[᭖ 6B]
᭖
ᬘᬮ᭄ᬳᬶᬩᬶᬲᬦ᭄ᬤᬾ᭟ᬫᬭᬓᬾᬢᭀᬳᬩᭂᬢ᭄ᬧᬸᬢᬸᬲᬦᬾ᭞ᬗᬺᬲᭂᬓ᭄ᬤᬬᬦ᭄ᬳᬶᬮᬧᬭᬾ᭟ᬫᭂᬓᭂᬮᭀᬬᬩᭂᬗᭀᬂ᭞ᬮᬳᬸᬢ᭄ᬓᬾᬦᬾᬳᬩᭂᬢ᭄ᬦᬾ᭟ᬚ᭄ᬭᭀᬧᬸᬢᬸᬲᬦ᭄᭞ᬫ᭄ᬭᬶᬓᬲᬵᬫ᭄ᬧᬸᬦ᭄ᬚ᭄ᬭᭀᬦᬾᬭᬶᬳᬶᬦᬦ᭄᭞ᬢᬸᬯᬂᬓᬭᬶᬗᬢᬸᬭᬂᬓᬸᬦᬶᬗᬭᬶᬂᬧᬦᭂᬫ᭄ᬩᬳᬦ᭄ᬢ᭄ᬬᬗᬾᬤ᭄ᬭᬶᬓᬶ᭟
ᬗ᭄ᬕᬶᬄ᭟ᬫ᭄ᬓᬮᬄᬮᬦ᭄ᬢᬲ᭄ᬧᬸᬢᬸᬲᬦᬾ᭟ᬲᬧᬓᬮᬄᬧᬸᬢᬸᬲᬦᬾ᭞ᬳᬶᬮᬧᬃᬩᭂᬮᬲᬓ᭄ᬩᭂᬍᬲᭂᬓ᭄᭞ᬢ᭄ᬯᬭᬮᭀᬕᬲ᭄ᬮᭀᬕᬲ᭄ᬫᬚᬮᬦ᭄᭞ᬓᬾᬦ᭄ᬓᬾᬦᬂᬚᬦᬶᬩᬦ᭄ᬫᬤᬬ᭞ᬯᬶᬭᬾᬄᬢ᭄ᬯᬭᬦᬯᬂᬓᬗᬶᬦ᭄ᬓᬯᬸᬄ᭞ᬚᬦᬶᬮᬯᬸᬢ᭄ᬓᬧᬗᬦ᭄ᬤᬶᬓᬬᬂᬫᬢᭂᬦᬸᬂ᭟ᬗᭀᬫᭀᬂᬮᬦ᭄ᬢᬲ᭄ᬳᬶᬩᬢᬸ᭟᭠
ᬩᭂᬮᬶᬯᬬᬦ᭄᭞ᬚᭂᬮᬦ᭄ᬲᬸᬩᬫᬚᬮᬦ᭄᭟ᬳᬯᬕᬯᬕᬶᬦ᭄ᬤᭀᬕᬾᬦ᭄ᬲᬸᬩᬜᬦᬦ᭄ᬗᬢᬸᬭᬂ᭞ᬲᬶᬲᬶᬧ᭄ᬚ᭄ᬚᬲᬶᬲᬶᬧ᭄᭞ᬚᬢ᭄ᬓᬾᬦ᭄ᬓᬾᬦᬂᬫᬲᬶᬳᬶᬤᬾᬯᬾᬓ᭄ᬮᬓᬃᬲᬶᬲᬶᬧ᭄᭟ᬫᬚᬮᬦ᭄ᬮᬦ᭄ᬢᬲ᭄ᬳᬶᬩᬢᬸᬳᬚᬓᬳᬶᬮᬧᬃ᭞ᬕ᭄ᬮᬾᬗ᭄ᬲᬢ᭄ᬕ᭄ᬮᬾᬗ᭄ᬲᭀᬢ᭄ᬫᬭᬾᬭᬾᬦ᭄ᬮᬦ᭄ᬢᬲ᭄
ᬬᬩᭂᬢᬾᬦ᭄ᬧᬸᬜᬦ᭄ᬳᭂᬦ᭄ᬢᬮᬾ᭞ᬫᬧᬗ᭄ᬲᭂᬕᬦ᭄᭞ᬩᬸᬓᬳᬦᬓᬾᬢᬦ᭄ᬧᬗᬬᬸ᭟ᬩᬸᬓᬧᬢᬶᬢᬳᬶᬂᬯᬶᬤᬶ᭞ᬳᬤᬮᬦ᭄ᬢᬲ᭄ᬕᭀᬯᬓ᭄ᬮ᭄ᬯᬫ᭄ᬯᬦᬶ᭞ᬳ᭄ᬦᬾᬮ᭄ᬯᬕᭂᬍᬫ᭄ᬕᭂᬍᬫᬦ᭄᭞ᬫᬢᬶᬗ᭄ᬕᬄᬤᬶᬫᬸᬜ᭄ᬘᬸᬓ᭄ᬧᬸᬜᬦ᭄ᬳᭂᬦ᭄ᬢᬮᬾᬳᭂᬦ᭄ᬢᭀ᭟ᬬᬫᬭᬫᬢᬶᬗ᭄ᬕᬄ᭞ᬳᬦᬾᬮ᭄ᬯᬮᬦ᭄ᬢᬲ᭄ᬲᭂᬕᭂᬃᬧ᭄ᬭᬚᬦ᭄ᬬᬦ᭄᭟
[᭗ 7A]
ᬫᬢᬓᭀᬦ᭄ᬳᬦᬾᬮ᭄ᬯᬢᭂᬓᬾᬦ᭄ᬫ᭄ᬯᬦᬶᬦ᭄ᬦᬾ᭟ᬓᬾᬦ᭄ᬢᬾᬦ᭄ᬓᬾᬢᬢ᭄ᬯᬦ᭄ᬧᬸᬜᬦ᭄ᬳᭂᬦ᭄ᬢᬮᬾᬦᬾ᭞ᬤᬤᬶᬫᬭᬳᬶᬘᬂᬫᬢᬶᬗ᭄ᬕᬄᬤᬶᬦᬶᬚᭂᬕ᭄ᬫᭂᬮᬄᬳᬲᬦ᭄ᬓᭂᬦᭂᬳᬾ᭟ᬫᬲᬳᬸᬢ᭄ᬫ᭄ᬯᬦᬶᬦ᭄ᬦᬾ᭟ᬓᬾᬦᬾ᭞ᬧᬸᬜᬦ᭄ᬳᭂᬦ᭄ᬢᬮᬾᬦᬾᬳᬦᬓ᭄ᬮ᭄ᬯᬶᬄᬧᭂᬲᬦ᭄᭞ᬳᭂᬦ᭄ᬢᭀᬢᬶᬗᬮᬶᬦ᭄ᬚᬤᭀᬦ᭄ᬦᬾᬳᬓᬢᬶᬄᬳ᭠
ᬦᬾᬫᬸᬮᬓᬚᬓᬗᬶᬦ᭄ᬩᭀᬮᭀᬂ᭟ᬬᬦ᭄ᬳᭂᬦ᭄ᬢᭀᬳᬗ᭄ᬕᭀᬦ᭄ᬦᬶᬗᬮᬶᬦ᭄ᬲᬮ᭄ᬯᬶᬭᬶᬂᬳᬦᬾᬲᭂᬓᬶᬮ᭄ᬲᭂᬓᬶᬮ᭄᭟ᬲᬶᬤᬗᭂᬦᬄᬳᬸᬮᬶᬤᬶᬢᬸ᭟ᬧᬳᭀᬫᭀᬗᬦ᭄ᬕᭀᬯᬓᬾᬳᭂᬦ᭄ᬢᭀᬤᬶᬗᭂᬳᬢᭂᬓᬾᬦ᭄ᬳᬶᬮᬧᬃ᭟ᬧ᭄ᬭᬚᬦᬶᬮᬦ᭄ᬢᬲ᭄ᬬᬫᭂᬦᬾᬓ᭄ᬗᬮᬶᬄᬤᭀᬦ᭄ᬳᭂᬦ᭄ᬢᬮᬾᬳᭂᬦ᭄ᬢᭀ᭟ᬕᭀ
ᬯᬓᬾᬫᬓᭂᬩᭂᬃ᭟ᬲᬸᬩᬩᬓᬢᬗᬤᭀᬦ᭄ᬳᭂᬦ᭄ᬢᬮᬾᬳᭂᬦ᭄ᬢᭀ᭞ᬳᭂᬦ᭄ᬢᭀᬮᬦ᭄ᬢᬲ᭄ᬳᬗ᭄ᬕᭀᬜᭀᬭᭀᬗᬶᬦ᭄ᬚᬭᬦ᭄ᬳᬦᬓᬾᬢᬕᬸᬂ᭞ᬗᭂᬦᬄᬮᬦ᭄ᬢᬲ᭄ᬤᬶᬧᬗ᭄ᬓᬸᬗᬦᬾᬫᬢᭂᬕᬸᬮ᭄᭟ᬓᭂᬦ᭄ᬤᭂᬮ᭄ᬧᭂᬲᬦ᭄ᬓᭀᬦᬾᬬ᭞ᬮᬳᬸᬢ᭄ᬗᬾᬗ᭄ᬕᬮᬂᬗᬧᬸᬭᬶᬬᬂ᭞ᬢᬗ᭄ᬓᬶᬮ᭄ᬭᬶᬂᬩᬶᬤᬳᬦᬓᬾᬳᬕᬸᬂ᭟ᬗᬦ᭄ᬤᬶᬓᬳᬶᬤ
ᬳᬦ᭄ᬓᬾᬳᬕᬸᬂ᭟ᬘᬳᬶᬩᬮ᭄ᬬᬦ᭄ᬮᬧᬃ᭞ᬦᬾᬓᬳᬶ᭞ᬳᬶᬩᬶᬲᬜ᭄ᬚᬓᬾᬮᬗᬦ᭄ᬚᬭᬦ᭄᭞ᬦᬄᬢᭂᬕᬭᬂᬢᭂᬦᬸᬗᬶᬦ᭄᭟ᬳᬶᬗ᭄ᬕᬶᬄᬢᬶᬢ᭄ᬬᬂᬜᬸᬳᬸᬦᬂᬧᬶᬲᬦ᭄ᬧᬓᬬᬸᬦᬦ᭄ᬘᭀᬓᭀᬃᬳᬶᬤᬾᬯ᭞ᬦᬗᬶᬂᬯᬾᬦ᭄ᬢᭂᬦ᭄ᬢᬸᬦᬲ᭄ᬢᬶᬢ᭄ᬬᬂᬭᬶᬂᬘᭀᬓᭀᬃᬳᬶᬤᬾᬯ᭟ᬦᬄᬳᬧ᭟ᬳᬶᬗ᭄ᬕᬶᬄᬘᬦᬂᬥᬓ᭄ᬱᬶᬡᬫᬶᬯᬄ
Page:Bali-lontar-i-ganti-teken-i-lacur.pdf/7
This page has been proofread.
