[᭒᭓ 23B]
᭒᭓
ᬜᬶᬜᭂᬋᬓᬾᬗᬮᬶᬄᬚ᭄ᬭᭀᬦᬾᬫᬧ᭄ᬬᬦᬓ᭄ᬚ᭄ᬭᭀᬦᬾᬫᬗᭀᬭᬳᬂᬤᬾᬤᬸᬓᬸᬄᬲᬸᬓᬵᬫᬗ᭄ᬭᬸᬗᬸᬳᬧᭂᬦᬾᬳᬶᬩᬶᬧ᭄ᬯᬦ᭄ᬢᬦ᭄ᬮ᭄ᬬᬦᬾᬳᬢᬶᬳᬢᬶᬩᬓᬮ᭄ᬫᬜᬦ᭄ᬤᬶᬂᬦᬾᬲᬬᬂᬢᬦ᭄ᬟ᭄ᬬᬦᬾᬤᬶᬦᬵᬕᬭᬓᬯᬸᬄ᭟ᬳ
ᬧᬦ᭄ᬯᬾᬦ᭄ᬢᭂᬦ᭄ᬋᬓᬾᬲᬫᬬᬦ᭄ᬟᬦᬾᬳᬶᬮᬸᬭᬶᬫᬶᬲᬦᬾᬓᬯᬸᬄᬤᬯᭂᬕ᭄ᬤᬦᬾᬦᬾᬤᬶᬦᬶᬮᬶᬯᬢ᭄ᬓᬰᬶᬄᬲ᭄ᬫᬬᬦ᭄ᬤᬦᬾᬗᬯᬾᬓᬵᬃᬫ᭄ᬫᬤᬶᬢᬸᬩᬕᬸᬲ᭄ᬤᬶᬦᬶᬳᬬᬸᬧᬗᬵᬢ᭄ᬓᬵᬚ᭄ᬯᬚᬦᬶᬳᬾᬮᬶᬂᬫᬲᬯᬂᬕᬸᬧᬸᬄ
ᬚᬦᬶᬤᬶᬚᬳᭃᬲᬤ᭄ᬬᬓᭀᬦᬶᬭᬬᬾᬜᬭᬯᬸᬄ᭟ᬲᬕᬾᬢ᭄ᬫᬘ᭄ᬓᭀᬂᬤᬶᬯᬝᬦ᭄ᬩᬲᭀᬗᬾᬦ᭄ᬕᬄᬦ᭄ᬕᬄᬤᬾᬤᬸᬓᬸᬄᬓᬕᬾᬢ᭄ᬫᬗ᭄ᬭᬸᬗᬸᬓ᭄ᬫᭀᬓᭀᬳᬾᬗ᭄ᬕᬮ᭄ᬢᬕ᭄ᬢᬕᬶᬦ᭄ᬓᬧᭀᬦᬓᬦ᭄ᬜᬳᬶᬦᬾᬤᬶᬯᬂᬦᬾᬳᬶᬲ᭄ᬢ᭄ᬭᬶ᭠
ᬫᬜᬕ᭄ᬚᬕᬶᬸᬦᬶᬸᬕ᭄ᬧᭂᬲᬸᬢ᭄ᬓᭂᬤᬶᬯᬗᬦ᭄ᬗᬯᭂᬗᬦ᭄ᬦᬶᬗ᭄ᬳᬮᬶᬦ᭄ᬳᬦᬓᬾᬩᬕᬸᬲ᭄᭞ᬳᬗ᭄ᬳᬶᬂᬧᬓ᭄ᬦᭂᬳᬾᬤᬶᬳᬢᬶᬫᬱᬵᬬᬵᬮᬾᬦᬦ᭄ᬢ᭄ᬯᬭᬓᭀᬳᬦᬓ᭄ᬤᬤ᭄ᬯᬵᬫᬜᬕ᭄ᬚᬕ᭄ᬭᬭᬶᬲ᭄ᬫᬳᭂᬓᬶᬦ᭄ᬢᬭᬸᬡᬦᬾᬭᬭᬶ
[᭒᭔ 24A]
ᬲ᭄ᬢᬸᬳᬸᬦ᭄ᬓᬋᬧ᭄ᬜᬦᬾᬫᬗᬥᬸᬲ᭄ᬫᬸᬫᬰᬵᬢᬦᬶᬦᬾᬪᬬᬜᬵᬩᬓ᭄ᬫᬢ᭄ᬯᬵᬓᭀᬦᬾᬭᬯᬸᬄ᭟ᬢᬸᬫᬶᬦᬾᬫᬧᬶᬦ᭄ᬟᬵᬕᬶᬧᬶᬄᬤᬸᬄᬓᬯ᭄ᬗᬦ᭄ᬢᬸᬳᬸᬢ᭄ᬯᬄᬦᬶᬭᬢᬦ᭄ᬤ᭄ᬭᬸᬄᬯᭀᬂᬧᬸᬦᬧᬶᬚ᭄ᬯᬵᬘᬳᬶᬢ᭄ᬓᭂᬤ᭄ᬤᬶᬦᬶᬧᬺᬩᬮᬶᬓᬾᬕᬸ
ᬲ᭄ᬢᬶᬲᬢ᭄ᬭᬶᬬᬵᬫᬲᬳᬸᬢ᭄ᬫᬸᬜᬶᬦᬾᬳᬮᬸᬲ᭄ᬢᬢ᭄ᬬᬂᬚᬢ᭄ᬫᬵᬧᬧᬵᬳᬸᬮᬶᬘ᭄ᬦᬶᬓ᭄ᬓᬰᬶᬳᬰᬶᬄᬳᬸᬩᬸᬄᬢ᭄ᬯᬭᬵᬦᬯᬂᬩᬧᬵᬲᬸᬤᬺᬩᬮᬾᬩ᭄ᬬᬦᬵᬢ᭄ᬬᬂᬢᬳᬸ᭞ᬳᬶᬗᭂᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬓᭂᬮᬶᬄᬤᬲ᭄ᬢᬭᬸᬡᬵᬯᬾᬦ᭄ᬢᭂᬦ᭄ᬢᬸᬢᬸᬭᬦ᭄ᬳᬶᬮᬸ
ᬳᬶᬫᬾᬫᬾᬚ᭄ᬯᬵᬓᬦ᭄ᬢᬸᬦ᭄ᬬᬾᬦ᭄ᬢᭂᬫᭂᬦ᭄ᬓᬮᬯᬦ᭄ᬢᬦᬶᬤᬸᬓ᭄ᬜᭂᬦᭂᬂᬳᬶᬩᬧᬵᬩᬶᬲ᭄ᬕᬸᬫᬶᬦᬾᬓᬺᬢ᭄ᬣᬵᬳᬶᬮᬸᬩ᭄ᬬᬦᬵᬢ᭄ᬭᬓᬾᬮᬾᬦᬦ᭄ᬤᬦᬾᬋᬓᬾᬫᬗᬶᬸᬫ᭄ᬗᬶᬦ᭄ᬤᬾᬰᬵᬳᬶᬫᬾᬫᬾᬫᬢᬸᬢᬸᬭᬦ᭄ᬢᬫ᭄ᬧᭂᬓ᭄ᬤᬦᬾᬯᭀᬂᬫ
ᬚᬵᬮᬸᬦ᭄᭟ᬓᬗᭂᬦ᭄ᬕᬸᬫᬶᬦᬾᬫᬶᬋᬗᬂᬫᬗᭂᬫ᭄ᬩᭂᬂᬗᭂᬫ᭄ᬩᭂᬂᬫᬲᬳᬸᬢ᭄ᬤᬸᬄᬕᬸᬲ᭄ᬢᬶᬫᬲ᭄ᬫᬶᬭᬄᬧ᭄ᬬᬦᬓ᭄ᬩᬶᬩᬶᬓᭀᬦᬾᬘᬳᬶᬳᬗ᭄ᬳᬶᬂᬭᬩᬶᬩᬶᬫᬦᬯᬂᬲᬕᬾᬢ᭄ᬲᬸᬩᬓ᭄ᬮᬶᬄᬩᬕᬸᬲ᭄ᬚᬦᬶᬳᬶᬫ᭄ᬩᭀᬓ᭄ᬤᬦᬾᬤᬶᬚᬳᬵ
Page:Bali-lontar-gaguritan-tunjung-biru-300ppi.pdf/24
This page has been proofread.
