[᭓᭗ 37B]
᭓᭗
ᬬᬸᬫᬲᬯᬂᬲᬓᬶᬢ᭄᭞ᬢᬸᬫᬸᬮᬶᬫᬚᬮᬦ᭄ᬳᬶᬬᬬᬸᬫᬜᬸᬄᬫᭂᬗᬤᬄᬫᬶᬲᬦᬾᬓ᭄ᬜᬶᬂᬢ᭄ᬯᬄᬓᬾᬢᭀᬳᬸᬭᬸᬗᬦ᭄ᬳᬜᬃᬫᬦᬶᬫᬦᬶᬢᬾᬤᭀᬗᬵᬮᬯᬸᬄ᭞ᬳᬶᬬᬬᬸᬫᬾᬲᭂᬫᬓ᭄ᬢᬶᬢ᭄ᬲᬯᬂᬗᬾᬭᬂᬫᬸᬜᬶᬦᬾᬫ
ᬲᬯᬂᬍᬲᬸᬲᬸᬩᭂᬤᬚᬵᬓᬸᬤᬸᬳᭀᬮᬲ᭄ᬫᬗᬬᬳᬶᬤᬶᬦᬶᬢ᭄ᬯᬭᬵᬚ᭄ᬯᬳ᭄ᬮᬾᬦᬦ᭄ᬫᬓᬵᬲᬜ᭄ᬚᬦᬶᬭᬕᬸᬮ᭄ᬕᬸᬮ᭄ᬳᬶᬢᬸᬜ᭄ᬚᬸᬂᬧᬸᬢᬶᬄᬫᬲᬯᬸᬢ᭄ᬢ᭄ᬯᬄᬢ᭄ᬯᬄᬲᬚᬵᬓᬾᬳᬧᬵᬤᭀᬂᬫᬲᬶᬭᬫ᭄ᬓᬾᬳᬾᬗ᭄ᬕᬮ᭄
ᬢᬸᬫᬸᬮᬶᬳᬸᬲᬦ᭄ᬤᬤᬶᬫᬦ᭄ᬤᬸᬲ᭄᭟ᬫᬲᬶᬜ᭄ᬚᬂᬕ᭄ᬭᬶᬂᬲᬶᬂᬲᬗᬸᬧᬢᬶᬫᬓᬫ᭄ᬩᭂᬦ᭄ᬫᬲ᭄ᬫᬲᬦ᭄ᬫᬧᭂᬦᬶᬗ᭄ᬲᭂᬢ᭄ᬟᬾᬯᬗ᭄ᬕᬵᬫᬲᬩᬸᬓ᭄ᬳᬮᬸᬦᬶᬲ᭄ᬯᬶᬮᬶᬲ᭄ᬫᬳᬦ᭄ᬢᭂᬂᬲᬸᬢᬺᬕᬕᬤᬸᬗᬦ᭄ᬫᬲᬮᬾᬦ᭄ᬟᬂᬲᬸᬢ᭄ᬭᬩᬶᬭᬸᬫᬲᬗ᭄ᬓᬸᬳᬸᬩ᭄
ᬲᬸᬢᬺᬭᬾᬦ᭄ᬟᬄᬲᬸᬩᭂᬂᬫᬲᬾᬓᬢᭀᬦ᭄ᬫᬸᬭᬸᬩ᭄᭟ᬫᬲᭀᬘᬵᬫᬶᬭᬄᬳᬤᬶᬧᬧᬢᭂᬳᬾᬯᬶᬤᬸᬭᬾᬮᬸᬳᬸᬂᬧᬢᬶᬢᬶᬲᬾᬫᬸᬜ᭄ᬘᬃᬳᬲᬶᬦ᭄ᬢᬵᬚᬸᬕᬾᬫᬜᬦ᭄ᬤᬶᬂᬧᬶᬬᬧᬶᬬᬓ᭄ᬫ᭄ᬯᬂᬢᬢᬜ᭄ᬚᬗᬦ᭄ᬕᭀᬕᭀ
[᭓᭘ 38A]
ᬤᬾᬕᬾᬓᬢᭀᬦ᭄ᬫ᭄ᬮᭂᬢ᭄ᬧᬦ᭄ᬢᭂᬲ᭄ᬫᭂᬫ᭄ᬩᬸᬮᬦ᭄ᬢᬸᬫᬗ᭄ᬕᬮ᭄ᬳ᭄ᬭᭀᬦ᭄ᬭᭀᬤᬾᬳᬢᭂᬧ᭄ᬤᬶᬕ᭄ᬮᬸᬂ᭟ᬩᬸᬗ᭄ᬳᬵᬫᬲᬾᬓᬢᭀᬦ᭄ᬭᬯᬶᬢ᭄ᬫᬧᬶᬦ᭄ᬟᬘᬦᬶᬕᬭᬕᬸᬩᬄᬕ᭄ᬭᬄᬓᬧᬢᬾᬫᬸᬭᬸᬩ᭄ᬫᬲᬶᬧᬢ᭄ᬳᬮᬶᬲ᭄ᬧᬗᬚ
ᬭᬦ᭄ᬫᬳᬸᬭᬧᬸᬭᬧ᭄ᬳᬢᬾᬦᬢᬾᬦᬾᬫᬍᬘᬸᬢ᭄ᬫᬧᬶᬦ᭄ᬟᬲᭂᬦ᭄ᬢᬓᬵᬲ᭄ᬫᬶᬦᬾᬤᭂᬫ᭄ᬤᭂᬫ᭄ᬯᬶᬮᬶᬲ᭄ᬫᬩ᭄ᬮᬂᬫᬲ᭄ᬢᬸᬮᬓ᭄ᬫᬸᬜ᭄ᬘᬃᬢᭂᬢᬳᬦᬾᬚᬕᬵᬲᬢ᭄ᬭᬸ᭞ᬓ᭄ᬫᬵᬃᬓᭂᬦ᭄ᬟᬶᬢᬾᬜᬦ᭄ᬟᬶᬂᬢᬮᬶᬦ᭄ᬩᬗ᭄ᬓ᭄ᬬᬂᬧᬫᬢᭂᬳᬾᬮᬸᬳᬸᬂ᭠
ᬲᬲᭀᬘᬦᬾᬫᬸᬭᬸᬩ᭄ᬚᭀᬫᬦ᭄ᬢᭂᬦ᭄ᬮᬦ᭄ᬫᬶᬭᬄᬳᬤᬶᬫ᭄ᬯᬂᬭᬢ᭄ᬦᬾᬓᬲ᭄ᬢᬸᬩᬦ᭄ᬢᭂᬲ᭄ᬫᬩᬸᬗ᭄ᬓᬸᬂ᭠ᬫᬲ᭄ᬢᬢᬹᬃᬫᬲᭀᬘ᭄ᬘᬵᬯᬶᬤᬸᬭᬾᬢᬸᬗᬹᬫ᭄ᬯᬂᬰᬲᬭᬸᬤᬶᬭᬫᬜᬦ᭄ᬤᬶᬂᬓᬸᬓᬸᬫᬗᬜ᭄ᬘᬦ᭄ᬧᬓ᭄ᬭᬶᬡᬶᬂᬮ᭄ᬯᬶᬃᬫᬡᬶᬓ᭄ᬡᬜᬸ
᭟ᬳᬲᬶᬦ᭄ᬫᬩᬸᬗ᭄ᬳᬵᬧᬸᬘᬸᬓ᭄ᬧᬶᬮ᭄ᬧᬶᬮ᭄ᬘ᭄ᬮᭂᬓᬶᬜᭂᬫᬲ᭄ᬢᬢᬹᬃᬫᬜᬦ᭄ᬟᬶᬂᬢ᭄ᬭᬗ᭄ᬕᬡᬵᬢᬦ᭄ᬲᬄᬕᬫ᭄ᬩᬶᬭᬾᬦᬾᬢᬗ᭄ᬕᬶᬢ᭄ᬫᬘᬸᬦ᭄ᬟᬂᬫᬡᬶᬓ᭄ᬫᬩᬶᬸᬩᬧᬂᬳ᭄ᬫᬲ᭄ᬩᬍᬗ᭄ᬓ᭄ᬭᬶᬦ᭄ᬢᬜ᭄ᬚᬂᬲᬸᬮᬸᬄᬧᬧᬭᬲᬦ᭄ᬓᬢᭀᬦ᭄ᬫᬢᬶᬦ᭄ᬤᬶᬄᬧᬦ᭄ᬢᭂ
Page:Bali-lontar-gaguritan-tunjung-biru-300ppi.pdf/38
This page has been proofread.
