[᭒ 2B]
᭒
ᬫᬓᭂᬫᬸᬮᬦ᭄ᬮᬶᬫᭀᬮᬲ᭄ᬓᬾᬢᬾᬂ᭟ᬦᬳ᭄ᬳᭂᬦ᭄ᬤᭂᬧᬂᬤᭀᬕᬾᬦ᭄ᬢᬾᬳᬶᬩᬦ᭄ᬜᬳᬶᬦᬾ᭟ᬳᬯᬓᬾᬮᬓᬃᬗᬤᭂᬧ᭄ᬤᬬ᭟ᬗᬤᭂᬧ᭄ᬤᬬᬓᬾᬦ᭄ᬓᬾᬦ᭄ᬚᬩᬧᬦ᭄ᬦᬾ᭟ᬫᬲᬳᬸᬢ᭄ᬦᬾᬫ᭄ᬯᬦᬶ᭟ᬧᬾᬄ᭞ᬤᬗᭂᬮᬶᬬᬸᬦᬗᭀᬫᭀᬂ᭟ᬮᬫᬸᬦ᭄ᬜᬳᬶᬗᭂᬮᬄ᭞ᬩᬳᬂᬢᬾᬲᬸᬩᬩᬳᬯᬓᬾᬧᬶᬧᬶᬲ᭄᭞ᬜᬦᬦ᭄ᬳᬶᬯᬲᬶ
ᬦ᭄ᬤᭀᬕᬾᬦ᭄ᬳᬯᬓᬾ᭞ᬤᬮ᭄ᬬᬸᬢᬸᬢᬸᬃ᭟ᬦᬾ᭞ᬳᬶᬘᬂᬗᭂᬧᬄᬧᬶᬧᬶᬲ᭄ᬦᬾᬤᭀᬕᬾᬦ᭄᭞ᬫᬭᬳᬸᬓᬦᬳᬸᬯᬸᬧᬗᬶᬘᬂᬩᬳᬲ᭄᭞ᬳ᭠ᬧᬂᬳᬤᬩᬸᬩᬸᬄᬳᬧ᭟ᬫᬭᬩᬳᬗᬧᬶᬧᬶᬲ᭄ᬳᬶᬮᬧᬃᬢᭂᬓᬾᬦ᭄ᬓᬸᬋᬦᬦ᭄ᬦᬾ᭞ᬧ᭄ᬭᬚᬦᬶᬮᬳᬸᬢ᭄ᬗᭂᬮᬶᬬᬗᬓᬧᬸᬓ᭄᭟ᬫᬳᬦ᭄ᬮᬦ᭄ᬢᬲ᭄ᬓᬧᬸᬓ᭄ᬳᬲᭀᬓ᭄
᭟ᬲᬸᬩᬫᬳᬦ᭄ᬓᬧᬸᬓ᭄᭞ᬗᬮᬶᬄᬮᬦ᭄ᬢᬲ᭄ᬬᬓᭂᬳᭂᬢᬦ᭄ᬩᬸᬮᬶᬄᬤ᭄ᬯᬂᬓᭂᬭᬜ᭄ᬚᬂ᭟ᬳᭂᬦ᭄ᬢᭀᬓᭂᬳᭂᬢᬦ᭄ᬩᬸᬮᬶᬄᬳᬶᬸᬦᬾᬓᭀᬦᬾᬮᬦ᭄ᬢᬲ᭄ᬓᬧᬸ᭠ᬢᬳᬚᬶᬓᬧᬸᬓ᭄᭞ᬳᬧᬂᬓᬤᬾᬦᬓᬧᬸᬓ᭄ᬗᬦ᭄ᬢᭂᬕ᭄ᬢᬢᭂᬗᬄᬢᭂᬓᬾᬦ᭄ᬳᬦᬓᬾ᭞ᬢᬸᬃᬮᬦ᭄ᬢᬲ᭄ᬢᭂᬕᭂᬦᬳᬩᬦᬓᬧᭂᬓᭂᬦ᭄᭟ᬓᬧᬸᬓ᭄ᬚ᭄ᬭᭀᬓᬧᬸ
ᬓ᭄᭞ᬢᬸᬢᬶᬂᬓᭂᬭᬜ᭄ᬚᬂᬳᬚᬶᬲᬢᬸᬲ᭄᭟ᬗᬦ᭄ᬢᬶᬓᭂᬜᭂᬮ᭄ᬕᭀᬦᬾᬬᬫᬳᬶᬍᬄ᭞ᬫᬲᬶᬄᬢᬸᬲᬶᬂᬳᬤᬳᬦᬓ᭄ᬗᬭᬶᬗ᭄ᬲᬸᬦᬂ᭞ᬫᬭᬾ᭠ᬭᬾᬦ᭄ᬮᬦ᭄ᬢᬲ᭄ᬬᬤᬶᬲᬶᬲᬶᬦ᭄ᬭᬸᬭᬸᬗᬾ᭞ᬧᬳᬓᬦ᭄ᬳᬶᬩᬢᬸᬦᬾ᭞ᬦᬧᬶᬓᬤᭂᬧ᭄ᬚ᭄ᬭᭀ᭞ᬓᬾᬢᭀᬧᬢᬓᭀᬦ᭄ᬳᬶᬩᬢᬸᬦᬾᬢᭂᬓᬾᬦ᭄ᬳᬶᬮᬧᬃ᭟ᬫᬲᬳᬸ
[᭓ 3A]
ᬢ᭄ᬳᬶᬮᬧᬃ᭟ᬢ᭄ᬬᬂᬗᬤᭂᬧ᭄ᬓᬧᬸᬓ᭄᭟ᬦᬧᬶᬮᬘᬸᬃ᭞ᬳᬫᭀᬦᬾᬦᬾᬮ᭄ᬬᬸᬦ᭄ᬓᬧᬸᬓ᭄ᬢ᭄ᬬᬗᬾ᭞ᬤ᭄ᬯᬂᬓᭂᬭᬜ᭄ᬚᬂ᭞ᬢᬸᬦ᭄ᬤᬾᬦ᭄ᬢ᭄ᬬᬂᬳᬚᬶᬲᬢᬸ᭠ᬲ᭄᭞ᬤᬩ᭄ᬯᬶᬦ᭄ᬳᬦᬓ᭄ᬦᬯᬄ᭞ᬭᬲᬦᭀᬮᬶᬄᬢᬸᬲᬶᬂᬳᬤ᭟ᬫᬲᬳᬸᬢ᭄ᬳᬶᬩᬢᬸ᭟ᬩᬾᬄᬮᬫᬸᬦ᭄ᬢᬾᬢᭀ᭞ᬧᬢᬸᬄᬬᬮᬘᬸᬃᬚ᭄ᬭᭀᬦᬾᬢᭂᬓᬾᬦ᭄ᬢ᭄ᬬᬂ᭟ᬦᬶᬦᬶᬢ᭄ᬬᬂ᭠
ᬗᬤᭂᬧ᭄ᬲᭂᬭ᭞ᬳᬓᬶᬢᬓᬗᭂᬤᬾᬦ᭄ᬦᬾ᭞ᬢᬸᬦ᭄ᬤᬾᬦ᭄ᬢ᭄ᬬᬂᬜᭂᬮᬳᬾ᭞ᬫᬲᬶᬄᬢᬸᬲᬶᬂᬳᬤᬳᬦᬓ᭄ᬫᭂᬮᬶ᭟ᬤᬶᬢᬸᬮᬦ᭄ᬢᬲ᭄ᬧᬤᬫᬲᭂᬮ᭄ᬲᭂᬮ᭠ᬦ᭄᭞ᬜᭂᬮ᭄ᬲᭂᬮᬾᬯᬾᬓ᭄ᬩᬦ᭄ᬮᬘᬸᬭᬦ᭄᭞ᬢᬸᬃᬤᬶᬢᬸᬮᬦ᭄ᬢᬲ᭄ᬲᬮᬶᬂᬢᬓᭀᬦᬶᬦ᭄ᬳᬤᬦ᭄ᬫ᭄ᬯᬄᬧᬤᬾᬲᬳᬦ᭄᭟ᬗᭀᬫᭀᬂᬮᬦ᭄ᬢᬰᬶᬩᬢᬸ᭟ᬩᭂᬮᬶᬯᬬ
ᬦ᭄ᬮᬧᬃ᭞ᬓᬾᬦᬾᬚᬲᬸᬩᬩᬳᬦ᭄᭞ᬚᬮᬦ᭄ᬚᬲᬸᬩᬧᬸᬭᬸᬧᬂᬤᬕᬗᬦᬾ᭟ᬩᭂᬮᬶᬜ᭄ᬯᬂᬲᭂᬭᬦ᭄ᬳᬶᬘᬗᬾ᭞ᬫᬓᬤᬲᬩᬸᬗ᭄ᬓᬸᬮ᭄᭞ᬳᬶᬘᬂᬜ᭄ᬯᬂᬓᬧᬸᬓᬾᬫᬓᬢᭂᬕᭂᬦ᭄᭟ᬜᬓ᭄ᬓᭀᬦᬾᬳᬶᬮᬧᬃᬫᬧᬸᬭᬸᬧ᭄᭞ᬩᬦ᭄ᬓᭂᬦ᭄ᬤᭂᬮ᭄ᬦᬾ᭞ᬗᬾᬗ᭄ᬕᬮᬂᬮᬦ᭄ᬢᬲ᭄ᬬᬫᬸᬮᬶᬄ᭞ᬳᬸᬮᬶᬤᬶᬧᬤᬶᬯᬗᬦ᭄ᬦᬾᬲᬸᬩᬳᬶᬮᬧᬃᬓ
ᬯᬸᬓᬯᬸᬓ᭄᭞ᬫᬾᬫᬾᬦ᭄ᬦᬾ᭞ᬫᬾᬫᬾᬦ᭄ᬦᬾ᭞ᬦᬾᬚ᭄ᬯᬗᬶᬦ᭄ᬳᬯᬓᬾ᭞ᬲᬶᬂᬗᭂᬦᬾᬦ᭄᭞ᬓᬧᬸᬓᬾᬓᭂᬧᬸᬭᬸᬧᬂᬳᬚᬶᬲᭂᬭᬳᬢᭂᬕᭂᬦ᭄᭟ᬫᬲ᭠ᬳᬸᬢ᭄ᬦᬾᬮᬸᬄ᭞ᬦᬄᬤᬶᬢᬸᬤᬶᬳᬫ᭄ᬧᬶᬓᬾᬫᬮᬸᬚᬂ᭞ᬳᬧᬓᬤᬸᬂᬳᬶᬘᬂᬫᬸᬩᬸᬄᬳᬩᭂᬤᬶᬓ᭄᭟ᬫᬳᬶᬢᬾᬫᬮᬸ᭞ᬮᬦ᭄ᬢᬲ᭄ᬫᭂᬦ᭄ᬚᭂᬫᬓᬂᬢ᭄ᬬᬸᬓ᭄᭞ᬦᬾᬲᭂᬭᬦᬾ᭠
Page:Bali-lontar-i-ganti-teken-i-lacur.pdf/3
This page has been proofread.
