[᭑᭐᭙ 109B]
᭑᭐᭙
ᬗ᭄ᬲᬸᬦ᭄ᬩ᭄ᬭᬶᬂᬚᬭᬶᬂᬤᬸᬃᬩᬸᬤ᭄ᬥᬶ᭞ᬲᬸᬓᬦᬶᬤ᭄ᬦ᭄ᬭᬶᬬᬦᬾᬫᬳᬶᬤ᭄᭞ᬮ᭄ᬕᬦ᭄ᬓᬫᬦᬾᬫᬗ᭄ᬮᬶᬧᬸᬢ᭄᭞ᬜᬶᬍᬫ᭄ᬭᬶᬂᬲᬫᬸᬤ᭄ᬭᬪ᭄ᬯᬬ᭞ᬧᬳᬶᬤ᭄ᬩ᭄ᬯᬬᬳᬶᬤᬸᬲ᭄ᬓᬺᬢ᭄ᬢᬶ᭞ᬩᬸᬯᬸᬂᬮᬦ᭄ᬤᬸᬄ᭞ᬧᬬᬸᬓᬦᬭ
ᬓᬮᭀᬓ᭟᭐᭟ᬫᬮᬭᬧᬦ᭄ᬜᬸᬫ᭄ᬩᬸᬗᬯᬓ᭄᭞ᬫᬦᬶᬦ᭄ᬤᬶᬄᬩ᭄ᬦᭂᬄᬧᬤᬶᬤᬶ᭞ᬳᬦᬾᬢᬦ᭄ᬲᬸᬮᬸᬄᬥᬃᬫ᭄ᬫ᭞ᬩᬗ᭄ᬕᬭᬾᬄᬭᬸᬫᬲᬰᬓ᭄ᬢᬶ᭞ᬧᬸᬜᬄᬩᬳᬦ᭄ᬫ᭄ᬭᬲᬲᬸᬕᬶᬄ᭞ᬲᬶᬤ᭄ᬥᬦ᭄ᬜᬫ
ᬬᬚ᭄ᬜᬳᬕᬸᬂ᭞ᬦ᭄ᬢᭀᬩᬦ᭄ᬢᬲ᭄ᬓᬵᬗ᭄ᬕᭀᬦ᭄ᬩᬩᬗ᭄ᬕᬦ᭄᭞ᬢ᭄ᬯᬭᬦ᭄ᬓᬾᬂᬢ᭄ᬯᬭᬪᬓ᭄ᬢᬶ᭞ᬢ᭄ᬯᬭᬳᬦᬹᬢ᭄᭞ᬭᬶᬂᬯᬶᬥᬷᬯᬾᬤᬦᬲᬲ᭄ᬢ᭄ᬭ᭟᭐᭟ᬜ᭄ᬮᬧ᭄ᬜᭂᬤ᭄ᬬᬬᬗᬯᬓ᭄᭞ᬧᬜ᭄ᬘᬓᬂᬳ
ᬗ᭄ᬓᬭᬩᬸᬤ᭄ᬥᬶ᭞ᬓᬓ᭄ᬯᬰᬳᬂᬓᬲᬸᬫ᭄ᬩᬸᬗᬦ᭄᭞ᬳᭂᬦ᭄ᬢᭀᬓᬳᬗ᭄ᬕᭂᬄᬪᬹᬧᬢᬶ᭞ᬭᬕᬤ᭄ᬯᬾᬱᬦᬾᬲᬢ᭄ᬘᭂᬢᬶᬓ᭄᭞ᬓᬪᬓ᭄ᬢᬶᬦᬶᬦ᭄ᬓᬵᬗ᭄ᬕᬾᬦ᭄ᬭᬢᬸ᭞ᬳᬦᬓᬾᬳᬓᬾᬢᭀᬧᬵᬃᬣ᭞
[᭑᭑᭐ 110A]
ᬮᬗ᭄ᬕᬧ᭄ᬚᬸᬃᬤᬸᬍᬕ᭄ᬭᬶᬂᬩ᭄ᬮᬶ᭞ᬳᬦᬾᬫᬗ᭄ᬕᬸᬄ᭞ᬭᬶᬂᬤᬾᬯᬾᬓ᭄ᬜᬢᬸᬃᬦᬾᬓ᭄ᬬᬦᬦ᭄᭟᭐᭟ᬲᬂᬤᬳᬢ᭄ᬤᬸᬍᬕ᭄ᬭᬶᬂᬓᬓ᭞ᬫᬵᬦᬸᬧᬚᬳᬢ᭄ᬤᬸᬲ᭄ᬓᬺᬢ᭄ᬢᬶ᭞ᬳᭂᬦ᭄ᬢᭀᬧᬢᬶᬢᬬᬂᬓᬓ᭞ᬓᬚᬕ
ᬯ᭄ᬦᬭᬓᬯᬾᬘᬶ᭞ᬢᬦ᭄ᬲᬸᬯᬸᬤ᭄ᬫᬦᬦ᭄ᬤᬂᬲᬓᬶᬢ᭄᭞ᬫᬦᬶᬬᬦ᭄ᬬᬧᬸᬦ᭄ᬢᬸᬫ᭄ᬩᬸᬄ᭞ᬓᬩ᭄ᬮᬶᬗᬂᬩᬦ᭄ᬭᬵᬓ᭄ᬱᬲ᭞ᬭᬾᬄᬢᬸᬓᬤ᭄ᬭᬶᬂᬰᬷᬮᬬᬸᬓ᭄ᬢᬶ᭞ᬲᬶᬦᬳᬶᬧᬸᬦ᭄᭞ᬲᭂᬗ᭄ᬓᬲᬶᬤ᭄ᬥᬗᬫᬸᬗ᭄ᬕ
ᬳᬂ᭟᭐᭟ᬜᬭᭀᬤ᭄ᬲᭀᬤᬶᬧᬸᬦ᭄ᬦᭂᬤᬸᬦᬂ᭞ᬭᬶᬂᬩ᭄ᬮᬶᬗᬦ᭄ᬢᭀᬜᬦ᭄ᬗᬶᬮ᭄᭞ᬓᬓᬤᬸᬢ᭄ᬫᬾᬫᬾᬦ᭄ᬤᬦᬸᬚ᭞ᬲᬂᬤᭀᬱᬮᬦ᭄ᬧᬧᬩᬸᬤ᭄ᬥᬶ᭞ᬬᬤ᭄ᬬᬦ᭄ᬫᬮ᭄ᬯᬶᬮ᭄ᬯᬶᬤᬤᬶ᭞ᬓᬤᭀᬂᬬ
ᬧᬶᬂᬲ᭄ᬬᬸᬲᬢᬸᬲ᭄᭞ᬢᬦ᭄ᬲᬶᬤ᭄ᬥᬫᬗ᭄ᬕᬸᬳᬶᬓᬓ᭞ᬦᬸᬫᬸᬲ᭄ᬫᬘᬍᬫ᭄ᬧᬸᬂᬭᬭᬶᬲ᭄᭞ᬦᭂᬭᬸᬲ᭄ᬢᭂᬤᬸᬦ᭄᭞ᬓᬕ᭄ᬦᬳᬾᬧᬮᬶᬗᬦ᭄ᬤᬧ᭄᭟᭐᭟ᬓᭀᬭᬶᬓᬦᬭᬓᬮᭀᬓ᭞ᬭᬸᬭᬸᬂᬦᬸᬚᬸᬚᬸᬭᬂ
Page:Bali-lontar-paparikan-bagawadgita-350ppi.pdf/110
This page has been proofread.
