[᭑᭕ 15B]
᭑᭕
ᬕᬶᬗ᭄ᬲᬶᬭᬶᬦ᭄ᬢ᭄ᬯᬭᬵᬢᭀᬕᬯᬾᬜᬵᬢᬸᬬᬸᬳᬾᬫᬮᬧᬸᬮᬧᬸᬬᬾᬦ᭄ᬢᬦᬶᬢᬸᬢᬸᬕᬂᬓᬤᬸᬂᬲᬸᬩᬮᬫ᭄ᬧᬳᬶᬦ᭄ᬚᬦᬶᬩᬾᬦ᭄ᬢᬓᬸᬢ᭄ᬫᬚᬮᬦ᭄ᬲᬤ᭄ᬬᬫ᭄ᬮᬶᬄᬳᬯᬓ᭄ᬢᬸᬃᬮᬩᬸᬄ᭞ᬢᬭᬸᬡᬦᬾᬳᬲ᭄ᬫᬸᬳᬶᬫ᭄ᬩᬶᬄᬫᬫᬶᬋ
ᬗᬂᬫᬸᬜᬶᬦ᭄ᬳᬦᬓᬾᬳ᭄ᬮᬸᬄᬳᬸᬮᬢ᭄ᬳᭂᬦ᭄ᬢᭀᬗᬸᬬᭀᬦᬶᬦ᭄ᬫᬗ᭄ᬮᬮ᭄ᬯᬂᬳᬢᬶᬩᬸᬓᬯᬶᬯᬶᬭᬂᬫᬲᬳᬸᬳᬲ᭄ᬫᬸᬕᬸᬬᬸᬚᬸᬭᬗᬾᬤᬍᬫ᭄ᬲᬦ᭄ᬢᬸᬳᬸᬗᭂᬜᭂᬢᬂᬗᭂᬜᭂᬢᬂᬳᬢᬶᬳᬗ᭄ᬳᬶᬂᬕᬦ᭄ᬢᬶᬦᬾᬲᬭᬜᬬᬾᬦ᭄ᬢ᭄ᬯᬄᬢᬦᬶ
ᬫᬱᬵᬢᭀᬂᬮᬩᬸᬄ᭟ᬢᬸᬮᬶᬲᬾᬢ᭄ᬯᬄᬫᬗ᭄ᬕᬶᬲᬶᬬᬂᬤ᭄ᬬᬲ᭄ᬢᬸᬧᬶᬂᬢ᭄ᬮᬸᬜᬳᬸᬦᬸᬓ᭄ᬮᬦ᭄ᬢᬦᬶᬫᬫᬱᬫᬵᬃᬕ᭄ᬕᬦᬾᬫᬲᬶᬄᬳᭂᬜ᭄ᬚᭂᬓᬶᬦ᭄ᬮᬫᬸᬦ᭄ᬢ᭄ᬯᬄᬕᬦ᭄ᬢᬶᬲᬸᬩᬭᬸᬲᬓ᭄ᬤ᭄ᬬᬲ᭄ᬢᬸᬦ᭄ᬕᬕᬧᬶᬦ᭄ᬫᬦᬸᬳᬸᬢ᭄ᬫ
ᬕᬸᬮᬶᬓᬦ᭄ᬢ᭄ᬯᬄᬳᬧᬶᬲᬦ᭄ᬮᬶᬫᬦᬾᬕᬕᬂᬫᬗᬸᬲᬸᬤ᭄᭞ᬫᬜᬭᬾᬦ᭄ᬤᬾᬂᬮᬦ᭄ᬢᬲ᭄ᬗᬸᬮᬶᬮᬶᬂᬩᬢᬶᬲᬾᬲ᭄ᬮᬾᬂᬢᬸᬢᬸᬕ᭄ᬢ᭄ᬓᬾᬦ᭄ᬲᬶᬭᬳᬾᬩᬲ᭄ᬮᬦ᭄ᬢᬂᬮᬶᬫᬦᬾᬫᬜᭀᬂᬩᬶᬂᬳᬗ᭄ᬓᬶᬤᬾᬮᬯᬦᬧᬮᬸᬧᬳ᭄ᬓᬸ
[᭑᭖ 16A]
ᬗᬾᬢᬶᬜ᭄ᬚᬓ᭄ᬢᬶᬕ᭄ᬢᬶᬕ᭄ᬳᬸᬭᬸᬤ᭄ᬢᬸᬯᭂᬤᬾᬮᬯᬦ᭄ᬫᬳᬸᬫᬤ᭄ᬤ᭄ᬯᬶᬦᬾᬳᬗ᭄ᬕᭀᬦ᭄ᬍᬫ᭄ᬩᬸᬭᬸᬤ᭄᭞ᬬᬾᬦ᭄ᬲᬸᬩᬵᬫᬗ᭄ᬕᬸᬮᬶᬮᬶᬳᭀᬳᭀᬦ᭄ᬩᬲ᭄ᬢᬸᬬᬸᬄᬲᬳᬸᬢ᭄ᬕᭂᬮᬃᬕ᭄ᬮᬸᬃᬳᬶᬗ᭄ᬲᬸᬢ᭄ᬗ᭄ᬮᬦ᭄ᬢᬶᬂᬫᬢᬶᬢᬦᬶᬫᬢᬶᬳᬶᬤᬸ
ᬧ᭄ᬗᬸᬫᬦ᭄ᬟᬂᬕ᭄ᬮᬵᬕ᭄ᬮᬵᬫᬦ᭄ᬟᬸᬲ᭄ᬕ᭄ᬢᬶᬄᬩᬩᬓ᭄ᬩᭂᬮᬸᬃᬲᬗ᭄ᬲᬭᬦᬾᬯ᭄ᬓᬲ᭄ᬳ᭄ᬮᬸᬂᬢᬸᬮᬗᬾᬳᭀᬜᬋᬫᬸᬓ᭄ᬢ᭄ᬓᬾᬦ᭄ᬲᬶᬭᬳᬾᬩᬲ᭄ᬢᬲᬓ᭄ᬕᬶᬕᬶᬩᬺᬲᬶᬄᬫᬢᬦᬾᬢᬸᬫ᭄ᬩᬸᬄ᭞ᬧᬤᬕᬸᬫᬸᬬᬸᬦᬾᬳᬶᬲ᭄ᬢ᭄ᬭᬶᬫᬫᬶᬋᬗᬂᬫᬸᬜᬶ
ᬦᬾᬫ᭄ᬯᬦᬶᬕᬸᬬᬸᬭᬭᬶᬲ᭄ᬫᬫᬃᬕ᭄ᬕᬶᬢᬦ᭄ᬲᬄᬲ᭄ᬮᬾᬂᬢᭀᬮᬶᬄᬳᬗ᭄ᬕᭀᬦ᭄ᬜᬭᬸᬯᬂᬳᬢᬶᬫᬭᬲ᭄ᬦᬾᬫ᭄ᬯᬦᬶᬭᬭᬶᬲ᭄ᬫᬓᬶᬤᬸᬂᬰ᭄ᬯᬭᬦᬾᬳᬗ᭄ᬭᬲ᭄ᬫᬗᬲᬶᬄᬓᬧᬶᬗ᭄ᬓᬮᬶᬄᬫᬾᬄᬮᬶᬯᬢ᭄ᬫᬃᬕ᭄ᬕᬦᬾᬲᭂᬗ᭄ᬓᬵᬢᬓ᭄ᬓᭀᬘᬧᬢ᭄ᬓᭂ
ᬤᬶᬤᬸᬳᬸᬃ᭞ᬚᬦᬶᬲᬸᬩᬧᬥᬲᬶᬗᬶᬤ᭄ᬤᬯᬸᬄᬮᬶᬫᬵᬲᬯᬂᬤᬬᬸᬄᬲᬸᬫᬗ᭄ᬓᬶᬜᭂᬮᬗᬸᬦ᭄ᬦᬾᬦᬾᬓ᭄ᬮᭀᬤ᭄ᬓᬢᭀᬦ᭄ᬧᬰᬶᬄᬳᬾᬧᬳᭂᬓᬾᬭᬲᬜᬵᬳᭀᬫ᭄ᬩᬢ᭄ᬜᬦᬾᬓ᭄ᬭᬕ᭄ᬓᭂᬭᬸᬕ᭄ᬫᬜᬦ᭄ᬤᬶᬂᬕᬸᬦᬸᬂᬓᬮ
Page:Bali-lontar-gaguritan-tunjung-biru-300ppi.pdf/16
This page has been proofread.
