Page:Bali-lontar-gaguritan-pancayoga-01-300ppi.pdf/68

This page has been proofread.

[ ᭖᭗ 67B]
᭖᭗᭞
ᬲᭀᬭᭀᬄ᭞ᬧᬶᬢᬸᬂᬤᬦ᭄ᬤᬦᬦ᭄ᬲᬲᬬᬸᬢ᭄᭞ᬧᬸᬧᬸᬢᬶᬂᬉᬧᬓᬭ᭞ᬓᬤᬶᬗᬹᬦᬷ᭞ᬲᬶᬸᬳᬶᬸᬓ᭄ᬯᬶᬸᬗᬾᬶᬸᬦ᭄ᬫᬶᬸᬯᬶᬸᬄᬲᬶᬸᬓᬶᬸᬫᬗᭂᬦ᭄ᬢᭂᬕ᭄ᬮᬶᬮᬶᬸᬗ᭄ᬕᬶᬄᬳᬢᬸᬭᬂ᭟᭐᭟ᬭᬶᬂᬲᬗ᭄ᬕᬄᬢᬸᬢ᭄ᬯᬦ᭄ᬫᬜᬯᬂ᭞ᬤᬾᬯᬲ
ᬓᬢᬸᬯᬸᬃᬳᬸᬮᬧᬶᬦ᭄᭞ᬧ᭄ᬭᬬᬰ᭄ᬘᬶᬢᬤᬸᬃᬫᬗ᭄ᬕᬮ᭞ᬧᬶᬦᬡ᭄ᬥᬶᬢᬯᭂᬦᬂᬫᬫᬸᬢᬸᬲ᭄᭞ᬯ᭄ᬯᬂᬤᬾᬰᬦᬾᬲᬫᬶᬕᬢᬕ᭄᭞ᬓᭀᬦ᭄ᬗᬪᬓ᭄ᬢᬶ᭞ᬲᬳᬓ᭄ᬯᬗᬾᬦ᭄ᬫᬶᬯᬄᬲᭂᬓᬃ᭟᭐᭟ᬧᬲᬧᬸᬄᬳᬮᬶᬢ᭄ᬚ᭄ᬯᬢᬸ
ᬫᬸᬲᬂ᭞ᬢᬸᬫᬸᬮᬶᬧ᭄ᬮᬲ᭄ᬧᬲᬶᬦ᭄ᬫᬮᬶᬄ᭞ᬫᬦᬹᬢᬶᬦ᭄ᬓᬓᭂᬘᬧ᭄ᬓᬸᬲᬸᬫᬤᬾᬯ᭞ᬦ᭄ᬤᬵᬢᬦ᭄ᬬᭀᬕ᭄ᬬᬯᬄᬳᬸᬯᬸᬄ᭞ᬯᬾᬤᬩᬦ᭄ᬢᭂᬦᬾᬳᬤᬸᬗᬂ᭞ᬦᬾᬕᬸᬕᭀᬦᬶᬦ᭄᭞ᬧᬡ᭄ᬥᬶᬢᬚᬵᬢᬶᬦᬶᬂᬰᬸᬓ᭄ᬮ᭟᭐᭟
ᬯᬾᬦ᭄ᬢᭂᬦ᭄ᬫᬮᬶᬄᬓᬳᬸᬘᬧᬂ᭞ᬤᬸᬃᬫᬗ᭄ᬕᬮᬫᬦᬶᬩᬦᬶᬦ᭄᭞ᬓᬢᬸᬦ᭄ᬯᬦ᭄ᬓᬢᬶᬩᬦᬦ᭄ᬯᬺᬓ᭄ᬱ᭟ᬬᬤᬶᬦ᭄ᬢᬶᬩᬦᬶᬦ᭄ᬳᬦ᭄ᬤᬭᬸ᭞ᬢᭂᬫ᭄ᬧᬸᬄᬮᬶᬦᬸᬄᬮᬦ᭄ᬫᬭᬸᬢ᭞ᬓᬜ᭄ᬘᬦ᭄ᬯᬾᬘᬶ᭞ᬬᬤ?ᬦ᭄ᬓᬮᬶᬫᬸᬢᬦ᭄ᬫᬾᬕ᭟
[ ᭖᭘ 68A]
᭐᭟ᬬᬤᬶᬦ᭄ᬓᬭᬜ᭄ᬚᬶᬗᬦ᭄ᬯᬗ᭄ᬓᬯ᭞ᬧᬸᬭᬦᬾᬧ᭄ᬭᬬᬰ᭄ᬘᬶᬢᬫᬮᬶᬄ᭞ᬉᬧᬓᬵᬭᬧᬓ᭄ᬮᬸᬤᬦ᭄᭞ᬧᬭᬶᬰᬸᬤ᭄ᬥᬫᬜ᭄ᬘᬓᭂᬮᬸᬤ᭄᭞ᬫᬓᬫᬶᬯᬄᬫᬜ᭄ᬘᬲᬢ᭞ᬳᬶᬕᬶᬘᬭᭀᬦᬶᬦ᭄᭞ᬧᬶᬦᬡ᭄ᬥᬶᬢᬯᭂᬦᬂᬫᬸᬧᬸ
ᬢᬂ᭟᭐᭟ᬓᬭᬜ᭄ᬚᬶᬗᬦ᭄ᬯᬂᬘᬾᬤᬗ᭄ᬕ᭞ᬯ᭄ᬯᬂᬳᬾᬤᬦ᭄ᬫ᭄ᬭᬕᬫᬮᬶᬄ᭞ᬤ᭄ᬬᬕᬾᬉᬧᬓᬵᬭᬦᬶᬦ᭄᭞ᬳᬦ᭄ᬢᬓ᭄ᬘᬭᬸᬫᬜ᭄ᬘᬢᬯᬸᬃ᭞ᬳᬬ᭄ᬯᬮᬶᬦ᭄ᬢᬂᬧᭂᬢᬂᬩᬸᬮᬦ᭄᭞ᬕᭂᬮᬶᬲ᭄ᬳᭀᬲᬓᬶᬦ᭄᭞ᬳᬩᭀᬢ᭄ᬯᬲᬵᬫ᭄ᬧᬿ
ᬢᬶᬩᬦᬦ᭄᭟᭐᭟ᬯᬾᬦ᭄ᬢᭂᬦ᭄ᬓᬸᬓᬸᬲ᭄ᬢᬦ᭄ᬧᬦ᭄ᬢᬭ᭞ᬰᬩ᭄ᬥᬖᭀᬭᬢᬦ᭄ᬭᬲᬦᬶᬦ᭄᭞ᬮ᭄ᬯᬶᬃᬧᬢᬓᬦᬶᬩᬸᬭᭀᬦ᭄᭞ᬳᬸᬦᬶᬦ᭄ᬜᬦᬾᬢᬶᬩᬤᬶᬢᬸ᭞ᬓᬤᬶᬚᬦ᭄ᬫᬓᬧᬶᬋᬗᬂ᭞ᬫᬗᬗᭀᬩᬶᬦ᭄᭞ᬚᬸ
ᬭᬸᬲᬧᬸᬳᬾᬫᬶᬋᬗᬂ᭟᭐᭟ᬤ᭄ᬬᬕᬾᬗᬢᬸᬃᬍᬫ᭄ᬧᬦ᭞ᬕᬸᬭᬸᬧᬶᬦᬶᬸᬤᬸᬓᬫ᭄ᬯᬂᬰᬸᬘᬶ᭞ᬬᬦ᭄ᬢᬦ᭄ᬲᬳᬶᬓᬮᬓ᭄ᬱᬡ᭞ᬪᬯᬳᬸᬧᬢᬫᬗ᭄ᬭᬶᬫ᭄ᬩᬸᬕ᭄᭞ᬮᬭᬫᬵᬢᬶᬢᬦ᭄ᬧᭂᬕᬢᬦ᭄᭞ᬲᬬᬄᬓᭂ