[᭕᭒ 52B]
᭕᭒
ᬢ᭄ᬯᬭᬳᬤᬦᬾᬢ᭄ᬕᭂᬳᬦ᭄᭞ᬲᬚᬯᬶᬦᬶᬂᬤᬾᬯᬾᬓ᭄ᬩᭂᬮᬶ᭞ᬳᬧᬦ᭄ᬲᬩᬘᬓᬦᬤ᭞ᬚᬕᬢ᭄ᬮᬦ᭄ᬤᬕᬶᬂᬜᬲᬫᬶ᭞ᬫᬓᭂᬜ᭄ᬘᬤᬶᬤᬾᬯᬾᬓ᭄ᬩᭂᬮᬶ᭞ᬮ᭄ᬯᬶᬃᬫᬸᬢ᭄ᬬᬳᬭᬧᬸᬦᬶᬓᬸ᭞
ᬦᬾᬫᬳᬮᬶᬫᬋᬜ᭄ᬘᭀᬬᬦ᭄᭞ᬢᬮᬶᬧᬗᭂᬜ᭄ᬘᬦ᭄ᬜᬩ᭄ᬮᬶ᭞ᬓᬾᬢᭀᬩᬕᬸᬲ᭄᭞ᬳ᭄ᬤᬳᬶᬳᬤᬶᬲᬗ᭄ᬰᬬ᭟᭐᭟ᬩ᭄ᬮᬶᬭᬲᬚ᭄ᬭᭀᬦᬶᬂᬢᭀᬬ᭞ᬢᬾᬚᬮᬦ᭄ᬲᬹᬃᬬ᭄ᬬᬮᬦ᭄ᬰᬰᬶᬄ
᭞ᬩ᭄ᬮᬶᬭᬸᬫᬕᬑᬁᬓᬭ᭞ᬭᬶᬢᬢ᭄ᬯᬯᬾᬤᬦᬾᬰᬸᬘᬶ᭞ᬬᬦ᭄ᬫᬭᬶᬗᬓᬰᬩ᭄ᬮᬶ᭞ᬭᬸᬫᬕᬲ᭄ᬯᬭᬤᬶᬢᬸ᭞ᬦᬗ᭄ᬳᬶᬂᬬᬦ᭄ᬫᬭᬶᬂᬫᬵᬦᬸᬱ᭞ᬓᬫᬵᬦᬸᬱᬦ᭄ᬜᬦᬾᬩ᭄ᬮᬶ᭞ᬳᬤᬶᬩᬕᬸᬲ᭄᭞
ᬮᬯᬸᬢᬗᬤᬶᬧᬶᬋᬗᬂ᭟᭐᭟ᬳᬫ᭄ᬩᬸᬦᬾᬳᬭᬹᬫ᭄ᬲᬸᬫᬺᬩᬓ᭄᭞ᬩ᭄ᬮᬶᬚ᭄ᬭᭀᬦᬶᬂᬧ᭄ᬭᬢᬶᬯᬶ᭞ᬳᭂᬦ᭄ᬥᬶᬳᬦ᭄ᬜᬳᬦᬾᬜᬮᬂ᭞ᬩ᭄ᬮᬶᬤᬶᬲᬚ᭄ᬭᭀᬦᬶᬗᬢᬶ᭞ᬬᬦ᭄ᬭᬶᬂᬩᬘᬓᬦ᭄ᬫᬳᬸᬭᬶᬦ᭄
[᭕᭓ 53A]
᭞ᬩ᭄ᬮᬶᬚᬷᬯᬦ᭄ᬜᬧᬸᬦᬶᬓᬸ᭞ᬬᬦ᭄ᬭᬶᬂᬯᬢᭂᬓ᭄ᬧᬭᬢᬧ᭞ᬕ᭄ᬫᭂᬢ᭄ᬤᬧᬦ᭄ᬜᬦᬾᬩ᭄ᬮᬶ᭞ᬩ᭄ᬮᬶᬢᬸᬳᬸ᭞ᬫᬓᬲᬭᬶᬦᬶᬂᬫᬓ᭄ᬚᬂ᭟᭐᭟ᬤᬤᬶᬩᬶᬩᬶᬢ᭄ᬓᬮᬗ᭄ᬕᭂᬗᬦ᭄᭞ᬲᬓᬩ᭄ᬘᬦ᭄ᬓᬜ᭄ᬘᬦᬶᬗᬸᬭᬶᬧ᭄᭞ᬩ᭄ᬮᬶ
ᬫᬯᬓ᭄ᬩᬸᬤ᭄ᬥᬶᬥᬃᬫ᭄ᬫ᭞ᬚ᭄ᬭᭀᬦᬶᬂᬲᬂᬯ᭄ᬭᬸᬳᬶᬗᬚᬶ᭞ᬫᬯᬓ᭄ᬓᬩᬗ᭄ᬓᬶᬢᬦ᭄ᬩᭂᬮᬶ᭞ᬭᬶᬂᬓᬜ᭄ᬘᬦᬸᬢ᭄ᬢᬫᬳᬶᬓᬸ᭞ᬢᬸᬳᬸᬫᬯᬓ᭄ᬫᬓᬮᬗᬦ᭄᭞ᬲᬓᬜ᭄ᬘᬦ᭄ᬫᬸᬮ᭄ᬬᬦᬾᬲᬫᬶ᭞ᬩ᭄ᬮᬶᬳᬕᬸᬂ᭞ᬬ
ᬦ᭄ᬤᬶᬩᬘᬓᬦ᭄ᬫᬵᬦᬸᬱ᭟᭐᭟ᬧᬶᬧᬸᬄᬤᬸᬃᬫ᭄ᬫ᭟᭐᭟ᬩᬬᬸᬩ᭄ᬮᬶᬭᬶᬂᬓᬜ᭄ᬘᬦ᭄ᬤ᭄ᬭᭀᬦᬶᬂᬧ᭄ᬭᬓᬰ᭞ᬩᬾᬩᬲ᭄ᬲᬓᬶᬂᬤᭀᬢ᭄ᬧ᭄ᬭᬶᬄ᭞ᬮᬦ᭄ᬓᬫᬇᬦ᭄ᬤ᭄ᬭᬶᬬ᭞ᬭᬶᬂᬚ᭄ᬭᭀᬦᬶᬂᬯᬢᭂᬓ᭄ᬫᬯᬓ᭄᭞ᬯ᭄ᬮᬲᬲᬶ
ᬳᬾᬦ᭄ᬢᭀᬩ᭄ᬮᬶ᭞ᬳᬦᬾᬢ᭄ᬯᬭ᭞ᬢᬸᬗ᭄ᬓᬲ᭄ᬭᬶᬂᬓᬥᬃᬫ᭄ᬫᬍᬯᬶᬄ᭟᭐᭟ᬲᬩᬘᬓᬦ᭄ᬲᬧᬢᭂᬓ᭄ᬫᬧᭀᬮᬄᬤᬶᬚᬕᬢ᭄᭞ᬓᬧᬶᬢᬸᬮᬶᬭᬕᬦ᭄ᬩᭂᬮᬶ᭞ᬯᬢᭂᬓ᭄ᬩᬸᬤ᭄ᬥᬶᬲᬢ᭄ᬯ᭞ᬯ
Page:Bali-lontar-paparikan-bagawadgita-350ppi.pdf/53
This page has been proofread.
