[᭑᭐ 10B]
᭑᭐
ᬦ᭄ᬥᬶᬂᬯᬶᬭᬵ᭞ᬤᬸᬤᬸᬲᬶᬧ᭄ᬭᬩᬗ᭄ᬰᬓᬭᬶ᭞ᬬᬦ᭄ᬩᬶᬲᬳᬸᬮᬧ᭄᭞ᬭᬶᬂᬫᬢᬭᬫ᭄ᬪᬸᬧᬳᬶ᭟ᬤᬤᬶᬲᬺᬗᭂᬦ᭄ᬓᬂᬤᬹᬢ᭄ᬢᬵᬫᬗ᭄ᬓᬶᬦ᭄ᬳᬫ᭄ᬬᬃᬱ᭞ᬕ᭄ᬮᬶᬲ᭄ᬦᬶᬫ᭄ᬩᬮ᭄ᬫᬫᬸᬚᬶ᭞ᬇᬄᬲᬂᬧ᭄ᬭᬩᬗ᭄ᬰᬵ᭞ᬓᬶ
ᬢᬫᬦ᭄ᬢ᭄ᬭᬶᬚᭂᬗ᭄ᬕᬮᬵ᭞ᬗᬓᭀᬦ᭄ᬗᭀᬂᬫᬢᬹᬃᬕᭂᬮᬶᬲ᭄᭞ᬭᬶᬂᬰ᭄ᬭᬶᬫᬢᬭᬫ᭄᭞ᬤᬾᬦ᭄ᬧ᭄ᬭᬧ᭄ᬢᬭᬶᬓᬶ᭟ᬫ᭄ᬯᬄᬓᬶᬢᬵᬳᬯᬭᬄᬗᭀᬂᬢᬦᬯᬾᬄᬲᬂᬤ᭄ᬬᬄ᭞ᬫᬳ᭄ᬲᬫᬸᬩᬶᬲᬵᬚᬸᬭᬶᬢ᭄᭞
ᬜᬸᬤᬸᬓᬓᭂᬦ᭄ᬯᬶᬚᬂ᭞ᬫᬗ᭄ᬓᬦᬳᬸᬚᬭᬶᬂᬤᬸᬢᬵ᭞ᬭᬤᬾᬦᬮᬸᬫᬜᬳᬸᬭᬶᬦ᭄᭞ᬢᬸᬃᬫᭂᬢᭂᬓ᭄ᬧᭂᬥᬂ᭞ᬓᬬᬸᬦ᭄ᬧᬘᬂᬗᬬᬸᬤ᭄ᬥᬳᬶᬦ᭄᭟ᬰ᭄ᬭᬷᬕᬕᭂᬮᬂᬕᭂᬮᬶᬲ᭄ᬗ᭄ᬕᬫᭂᬮ᭄
ᬫᬗᬦ᭄ᬤᭂᬕᬂ᭞ᬲᬵᬫ᭄ᬧᬸᬦ᭄ᬫᬗ᭄ᬓᬦᬓᬓᬶ᭞ᬢᬦ᭄ᬧᬢ᭄ᬭᬧᬶᬂᬰᬲᬡ᭞ᬮᬓᬸᬦᬶᬭᬢ᭄ᬯᬦ᭄᭞ᬧᬍᬄᬧᬍᬄᬳᬶᬓᬂᬩᬸᬤ᭄ᬥᬶ᭞ᬳᬚᬕᭃᬂᬓ᭄ᬭᭀᬥ᭞ᬓ᭄ᬭᬫᬦᬶᬂᬫᬦ᭄ᬢ᭄ᬭᬶᬳᬤᬶ᭟ᬳᭂᬦ᭄ᬢᬶᬯᭂᬮ
[᭑᭑ 11A]
ᬲ᭄ᬰ᭄ᬭᬶᬫᬮᬬᬸᬭᬶᬂᬲᬂᬦᬵᬣ᭞ᬓᬳᬗ᭄ᬕᬾᬦ᭄ᬢᬗ᭄ᬕᬸᬄᬫᬓᭂᬮᬶᬤ᭄᭞ᬜᬩ᭄ᬭᬦ᭄ᬓᬵᬚᬧᬚᬧ᭄᭞ᬳᬦ᭄ᬢᬸᬓ᭄ᬮᬶᬗ᭄ᬕᬶᬄᬲᬂᬦᬵᬣ᭞ᬕ᭄ᬮᬶᬲ᭄ᬫᬵᬢᬹᬃᬲᬳᬵᬪᬓ᭄ᬢᬶ᭞ᬳᬶᬗ᭄ᬕᬶᬄᬲᬂᬦᬵᬣ᭞ᬤᬸᬭᬸᬲᬂᬓᬾᬲᬳᬸᬭᬶᬦ᭄᭟ᬬ
ᬦ᭄ᬢᬦᬲᬸᬂ᭞ᬲᬗ᭄ᬕᬸᬧᬶᬦ᭄ᬫᬫᭂᬦ᭄ᬤᬓ᭄ᬬᬸᬤ᭄ᬥᬵ᭞ᬬᬦ᭄ᬫᬮᬶᬄᬧᬶᬤᬦ᭄ᬧ᭄ᬭᬧ᭄ᬢᬶ᭞ᬫᬢᬦ᭄ᬥᬶᬂᬧ᭄ᬭᬪᬵᬯ᭞ᬬᬦ᭄ᬤᬶᬕᬸᬦᬸᬂᬤᬶᬳᬮᬲ᭄᭞ᬬᬦ᭄ᬭᬶᬂᬋᬡ᭄ᬥᬂᬓᬓᬶᬲᬶᬓ᭄᭞ᬳᬾᬦᬓᬶᬦ᭄ᬧᬶᬲᬦ᭄᭞ᬲᬧᬦᬦ᭄ᬢᬗᬶᬂᬳᬭᬶ᭟
ᬤᬸᬄᬧᬸᬦᬧᬶᬓᬃᬬ᭄ᬬᬦ᭄ᬓᬳᬸᬮᬭᬶᬂᬚᬯ᭞ᬬᬤ᭄ᬬᬦ᭄ᬢᬦ᭄ᬚᬯᬶᬫᬮᬶᬄ᭞ᬲᬦᬾᬲᬵᬫ᭄ᬧᬸᬦ᭄ᬧ᭄ᬭᬾᬦ᭄ᬢᬄ᭞ᬳᬶᬭᬶᬓᬶᬓᬸᬫᬯᬸᬮ᭞ᬲᬩ᭄ᬭᬦ᭄ᬤᬶᬦᬓᬲ᭄ᬯᬾᬘ᭄ᬘᬦᬶᬦ᭄᭞ᬩᬵᬦ᭄ᬢᬶᬦᬸᬫ᭄ᬧᬗᬦ᭄᭞ᬤᬳᬃᬪᬹ
ᬱᬡᬮ᭄ᬯᬶᬄ᭟ᬧᬵᬢᬹᬢ᭄ᬲᬦᬾᬫᬗ᭄ᬓᬶᬦ᭄ᬦᬳᬸᬃᬳᬸᬢᬂᬥᬦ᭞ᬩᬗ᭄ᬕᬬᬂᬢᬶᬢ᭄ᬬᬂᬳᬸᬕᬶ᭞ᬫᬧᬫᬶᬢ᭄ᬧᬧᬶᬲᬦ᭄᭞ᬫᬓᭂᬓᭂᬩ᭄ᬭᬶᬂᬧᬬᬸᬤ᭄ᬥᬦ᭄᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬫᬦᬯᬸᬃᬲᬶᬄ᭞ᬲ᭄ᬯᬾᬘ᭄ᬘᬦ᭄ᬲᬂᬦᬵᬣ᭞
Page:Bali-lontar-paparikan-malat-01-550ppi.pdf/11
This page has been proofread.
