[᭖ 6B]
᭞᭖᭞
ᬲᬫᬶ᭞ᬫᬗ᭄ᬤᬗᬬᬸᬫ᭄᭞ᬳᬶᬩᬧᬦᬾᬲᬫ᭄ᬧᬸᬦ᭄ᬳᭀᬤᬄ᭟ᬳᬶᬩᬧᬦᬾᬲᬵᬫ᭄ᬧᬸᬦ᭄ᬢᬸᬯ᭞ᬢᬦ᭄ᬩᬶᬦᬓᬤᬶᬦᬓ᭄ᬳᬮᬶᬢ᭄᭞ᬲᬦᬾᬧᬢᬹᬢ᭄ᬓᬧ᭄ᬬᬳᬭ᭞ᬳᬦ᭄ᬢᬸᬓ᭄ᬳᬶᬧ᭄ᬬᬦᬓ᭄ᬦᬾᬫᬗ᭄ᬓᬶᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬲᬾᬯᭀᬲ
ᬦ᭄ᬫᬮᬶᬄ᭞ᬲᬚᬯᬦᬶᬂᬢᬶᬢ᭄ᬬᬂᬭᬢᬸ᭞ᬲᬦᬾᬧᬢᬹᬢ᭄ᬗᬫᬃᬕ᭄ᬬᬂ᭞ᬧᬸᬢ᭄ᬭᬰᬲᬦᬧᬸᬦᬶᬓᬶ᭞ᬳᬶᬗ᭄ᬕᬶᬄᬤᬸᬭᬸᬲ᭄᭞ᬤᬸᬫᬦ᭄ᬢᬶᬢ᭄ᬬᬧᬶᬘᬬᬂ᭟ᬯᬦ᭄ᬢᬄᬳᬓᬶᬚᬧᬦ᭄ᬧᬶᬲᬦ᭄᭞ᬳᬦ᭄ᬢᬸᬓ᭄ᬢᬫ᭄ᬬᬸᬦᬾᬮᬶᬗ᭄ᬲᬶᬃ᭞ᬢᭂ
ᬧᭂᬗᬾᬢᭂᬮᬲ᭄ᬓᬵᬚᭂᬗᬂ᭞ᬜᬶᬳ᭄ᬦᬬᬂᬓᬮ᭄ᬯᬾᬦᬾᬕᬢᬶ᭞ᬬᬦ᭄ᬓᬦ᭄ᬢᬸᬦ᭄ᬫᬓᬬᬸᬦ᭄ᬫᬮᬶᬄ᭞ᬩ᭄ᬭᬳ᭄ᬫᬵᬡᬦᬾᬮᬦᬂᬗᬸᬦ᭄ᬢᬸᬮ᭄᭞ᬫᭂᬦᭂᬂᬢᬦ᭄ᬫᭂᬤᬮ᭄ᬯᬘᬦ᭞ᬳᬦ᭄ᬢᬸᬓ᭄ᬫᬦ᭄ᬢᬸᬦᬾᬓᬳᬓ᭄ᬱᬶ᭞ᬭᬭᬶᬲ᭄ᬫᬢᬸᬃ᭞
ᬓᬤᬸᬮᬸᬭᬶᬦ᭄ᬳᬦ᭄ᬢᬸᬓ᭄ᬲᭂᬫ᭄ᬩᬄ᭟ᬩ᭄ᬕᬶᬄᬫᬗ᭄ᬓᬶᬦ᭄ᬕᬶᬮᬶᬭᬦ᭄ᬢᬶᬢ᭄ᬬᬂ᭞ᬗᬢᬸᬭᬂᬭᬶᬂᬭᬵᬢᬸᬳᬚᬶ᭞ᬧᬸᬦᬶᬓᬶᬳᭂᬤᬸᬫᬦ᭄ᬢᬶᬢ᭄ᬬᬂ᭞ᬤᬸᬫᬤᬤᬓ᭄ᬯᬋᬕ᭄ᬦᬾᬫᬗ᭄ᬓᬶᬦ᭄᭞ᬳᬦ᭄ᬢᬸᬓᬢᬫ᭄ᬬᬸᬧᬸᬦᬶᬓᬶ᭞ᬫᬮᬶᬄ
[᭗ 7A]
ᬲᬚᬩᬧᬸᬦᬶᬓᬸ᭞ᬨᬮᬓᬃᬫ᭄ᬫᬲᬦᬾᬫᭂᬮᬄ᭞ᬲᬵᬫ᭄ᬧᬸᬦ᭄ᬚᬦ᭄ᬢᭂᬦ᭄ᬚᬕᬶᬓᬧᬗ᭄ᬕᬶᬄ᭞ᬤᬸᬭᬸᬲ᭄ᬭᬢᬸ᭞ᬤᬕᬶᬗᬶᬦ᭄ᬧᬶᬦᬸᬦᬲ᭄ᬢᬶᬢ᭄ᬬᬂ᭟ᬲᬲᬵᬫ᭄ᬧᬸᬦᬾᬓᬧᬶᬋᬗᬂ᭞ᬳᬢᬸᬃᬫᬦ᭄ᬢᬸᬦᬾᬧᬸᬦᬶᬓᬶ᭞ᬳᬶᬭᬶᬓᬩ᭄ᬭᬳ᭄ᬫᬵᬡᬮ
ᬦᬂ᭞ᬗᬢᬩ᭄ᬢᬩᬦ᭄ᬤᬶᬓᬳᬭᬶᬲ᭄᭞ᬲᬶᬂᬚᬩᭂᬦᭂᬄᬓᬾᬢᭀᬘᭂᬦᬶᬂ᭞ᬬᬦ᭄ᬦᬾᬫᬗ᭄ᬓᬶᬦ᭄ᬳᬚᬶᬓᬬᬸᬦ᭄᭞ᬗᭂᬩᬸᬢᬶᬦ᭄ᬢᭂᬧᭂᬂᬳᬶᬤᬾᬯ᭞ᬨᬮᬓᬃᬫ᭄ᬫᬦᬾᬢᬦ᭄ᬩᭂᬘᬶᬓ᭄᭞ᬩᬓᬮ᭄ᬢᭂᬧᬸᬓ᭄᭞ᬯᬶᬭᬾᬄᬫᬤᬲᬃᬓᬫᭀ
ᬫᭀᬯᬦ᭄᭟ᬫᭀᬫᭀᬲᬚᬬᬦᬶᬂᬩᬧ᭞ᬫᬓᬬᬸᬦ᭄ᬧᭀᬮᬶᬄᬦᬾᬩᭂᬘᬶᬓ᭄᭞ᬗᬶᬘᬾᬦ᭄ᬢᬫ᭄ᬬᬸᬦᬾᬳᬚᭂᬗᬦ᭄᭞ᬦᬵᬗ᭄ᬳᬶᬂᬓᬾᬳᬸᬮ᭄ᬬᬦ᭄ᬜᬓᬶᬢᬶᬦ᭄᭞ᬗᭂᬦ᭄ᬤᭂᬧᬶᬦ᭄ᬘᭂᬦᬶᬂᬦᬾᬚᬦᬶ᭞ᬓᬳᬦᬂᬩᬲᬗᬾᬲᭂᬤᬸ
ᬓ᭄᭞ᬲᬶᬂᬜᬦ᭄ᬤᬂᬘᭂᬦᬶᬂᬜᭂᬩᭂᬢᬂ᭞ᬳᬚᬶᬫᬲᭂᬭᬄᬭᬶᬂᬯᬶᬥᬶ᭞ᬫᬳᬵᬯᭂᬭᬸᬄ᭞ᬤᭂᬧᬂᬳᬶᬤᬦᬾᬫᬸᬧᬸᬢᬂ᭟ᬫᬦ᭄ᬢᬸᬦᬾᬦᬶᬫ᭄ᬩᬮ᭄ᬗᬦ᭄ᬤᬶᬓ᭞ᬢᬶᬢ᭄ᬬᬂᬦᬸᬦᬲ᭄ᬮᬸᬕ᭄ᬭᬳᬚᬶ᭞ᬭᬢᬸᬲᬲᬸᬳᬸᬦᬦ᭄ᬢᬶᬢ᭄ᬬᬂ᭞ᬮᬶᬗᬶᬢ᭄ᬢᬶ
Page:Bali-lontar-gaguritan-yajna-ring-kuruksetra-300ppi.pdf/7
This page has been proofread.
