[᭑᭗ 17B]
᭑᭗
ᬮᬦ᭄ᬓᬢ᭄ᬭᬗᬦ᭄ᬩᬸᬗᬦ᭄ᬘᬗᬶᬗᬸᬩᬳᬓ᭄ᬳᬸᬮᬸᬂᬫᬦ᭄ᬧᬾᬦ᭄ᬧ᭄ᬭᬶᬂᬕᬤᬶᬂᬓᬢᭀᬩᬸᬓᬵᬫᬱᬵᬲᬧᬬᬦ᭄ᬘᬾᬮᬾᬗᬾᬫᬤᬸᬮᬸᬃᬤᬸᬮᬸᬃᬲᭂᬗ᭄ᬕᬳᬾᬫᬦᬤᬶᬗ᭄ᬓᭂᬮᬓᬦ᭄ᬧᬲ᭄ᬮᬾᬂᬢᭀᬮᬶᬄᬮᬸᬫᬓᬸ᭞ᬫᬮᬳᬶᬩ᭄ᬮᬳᬶᬩ᭄
ᬧᬥᬵᬫᬗᬸᬗ᭄ᬲᬶᬕᬕᬵᬫᬘᬦᬾᬕ᭄ᬮᬸᬃᬕ᭄ᬮᬸᬃᬳᬸᬮᬫᬗᬮᬶᬄᬫᬗᭂᬦ᭄ᬟᭂᬳᬂᬳᬦᬓ᭄ᬫᭂᬭᬗ᭄ᬓᬢ᭄ᬧᬾᬢᬸᬦᬾᬋᬗᬲ᭄ᬤᬶᬤᬸᬳᬸᬃᬩᭀᬚᭀᬕᬾᬧᬕ᭄ᬭᬄᬢᬓᬸᬢ᭄ᬫᬦᬶᬗᭂᬳᬂᬫᬘᬦ᭄ᬲ᭄ᬫᬮᬾᬫᬫᬸᬮᬶᬜ᭄ᬘᬂᬳᬾᬧᬸᬄᬤᬗᬧᬾᬫᬗᬸᬫ
ᬗᬸ᭟ᬧᬤᬵᬲᬸᬓᬵᬫᬦᬶᬗ᭄ᬳᬮᬶᬦ᭄ᬢᬭᬸᬡᬦᬾᬫᬾᬲᭂᬫ᭄ᬳᬫᬸᬯᬸᬲ᭄ᬢᬸᬳᬸᬓᬗᭂᬦ᭄ᬲᬦ᭄ᬩᬬᬓᬢᭀᬦ᭄ᬢ᭄ᬯᬄᬜᭂᬤᬶᬦᬶᬲᬂᬓᬯᬶᬦᬾᬫᬓᬸᬦ᭄ᬟᬂᬓᬭᬲ᭄ᬲᬵᬃᬯ᭄ᬯᬶᬫᬵᬃᬡ᭄ᬦᬲᬓᬮᬗᬸᬦ᭄ᬳᬶᬢᬸᬜ᭄ᬚᬸᬂᬧᬸᬢᬶᬄᬫᬜᬳᬸᬢᬶᬦ᭄
ᬦᬶᬓᬵᬩ᭄ᬘᬶᬓ᭄ᬦᬾᬓᬯᬸᬄ᭞ᬧᬢᬫ᭄ᬩᬸᬦᬦ᭄ᬮᭂᬗᭂᬗᬾᬲᬫᬶᬳᬧᬦ᭄ᬳᬮᬲ᭄ᬯᬬᬄᬧᬢᭀᬗᭀᬲᬦ᭄ᬩᬸᬭᭀᬦ᭄ᬳᬕᬸᬂᬓᬬᬸᬦᬾᬳᬢᬸᬩ᭄ᬲᭂᬧᬶᬤ᭄ᬢ᭄ᬯᬭᬵᬳᬓᬓᬢᭀᬦ᭄ᬧᬸᬜᬦᬵᬘᬭᬂᬜᬦᬾᬲ᭄ᬮᬾᬗᬬᬸᬄᬬᬾᬦ᭄ᬢᭀ
[᭑᭘ 18A]
ᬢᬶᬗᭂᬢᬶᬦ᭄ᬤᬶᬧᬸᬜᬧᬸᬜᬦ᭄ᬜᬦᬾᬳᬮᬶᬄᬢᬸᬳᬸᬦ᭄᭟ᬓ᭄ᬟᬶᬲᬶᬲᬮ᭄ᬯᬶᬭᬶᬂᬓ᭄ᬤᬶᬲ᭄ᬢ᭄ᬯᬄᬬᬵᬧᬤᬵᬫᬦᬓ᭄ᬓᬸᬫᬦᬓ᭄ᬤᬶᬮᬸᬫᬲ᭄ᬩᬸᬦ᭄ᬫᬢᬮᬸᬄᬢᭀᬂᬢᬳᬾᬦ᭄ᬳᬦᬓ᭄ᬗᭂᬦ᭄ᬢᬲᬶᬦ᭄ᬮᬫᬸᬦ᭄ᬢᬦ᭄ᬯᭀᬂᬕᬫᬂᬩ᭄ᬦᭂᬄᬮᬢᭂᬗᬦᬾᬮ᭄ᬬᬲᭀᬓ᭄ᬭᬧᬶ᭠
ᬢ᭄ᬢᭀᬦ᭄ᬢᭀᬦᬦ᭄ᬩᬸᬗᬦᬾᬮᬸᬗᬦᬾᬫᬯᬵᬃᬡ᭄ᬦᬯᬵᬃᬡ᭄ᬦᬵᬫᬃᬕ᭄ᬕᬦ᭄ᬜᬦᬾᬢ᭄ᬯᬄᬤᬫ᭄ᬧᬃᬢᬗᬶᬂᬤ᭄ᬯᬶᬦ᭄ᬜᬦᬾᬫᬫ᭄ᬩᬸᬩᬸᬕ᭄ᬩᬸᬕ᭄᭞ᬢᬦ᭄ᬲᬄᬓᬮᬗᭂᬦᬾᬫᬧᬮᬶᬄᬧᬮᬶᬄᬬᬦ᭄ᬓᭂᬤᬶᬲᬾᬲᬫᬶᬳᬸᬫᬸᬂᬓᬾᬓᬾᬭᬾᬲ᭄ᬮᬾᬂᬲᬶᬓ᭄ᬱᬶᬓ᭄ᬫᬶᬮᬸ
ᬫᬓᬶᬲᬶᬓᬶᬲᬶᬗᬚᬓᬶᬦ᭄ᬫᬲ᭄ᬩᬸᬦᬂᬧᬋᬜ᭄ᬚᬓᬾᬫᬶᬜ᭄ᬚᬂᬫᬶᬜ᭄ᬚᬂᬤᬶᬓᬬᬸᬦᬾᬭᬕᬲ᭄ᬳᬸᬮᬢ᭄ᬫᬗᬮᬶᬄᬧ᭄ᬟᭂᬫᬦ᭄ᬩᬮ᭄ᬯᬦᬾᬤᭂᬗᬓ᭄ᬤᭂᬗᭀᬓ᭄ᬫᬳᬶᬩ᭄ᬫᬗᬶᬯᬲᬶᬦ᭄ᬲᬸᬳᬸᬂ᭟ᬤ᭄ᬮᬶᬗᬾᬘ᭄ᬮᬶᬄᬢᬶᬮᬶᬂᬗᬶᬮᬶᬂᬘᬗᬓᬾᬗᬩ
ᬮᬶᬦ᭄ᬟᬸᬂᬳᬮᬢ᭄ᬦᬾᬓᬓᬹᬂᬫᬗᬸᬱᬵᬧᬾᬢᬸᬦᬾᬜᬸᬮᬶᬂᬮᬶᬂᬤᭀᬦ᭄ᬓᬬᬸᬦᬾᬳᬸᬮᬢ᭄ᬫᭂᬮᬶᬢᬂᬢᬸᬓᬾᬦᬾᬬᬄᬗᬫᬸᬓ᭄ᬫᬸᬓ᭄ᬫᬦᭂᬮᭀᬓ᭄ᬱᬶᬭᬄᬳᬾᬓᬄᬓᬄᬫᬗᬶᬦ᭄ᬢᬶᬧ᭄ᬢ᭄ᬟᬵᬤᬶᬤᬸᬳᬸᬃ᭞ᬤᬗᬧᬾᬫᬜ᭄ᬩᬓ᭄ᬮᬶᬗ᭄ᬕᬄ
Page:Bali-lontar-gaguritan-tunjung-biru-300ppi.pdf/18
This page has been proofread.
