Page:Bali-lontar-gaguritan-pancayoga-01-300ppi.pdf/77

This page has been proofread.

[ ᭗᭖ 76B]
᭗᭖᭞
ᬓ᭄ᬫᬸ᭞ᬮᬫᬓᬦᬾᬓᬶᬢᬳᬕᭂᬮᬶᬲ᭄᭞ᬫᬦᬸᬗ᭄ᬕᬮ᭄ᬮᬯᬵᬦ᭄ᬫᬦᬶᬭ᭞ᬳᬶᬓᬓᬚᬂᬲᬗᬸᬦ᭄ᬦᬾᬓᬶ᭞ᬅᬓ᭄ᬱᬭᬳᬦᭂᬫ᭄ᬩᭂᬮᬲ᭄ᬯᬶᬚ᭄ᬬ᭞ᬉᬢ᭄ᬢᬫᬩᭂᬓᭂᬮᬾ ᬫᬸᬮᬶᬄ᭟᭐᭟ᬫᬓᬭᬾᬘᬥᬦᬧᬸᬧᬸ
ᬢ᭄᭞ᬯᭂᬓᬲᬶᬂᬲ᭄ᬯᬃᬕᬯᭀᬂᬫᬸᬮᬶᬄ᭞ᬲᬓᬶᬂᬕ᭄ᬦᬶᬓᬫᬶᬫᬶᬢᬦ᭄᭞ᬫᬸᬮᬶᬄᬭᬶᬂᬕ᭄ᬦᬶᬳᬫ᭄ᬩᬳᬶᬦ᭄᭞ᬫᬢᭂᬫᬸᬮᬯᬵᬦ᭄ᬫᬦᬶᬭ᭞ᬫᬸᬮᬶᬄᬫᬭᬶᬂᬲᬗ᭄ᬓᬦ᭄ᬗᬹᬦᬷ᭟᭐᭟ᬳᬶᬤᬢ᭄ᬯᬄᬫᬢᬕᬭᬳᬬᬸ᭞ᬲᭂᬓᭂᬦ᭄ᬓᭂ
ᬘᬧ᭄ᬫᬦᭂᬕᭂᬲᬶᬦ᭄᭞ᬗᬯᬓᬶᬮᬶᬦ᭄ᬳ᭄ᬬᬂᬲᬹᬓ᭄ᬱ᭄ᬫ᭞ᬲ᭄ᬯᬃᬕᬓᬸᬦ᭄ᬤᬭᬕᬢ᭄ᬯᬶ᭞ᬬᬦ᭄ᬯᬸᬲ᭄ᬫᬢᬶᬢᬶᬲ᭄ᬲᬫᬥᬦ᭄ᬢ᭞ᬲᬯᬾᬕᬫᬢᭂᬫᬸᬭᬶᬂᬫᬫᬶ᭟᭐᭟ᬭᬲᬦᬶᬂᬫᬗ᭄ᬓᬦᬢᬸᬳᬸ᭞ᬬᬤᬶᬦ᭄ᬢᬦ᭄ᬧᬪᬾᬬᬦᬶᬓᬶ᭞
ᬢᭂᬓᬲ᭄ᬯᬃᬕᬚᬸᬕᬓᬶᬢ᭞ᬢᬦ᭄ᬫᬫᬗ᭄ᬕᬶᬄᬕᭂᬦᬄᬯᬾᬘᬶ᭞ᬲᬓᬬᬸᬦ᭄ᬢᬭᬶᬂᬯᬳ᭄ᬬ᭞ᬳᬋᬫᬶᬸᬧ᭄ᬫᬸᬮᬶᬄᬓᬩ᭄ᬬᬦ᭄ᬢᬭᬢ᭄ᬯᬶ᭟᭐᭟ᬧᬶᬢᭂᬓᭂᬢ᭄ᬲᬂᬋᬱᬶᬲᬥᬸ᭞ᬫᬗᬸᬜ᭄ᬘᬭᬂᬢᬢ᭄ᬯᬳᬚᬷ᭞ᬜᭀᬫ
[ ᭗᭗ 77A]
ᬦ᭄ᬳᬲᬸᬂᬲᬬᬕᬦᬸᬦᬲ᭄᭞ᬓᭀᬘᬧ᭄ᬯᭂᬗᬶᬲᬵᬫᬵᬧᬸᬦ᭄ᬦᬫ᭄ᬧᬶ᭞ᬲᬂᬧᬡ᭄ᬥ᭄ᬬᬫᬗᬦ᭄ᬤᬶᬓ᭞ᬯᭂᬗᬶᬦᬾᬓᬤᬳᬦᬶᬸᬢᬦ᭄ᬫᬗ᭄ᬓᬶᬦ᭄᭟᭐᭟ᬧᬸᬧᬸᬄᬕᬶᬦᬥ᭟᭐᭟ᬩᬾᬜ᭄ᬚᬂᬲᭂᬫᭂᬂᬓᬯᬸᬯᬸᬲᬦ᭄
᭞ᬳᭀᬮᬲᬲᬶᬄᬭᬯᬸᬄᬢᬗ᭄ᬓᬶᬮ᭄᭞ᬳᬶᬤᬰᬶᬯᬫᬗᬦ᭄ᬢᭀᬲᬂ᭞ᬤᬦᬾᬓᭂᬢᬸᬢ᭄ᬘᬾᬗᭂᬄᬤᬶᬢᬸ᭞ᬦᬸᬦᬲ᭄ᬮᬸᬕ᭄ᬭᬫᬦᭂᬲᭂᬓᬂ᭞ᬓᬦ᭄ᬤᬶᬓᬳᬶᬦ᭄᭞ᬘᬳᬶᬓᭂᬢᬸᬢ᭄ᬓᬾᬦ᭄ᬤᭂᬤᬶᬸᬲᭂᬓᬂ᭟᭐᭟ᬪᬹᬢ
ᬬᬚ᭄ᬜᬵᬦᬾᬮᬦ᭄ᬢᬸᬭᬂ᭞ᬘᬳᬶᬓᭂᬢᬸᬢ᭄ᬳᬧᬂᬳᬾᬮᬶᬂ᭞ᬬᬾᬦᬶᬂᬘᬭᬸᬫᬜ᭄ᬘᬲᬢ᭞ᬳᬸᬭᬶᬧ᭄ᬧᬜ᭄ᬘᬯᬭᬳᬦᬹᬢ᭄᭞ᬫᬶᬯᬄᬳᬸᬭᬶᬧ᭄ᬲᬧ᭄ᬢᬯᬭ᭞ᬳᬗ᭄ᬓᭂᬧ᭄ᬲᬫᬶ᭞ᬓᬗᬶᬦ᭄ᬓᬯᬸᬄᬓᬚᬓᭂ
ᬮᭀᬤ᭄᭟᭐᭟ᬳᬶᬋᬂᬳᬩᬵᬓᬸᬦᬶᬂᬧᭂᬝᬵᬓ᭄᭞ᬳᬸᬫᬄᬧᬜ᭄ᬘᬯᬭᬳᬦᬹᬢᬶᬦ᭄᭞ᬭᬸᬫ᭄ᬩᬄᬕᬶᬮᬾᬮᬦ᭄ᬚᬚᬢᬄ᭞ᬭᬶᬂᬫᬥ᭄ᬬᬳᬬᬫ᭄ᬩᬭᬸᬫ᭄ᬩᬸᬦ᭄᭞ᬢᬍᬃᬫᬦᬹᬢ᭄ᬳᬸᬭᬶᬧ᭄ᬤᬶᬦ᭞ᬘᬮᭀ