[᭗ 7B]
᭗
ᬲᬲᬦ᭄ᬢᬸᬦ᭄ᬚᬶᬦᬄᬲᬢᬓ᭄ᬲᬾᬓᭂᬢ᭄᭟ᬦᬄ᭞ᬢᭀᬭᭀᬯᬂᬓᬳᬶᬦᬾᬤᬶᬦᬶ[stroke]ᬕᬶᬳᬶᬦ᭄᭟ᬓᬘᬶᬢᬲᬸᬩᬓᭀᬦᬾᬧ᭄ᬭᬕᬢ᭄ᬩᬩᬦ᭄ᬢᭂ᭠ᬓ᭄ᬦᬾ᭞ᬮᬦ᭄ᬢᬲ᭄ᬳᬶᬮᬧᬃᬜᬭᬸᬜᬭᬸᬫᬫᬦ᭄ᬢ᭄ᬭᬗᬳᬧᬶᬦ᭄ᬩᬦ᭄ᬢᭂᬦ᭄᭞ᬤᬸᬮᬗᬦ᭄ᬤᬸᬮᬾᬗᬾᬓ᭄᭞ᬜᬦ᭄ᬓᬶᬧᬓ᭄ᬓᬶᬧᭂᬓ᭄᭞ᬜᬦ᭄ᬩᭂᬗᭀᬂ᭟ᬲᬸᬯᬸᬤ᭄ᬓᬾᬢᭀ᭞ᬫ᭠
ᬢᬸᬃᬮᬦ᭄ᬢᬲ᭄ᬳᬶᬮᬧᬃᬢᭂᬓᬾᬦ᭄ᬳᬶᬤᬳᬦᬓᬾᬳᬕᬸᬂ᭟ᬳᬶᬗ᭄ᬕᬶᬄᬭᬢᬸᬤᬾᬯᬳᬕᬸᬂ᭞ᬓᬦ᭄ᬢᭂᬦ᭄ᬓᬸᬤᬤ᭄ᬭᬸᬯᬾᬦ᭄ᬘᭀᬓᭀᬃᬳᬶᬤᬾᬯ᭟ᬫᭂᬦ᭄ᬤᬶᬚ᭟ᬳᬶᬭᬶᬓᬭᬶᬂᬧᬗ᭄ᬓᬸᬗᬾᬩᬮᬾᬃᬫᬢ᭄ᬕᬸᬮ᭄᭟ᬤᬶᬢᬸᬮᬦ᭄ᬢᬲ᭄ᬳᬶᬤᬳᬦᬓᬾᬳᬕᬸᬂᬗᬦ᭄ᬤᬶᬓᬬᬂᬧᬜ᭄ᬚᬓᬾᬗᬮᬶᬄ᭞ᬲᬚᬳᬦ᭄ᬩᬓᬢᬗᬤᬶᬧᬗ᭄ᬓᬸ
ᬗᬾ᭟ᬓᬾᬦᬓ᭄ᬓᬬᬸᬦ᭄ᬳᬶᬤᬳᬦᬓᬾᬳᬕᬸᬂᬭᬭᬶᬲ᭄ᬳᬶᬤᬫᬧᬳᬶᬘᬧᬗᬗ᭄ᬕᭀᬳᬭᬗ᭄ᬲᬸᬓᬦ᭄ᬢᭂᬓᬾᬦ᭄ᬳᬶᬮᬧᬃ᭞ᬫ᭄ᬯᬄᬲᬲᬦ᭄ᬢᬸᬦᬾ᭠ᬓᬮᬫ᭄ᬩᬸᬗ᭄ᬓᬄ᭟ᬲᬯᬢᬭᬩ᭄ᬯᬶᬦ᭄ᬳᬩᬸᬮᬦ᭄ᬦᬾ᭞ᬩ᭄ᬯᬶᬦ᭄ᬳᬶᬕᬦ᭄ᬢᬶᬢᭂᬓᬾᬦ᭄ᬳᬶᬮᬘᬸᬃᬫᬫᬮᬶᬂᬚᬭᬦ᭄ᬳᬦᬓᬾᬳᬕᬸᬂ᭞ᬳᭀᬚᭀᬕᬚᬭᬦ᭄ᬳᬶᬤᬦᬾᬳ᭠
ᬦᬾᬧᬮᬶᬂᬲᬬᬗᬧᬮᬶᬗ᭟ᬳᬶᬤᬳᬦᬓᬾᬳᬕᬸᬂᬤᬸᬓᬧᭂᬲᬦ᭄᭞ᬬᬾᬦ᭄ᬳᬸᬦᬶᬗᬶᬦ᭄ᬳᬶᬤᬳᬦᬾᬫᬫᬮᬶᬂᬚᬭᬦ᭄ᬳᬶᬤᬦᬾ᭞ᬮᬓᬃᬓᬢᬶᬩᬓᬶᬦ᭄ᬤᬦ᭄ᬤᬧᬢᬶ᭟ᬧᬲᭂᬮᬶᬯᭂᬃᬧᬜ᭄ᬚᬓ᭄ᬳᬶᬤᬦᬾᬧᬥᬜᬮᬶᬓ᭄ᬲᬶᬓ᭄ᬗᬮᬶᬳᬮᬶᬳᬶᬦ᭄᭞ᬦᬗᬶᬂᬫᬲᬶᬄᬢ᭄ᬯᬭᬩᬓᬢᬗ᭟ᬚᬦᬶᬩ᭄ᬯᬶ
[᭘ 8A]
ᬦ᭄ᬢᭀᬦᬾᬓᬧᬗᬦ᭄ᬤᬶᬓᬳᬶᬦ᭄ᬳᬶᬩᬮ᭄ᬬᬦ᭄ᬮᬧᬃ᭟ᬫᬭᬳᬶᬮᬧᬃᬗᬮᬶᬳᬶᬦ᭄ᬳᭂᬦ᭄ᬢᬮ᭄ᬦᬾ᭞ᬮᬯᬸᬢ᭄ᬢᬸᬲᬶᬂᬩᬓᬢᬗ᭟ᬤᬶᬢᬸᬮᬦ᭄ᬢᬲ᭄᭠ᬬᬗᬭᬲᬮᬓᬃᬫᬢᬶ᭞ᬬᬦᬶᬭᬶᬂᬧᬗᬦ᭄ᬤᬶᬓᬦ᭄ᬳᬶᬤᬦᬾ᭞ᬳᭂᬦ᭄ᬢᬮᬾᬲᬸᬩᬳᬶᬮᬂ᭟ᬬᬦ᭄ᬢ᭄ᬯᬭᬳᬶᬭᬶᬂ᭞ᬧᭂᬤᬲ᭄ᬳᬶᬤᬾᬯᬾᬓ᭄ᬓᬲᭂᬗ᭄ᬕᬸᬄᬫᬫᬮᬶᬂ᭠
ᬚᬭᬦ᭄ᬳᬶᬤᬦᬾ᭟ᬢᬸᬢᬶᬂᬚᬭᬦ᭄ᬳᬶᬤᬦᬾᬳᬦᬾᬫᬶᬸᬳᬶᬮᬂᬫᬮᬸᬓᭀᬫᬾᬄᬳᬶᬤᬾᬯᬾᬓ᭄ᬫᬲᬶᬄᬲᭂᬗ᭄ᬕᬸᬄᬳᬶᬤᬫᬫᬮᬶᬂ᭟ᬧᭂᬤ᭠ᬲ᭄ᬲᬸᬩᬳᬶᬤᬾᬯᬾᬓ᭄ᬮᬓᬃᬫᬢᬶ᭟ᬗᬮᬮᬸᬮᬦ᭄ᬢᬲ᭄ᬬᬫᬚᬮᬦ᭄᭞ᬓᬘ᭄ᬭᬶᬢᬳᬶᬮᬧᬃᬲᬸᬩᬓᭀᬦᬾᬢᬗ᭄ᬓᬶᬮ᭄ᬢᭂᬓᬾᬦ᭄ᬳᬶᬤᬳᬦᬓᬾ
ᬳᬕᬸᬂ᭟ᬗᬦ᭄ᬤᬶᬓᬳᬶᬤᬳᬦᬓᬾᬳᬕᬸᬂ᭞ᬘᬳᬶᬩᬮ᭄ᬬᬦ᭄ᬮᬧᬃ᭟ᬳᬧᬓᬳᬶᬮᬘᬸᬃ᭟ᬦᬾᬳᬶᬩᬶᬲᬜ᭄ᬚᬩ᭄ᬯᬶᬦ᭄ᬓᬳᬶᬓᬾᬮᬗᬦᬭᬦ᭄᭟ᬳᭀᬚᭀᬕᬚᬭᬦ᭄ᬓᬳᬶᬦᬾᬳᬦᬾᬧᬮᬶᬂᬲᬬᬗᬳᬶᬮᬂ᭟ᬦᬄᬢᭂᬕᬭᬂᬢᭂᬦᬸᬗᬶᬦ᭄᭞ᬤᬶᬚᬢᭀᬗᭀᬲ᭄ᬚᬭᬦ᭄ᬓᬳᬶᬦᬾ᭞ᬫ᭄ᬯᬄ
ᬜᬾᬦ᭄ᬳᬦᬾᬫᬫᬮᬶᬂ᭞ᬳᭂᬦ᭄ᬢᭀᬫᬓᭂᬚᬂᬢᭂᬭᬗᬂ᭟ᬩᬦ᭄ᬢᭂᬦ᭄ᬲᬳᬾᬢᬾᬄᬳᬢᬾᬄᬫᬢᭂᬦᬸᬂᬲᬸᬩᬧ᭄ᬭᬕᬢ᭄᭞ᬢᭀᬭᭀᬯᬂᬓᬳᬶᬦᬾᬢᬕᬶᬳᬶᬦ᭄᭟ᬳᬶᬗ᭄ᬕᬶᬄᬢᬶᬢ᭄ᬬᬂᬲᬳᬶᬭᬶᬂ᭟ᬓᬘ᭄ᬭᬶᬢᬳᬶᬮᬧᬃᬲᬸᬩᬓᭀᬦᬾᬗᬳᬧᬶᬦ᭄ᬩᬦ᭄ᬢᭂᬦ᭄᭞ᬧᭂᬮᬸᬄᬧᬶᬤᬶᬢ᭄᭞ᬓᬳᬩᬶᬄᬩ
Page:Bali-lontar-i-ganti-teken-i-lacur.pdf/8
This page has been proofread.
