppi.pdf/11
This page has been proofread.
