This page has been proofread.
[᭒᭓ 23B]
᭒᭓᭟
ᬭᬶᬂᬳᬬᬸᬦᬶᬂᬰᬰᬶᬄ᭞ᬬᬾᬦᬶᬂᬰᬰᬶᬳᬮ᭞ᬯᬾᬦ᭄ᬢᭂᬦ᭄ᬓᭀᬘᬧ᭄ᬘᬭᬸᬦᬶᬧᬸᬦ᭄᭞ᬦᬗ᭄ᬳᬶᬂᬫᬦ᭄ᬢ᭄ᬭᬢᬸᬗ᭄ᬓᬲ᭄᭞ᬢᬢᬫ᭄ᬧᬾ
ᬦ᭄ᬪᬷᬦᬓᬭᬷ᭞ᬧᬗᬺᬋᬳᬦ᭄ᬰᬰᬶᬄᬪᬶᬦ᭞ᬧᬶᬮᬶᬄᬲᬶᬤ᭄ᬥᬳᬢᬸᬦ᭄ᬓᬧᬸᬗ᭄ᬓᬸᬃ᭟᭐᭟ᬧᬸᬧᬸᬄᬧᬗ᭄ᬓᬸᬃ᭟᭐᭟᭑᭟ᬳᬓ᭄ᬯᬾᬄ
ᬬᬦ᭄ᬲᬫᬶᬥᬃᬣᬬᬂ᭞ᬇᬗ᭄ᬕᬶᬄᬭᬢᬸᬲᬂᬮ᭄ᬯᬶᬃᬮᬶᬗ᭄ᬕᬦᬶᬂᬕᬸᬭᬶᬢ᭄᭞ᬦᭂᬫ᭄ᬧᬸᬃᬧᬭᬳᬶᬲ᭄ᬢᬷᬳᬬᬸ᭞ᬯᬕᭂᬤᬶᬂᬓᬭ
ᬲᬶᬓᬦ᭄᭞ᬫᬸᬗ᭄ᬕ᭄ᬯᬶᬂᬫᬦᬶᬲ᭄ᬲᬯᬯᬭᬶᬂᬫᬥᬸᬚᬸᬭᬸᬄ᭞ᬲᬦᬾᬧᬸᬧᬸᬢ᭄ᬫᬧᬱ᭄ᬝᬶᬓ᭞ᬫᬥᬸᬧᬃᬓ᭄ᬓᬬᬦᬸᬫᬶᬂᬸᬧᬫᬶ᭟
[᭒᭔ 24A]
᭒᭟ᬳᬮᬸᬗ᭄ᬕᬸᬄᬘᭀᬓᭀᬃᬳᬶᬤᬾᬯ᭞ᬜᬦ᭄ᬤᬂᬓᭂᬩᬸᬢ᭄ᬧᬶᬦᬭᬦ᭄ᬳᬶᬲ᭄ᬢ᭄ᬭᬷᬯᬶᬮᬶᬲ᭄᭞ᬧ᭄ᬭᬶᬬᬫ᭄ᬩᬭᬓᬥᬸᬓ᭄ᬭᬸᬫ᭄ᬭᬸᬫ᭄᭞ᬲᭀ
ᬢᬦᬶᬂᬚᬬᬾᬂᬢᬶᬮᬫ᭄᭞ᬳᬚᬸᬦ᭄ᬤ᭄ᬭᬡᬶᬧᬶᬮᬶᬄᬭᬵᬕᬬᬂᬳᬶᬭᬢᬸ᭞ᬮ᭄ᬯᬶᬃᬦᬶᬂᬳᬗ᭄ᬕᬸᬮᬶᬧ᭄ᬭᬯᬾᬰ᭞ᬧᬲᬸᬓ᭄ᬯᭂᬢᬸᬦᬶᬂᬓᬭᬰ᭄ᬫᬶ
ᬦ᭄᭟᭐᭟᭓᭟ᬤᬸᬮᬸᬃᬇᬗ᭄ᬕᬶᬢᬭᬸᬤᬶᬢ᭞ᬗᭂᬢᬸᬲ᭄ᬓᬬᬸᬦ᭄ᬤᬾᬦᬶᬂᬧ᭄ᬭᬢᬫᬾᬂᬕᬢᬶ᭞ᬓᬯᬶᬭᬚ᭄ᬬᬳᬦᬓᬕᬸᬂ᭞ᬧᬸᬧᬸᬢᬶᬂᬳ
ᬭᬶᬫ᭄ᬪᬯ᭞ᬲᭂᬢᭂᬂᬦᬶᬢᬶᬯ᭄ᬬᬓ᭄ᬢᬶᬲᬧᬸᬦᬶᬓᬭᬢᬸ᭞ᬓᭀᬘᬧ᭄ᬧ᭄ᬭᬓᬯᬶᬦᬾᬮᬯᬲ᭄᭞ᬭᬶᬂᬩᬮᬶᬲᬦᬾᬓᬧᬸᬯᬶ᭟
