This page has been proofread.
[᭘ 8B]
᭘
ᬳᬦ᭄ᬧᬗᬬᬄᬤ᭄ᬯᬂᬤᬶᬭᬶ᭞ᬳᬶᬕᬦ᭄ᬢᬶᬢᭂᬓᬾᬦ᭄ᬳᬶᬮᬘᬸᬃ᭟ᬫᬫᬦ᭄ᬢ᭄ᬭᬓᭀᬦᬾᬘ᭄ᬭᬶᬢᬦ᭄ᬦᬾᬳᬶᬮᬧᬃ᭟ᬗᬦ᭄ᬢᬶᬩᭂᬢᭂᬓ᭄ᬩᭂᬢᭂᬓᬦ᭄ᬫᬲᬶᬄᬢᭀᬦ᭄ᬤᬾᬦ᭄ᬓᬾᬦ᭄ᬓᬾᬦ᭄ᬢᬾᬦ᭄ᬢᬾᬦ᭄᭟ᬫᭂᬫ᭄ᬩᬄᬧᭂᬮᬸᬄᬳᬶᬮᬧᬭᬾ᭞ᬲᬸᬩᬗᬭᬲᬤᬾᬯᬾᬓ᭄ᬮᬓᬃᬫᬢᬶ᭟ᬤᬶᬢᬸᬮᬦ᭄ᬢᬲ᭄ᬬᬩᬗᬸᬦ᭄ᬫᬕᬶᬩ᭄ᬭᬲ᭄ᬲᬫ᭄ᬩᬶᬮ᭠
ᬗᬫᬫᬸᬜᬶᬓᬾᬦᬾ᭞ᬚᬦᬶᬲᬸᬩᬕᬦ᭄ᬢᬶᬮᬘᬸᬃ᭟ᬫᬭᬓᬾᬢᭀᬳᬩᭂᬢ᭄ᬳᬶᬮᬧᬭᬾ᭞ᬗᭂᬢ᭄ᬢᭂᬦ᭄ᬓᭂᬚᬸᬢ᭄ᬳᬶᬕᬦ᭄ᬢᬶᬢᭂᬓᬾᬦ᭄ᬳᬶᬮᬘᬸᬃᬮᬯᬸᬢ᭄ᬫᬮᬳᬶᬩ᭄᭞ᬓᬤᬾᬦᬳᬶᬮᬧᬃᬗᭀᬭᬳᬂᬤᬾᬯᬾᬓ᭄ᬦᬾᬳᬦᬾᬫᬫᬮᬶᬂᬚᬭᬦᬾ᭟ᬤᬶᬢᬸᬮᬦ᭄ᬢᬲ᭄ᬳᬶᬕᬦ᭄ᬢᬶᬢᭂᬓᬾᬦ᭄ᬳᬶᬮᬘᬸᬃᬳᭂᬚᬸ᭠
ᬓᬢᭂᬓᬾᬦ᭄ᬤᬾᬲᬦᬾ᭞ᬲᬓᬮᬳᬗᬳᭀᬭᬳᬗᬫᬫᬮᬶᬂᬚᬭᬦ᭄ᬳᬦᬓᬾᬳᬕᬸᬂ᭟ᬗᬗᬓᭂᬦ᭄ᬳᬶᬕᬦ᭄ᬢᬶᬢᭂᬓᬾᬦ᭄ᬳᬶᬮᬘᬸᬃ᭟᭠ᬢᭀᬗᭀᬲ᭄ᬚᬭᬦ᭄ᬳᬦᬓᬾᬳᬕᬸᬂᬲᬸᬩᬧᬢᬸᬚᬸᬳᬗᬢᭂᬓᬾᬦ᭄ᬳᬶᬕᬦ᭄ᬢᬶᬳᬶᬮᬘᬸᬃ᭞ᬓᬘ᭄ᬭᬶᬢᬲᬸᬩᬩᬓᬢᬗᬦ᭄᭞ᬚᬦᬶᬮᬦ᭄ᬢᬲ᭄ᬳᬶᬕᬦ᭄ᬢᬶᬢᭂᬓᬾ᭠
ᬦ᭄ᬳᬶᬮᬘᬸᬃᬧᬳᬶᬤᬳᬚᬓᬓᬲᭂᬫ᭟ᬳᬶᬕᬦ᭄ᬢᬶᬮᬘᬸᬃᬜᭂᬩᬓ᭄ᬕᭂᬮᬸᬃᬕᭂᬮᬸᬃ᭞ᬦᬸᬦᬲ᭄ᬳᬸᬭᬶᬧ᭄ᬦᬸᬦᬲ᭄ᬳᬸᬭᬶᬧ᭄᭞ᬦᬗᬶᬂᬢᬾᬢᬸᬲᬶᬂᬳᬤᬗᬮᬶᬗᬸᬳ᭟ᬤᬶᬢᬸᬮᬦ᭄ᬢᬲ᭄ᬳᬶᬕᬦ᭄ᬢᬶᬢᭂᬓᬾᬦ᭄ᬳᬶᬮᬘᬸᬃᬓᬫᬢ᭄ᬬᬂ᭟ᬧᬫ᭄ᬭᬕᬢ᭄᭞ᬳᬶᬮᬧᬃᬢᭂᬓᬾᬦ᭄ᬳᬶᬩᬢᬸᬦᭂᬫᬸᬩᬕ᭄ᬬ᭞ᬳᬶᬮᬧᬃᬓᬤᬤ᭄ᬬᬂᬲᭂᬤᬳᬦ᭄᭞
[᭙ 9A]
ᬳᬶᬩᬢᬸᬓᬤᬤ᭄ᬬᬂᬓᭂᬮ᭄ᬬᬦ᭄ᬲᬸᬩᬓ᭄᭟
