[᭑᭔ 14B]
᭑᭔
ᬓᭀᬓᬦᬾᬓᬢᭀᬦ᭄ᬗᭂᬫ᭄ᬧᬸᬫᬵᬲᬯᬂᬢ᭄ᬭᬗ᭄ᬕᬡᬵᬢᬶᬗ᭄ᬓᬶᬳᬾᬦ᭄ᬟᭂᬂᬧᬤᬵᬧᬵᬫᬲᬯᬂᬲᬸᬩᭂᬂᬳᭂᬦ᭄ᬢᬮ᭄ᬢ᭄ᬭᬂᬮᬗᬶᬢᬾᬮ᭄ᬯᬶᬃᬧᬫᬸᬮᬹ᭟ᬧᬸᬤᬓᬾᬓᬢᭀᬦ᭄ᬩ᭄ᬢᭂᬓ᭄ᬩᬢᬶᬲ᭄ᬢᬶᬳᬶᬂᬕᬥᬶᬗᬾᬮᬸᬫ᭄ᬮᬸᬫ᭄ᬫᬓᬸᬮᬶᬬᬩ᭄
ᬩᬗ᭄ᬓ᭄ᬬᬂᬫᬲᬦ᭄ᬟᬶᬂᬢ᭄ᬓᬾᬦ᭄ᬜᬸᬄᬕᬥᬶᬂᬫᬧᬶᬦ᭄ᬟᬜᬗ᭄ᬓᬶᬄᬩᬸᬓᬵᬕ᭄ᬮᬂᬩᬸᬗ᭄ᬳᬦ᭄ᬲᬸᬗᬾᬗᬾᬦᬾᬮᬸᬫ᭄ᬮᬸᬫ᭄ᬢᬬᬸᬗᬦ᭄ᬓᬤᬶᬧᬤᬧᬵᬧᬫᬵᬃᬕ᭄ᬕᬶᬓᬤᬶᬳᬫ᭄ᬩᬸᬩᬸ᭞ᬢᬸᬳᬸᬢ᭄ᬯᬄᬫᬦᭂᬫ᭄ᬦᬂᬳᬢᬶᬓᬮᬗᭂᬦᬾᬫᬧᬸᬧᬸᬮ᭄ᬦᬾᬫ᭄ᬯᬦᬶᬫᬾᬲᭂ
ᬫᬗᬸᬘᬧ᭄ᬳᬤᬸᬄᬢᬸᬳᬸᬭᬯᬶᬢ᭄ᬓᬧᬾᬗᬶᬦ᭄ᬫᬳᬶᬦᬾᬗᭂᬦᭀᬢᬂᬓᬮᬗᭂᬦᬾᬩᬲ᭄ᬓᬳ᭄ᬬᬸᬦ᭄ᬳ᭄ᬬᬸᬦ᭄ᬩᬸᬓᬵᬢ᭄ᬯᬭᬗᭂᬜ᭄ᬚᭂᬓ᭄ᬢᬦᬄᬳᬢᬶᬦᬾᬤ᭄ᬫᭂᬦ᭄ᬥᬸᬮᬸ᭟ᬫᬶᬲᬦᬾᬓᬓᬮᬶᬄᬓ᭄ᬜᬶᬃᬢᬹᬃᬳᬗᬸᬘᬧ᭄ᬚᬳᬦ᭄ᬩᬾᬦᬦ᭄ᬓᬢ᭄ᬧᬸᬓ᭄ᬓ
ᬮᬗᭂᬦᬾᬮᬸᬳᬸᬂᬤᬶᬩᬸᬓᬶᬢᬾᬦᬾᬦᬾᬗᬶᬗ᭄ᬕᬶᬮ᭄ᬢᬫ᭄ᬧᬶᬤᬶᬢᬸᬳᬶᬸᬤᬶᬸᬲᬚᬵᬓᬮᬗᭂᬦᬾᬩᬲ᭄ᬫᬫ᭄ᬩᬸᬕ᭄ᬩᬸᬕ᭄ᬓᬢᭀᬦ᭄ᬳᬭᬳᬭᬄᬦᬾᬓ᭄ᬮᭀᬤ᭄ᬩᬸᬓᬵᬤᬫ᭄ᬧᬶᬂᬤᬶᬢᬸᬫᬭᬾᬭᬾᬦᬦ᭄ᬳᬦᬓ᭄ᬫᬧᬶᬓᬢ᭄ᬧᬓ᭄ᬱᬶᬦᬾᬦᬾᬮᬶᬸ
[᭑᭕ 15A]
ᬮᬸᬳᬸᬂ᭞ᬢᬸᬫᬸᬮᬶᬭᬭᬶᬲ᭄ᬫᬫᬵᬃᬕ᭄ᬕᬶᬧᬤᬵᬳᬲ᭄ᬫᬸᬕᬸᬬᬸᬫ᭄ᬯᬦᬶᬳᬫᬸᬯᬸᬲ᭄ᬫᬱᬵᬢᬦᬶᬢᬸᬳᬸᬮᬫᬸᬦ᭄ᬢᭀᬲᬶᬕ᭄ᬜᬦᬾᬗᬶᬗ᭄ᬕᬶᬮ᭄ᬭᬲᬜᬫᬗᬸᬗᬂᬲᬶᬕ᭄ᬩᬢᬦ᭄ᬓᬬᬸᬦᬾᬢᬸᬗᬸᬮ᭄ᬳᬲᬶᬦ᭄ᬢ᭄ᬯᬄᬜᬢᭂᬗ᭄ᬕᬃᬩᬲ᭄ᬧᬫᭀᬤᭀᬗᬦ᭄ᬳ
ᬗᬶᬦ᭄ᬫᬱᬵᬓᬶᬓᬶᬢ᭄ᬤᬶᬗᬶᬦ᭄ᬭᬯᭀᬲ᭄ᬩᭂᬕᬶᬸᬮᬶᬕ᭄ᬩᬮᬶᬕ᭄ᬬᬦ᭄ᬫᬲᬦ᭄ᬢᬳᬸᬦ᭄᭟ᬫᬱᬵᬫᬗ᭄ᬭᬱᬵᬤᬶᬳᬢᬶᬭᬭᬶᬲ᭄ᬫᬫ᭄ᬦᬾᬓᬂᬫᬵᬃᬕ᭄ᬕᬦᬾᬓ᭄ᬢᬶᬮ᭄ᬜᬦ᭄ᬤᬶᬂᬚᬸᬭᬂᬤᬍᬫᬾᬢᬦ᭄ᬲᬶᬦᬶᬧᬶᬬᬾᬳᬾᬗᬭᬶᬡ᭄ᬦᬶᬂᬓᬢᭀᬦ᭄ᬲᬯᬢ᭄ᬟᬶᬧᬭᬗ
ᬦᬾᬫᬘ᭄ᬩᬸᬃᬦᬾᬫ᭄ᬯᬦᬶᬫᬲᬯᬂᬫᬭᬲ᭄ᬦᬾᬳᬶᬲ᭄ᬢ᭄ᬭᬶᬧᬥᬕᬸᬫᬸᬬᬸ᭞ᬳᬶᬢᬸᬜ᭄ᬚᬸᬂᬧᬸᬢᬶᬄᬫᬲᬲᬶᬫ᭄ᬩᬶᬂᬭᬶᬂ᭠ᬳᬶᬢᬸᬜ᭄ᬚᬸᬂᬩᬭᬓᬫᬗᬸᬤᬵᬜᬳᬶᬫᬭᬲ᭄ᬤᭀᬢᬶᬤᭀᬂᬜᬳᬶᬧ᭄ᬭᬚᬸᬭᬶᬢ᭄ᬧᬗ᭄ᬓᬸᬂᬫᬦᭀᬗᬵᬲ᭄ᬚᬮ
ᬦ᭄ᬫᬮᬵᬳᬯᬓᬾᬧᬢᬓᬸᬢᬓᬸᬢ᭄ᬢᭀᬂᬗᬲᬶᬦ᭄ᬧᬶᬘᬸᬦ᭄ᬤᬂᬚᬸᬭᬂᬳᬶᬢᬸᬜ᭄ᬚᬸᬂᬩᬭᬓ᭄ᬫᬲᬳᬸᬢ᭄᭟ᬳᬦᬓ᭄ᬬᬢ᭄ᬯᬄᬲᬤ᭄ᬟᬯᬜ᭄ᬘᬶᬫᬸᬜᬶᬦᬾᬳᬶᬚᬸᬲᬤ᭄ᬟᬵᬗᭂᬜ᭄ᬘᬾᬗᬂᬚᭀᬄᬧᬭᬦ᭄ᬢᬶᬢ᭄ᬬᬂᬢᬓᬸᬢ᭄ᬬᬾᬦ᭄ᬢᭂᬓᬚᬦᬶ
Page:Bali-lontar-gaguritan-tunjung-biru-300ppi.pdf/15
This page has been proofread.
