[᭑᭕ 15B]
᭑᭕
ᬫᬶᬗᬶᬲ᭄᭞ᬧᬸᬦ᭄ᬓᭂᬩᭀᬳᬗᬸᬘᬧ᭄᭞ᬫᬗ᭄ᬓᬾᬢᬦᬶᬯᬶᬦᬵᬃᬱᬵ᭞ᬓᬮᬯᬦ᭄ᬳᬶᬯᬶᬱᬧᬢᬶ᭞ᬮᬄᬢᬗ᭄ᬕᬧᬦ᭞ᬧᬓᬶᬭᬶᬫᬶᬓᬶᬲᬫᬶ᭟ᬮᬯᬦᬲᬶᬂᬳᬸᬫᬄᬰᬸᬦ᭄ᬬᬧᬜ
ᬗᬦᬵ᭞ᬫᬗ᭄ᬓᬾᬤᬾᬦᬾᬗ᭄ᬕᬮᬺᬱᬶᬓ᭄᭞ᬕᬸᬫᬸᬬᬸᬓᬂᬳᬸᬚᬃ᭞ᬲᬫᬫᬾᬲᭂᬫ᭄ᬓᬂᬧᬸᬢ᭄ᬭᬶᬬᬵ᭞ᬓᬶᬯᬶᬱᬧᬢᬶᬜᬳᬸᬭᬶᬦ᭄᭞ᬤᬸᬄᬫᬰᬵᬓᬸᬭᬂ᭞ᬕᬯᬾᬦᬶᬗ᭄ᬲᬸᬦ᭄ᬭᬶᬂ
ᬧᬹᬭᬶ᭟ᬦ᭄ᬳᭂᬃᬫᬾᬲᭂᬫ᭄ᬓ᭄ᬩᭀᬳᬗᬸᬦᬗᬸᬦ᭄ᬗᬸᬘᬧ᭄᭞ᬤᬯᭂᬕ᭄ᬫᬦᬶᬭᬳᬫᬶᬢ᭄᭞ᬫᬗ᭄ᬓᬾᬮᬸᬫᬫ᭄ᬧᬳ᭞ᬓᬶᬦᬸᬱᬳᬃᬱᬗᬸᬘᬧ᭄᭞ᬦ᭄ᬤᬄᬳᬕᬾᬮᬸᬫᬭᬶᬲ᭄᭞ᬕ᭄ᬮᬶᬲ᭄ᬮᬸ
ᬗ᭄ᬳᬵᬩᬮᬦᬶᬭᬳᬦ᭄ᬤᬸᬮᬸᬭ᭞ᬳᬫᬃᬕ᭄ᬕᬶᬭᬶᬂᬢᭀᬄᬧᬢᬶ᭞ᬰ᭄ᬤᭂᬓ᭄ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬫᬮᬬᬹᬤᬶᬩᬜ᭄ᬘᬶᬗᬄ᭞ᬲ᭄ᬬᬧᬓᬂᬮᬸᬫᬶᬦ᭄ᬢᬂᬫᬃᬕ᭄ᬕᬶ᭞ᬳᬓ᭄ᬯᬾᬄᬩᬮᬓᬸ᭞ᬕᬸ
[᭑᭖ 16A]
ᬕᬸᬫᬺᬩᭂᬕ᭄ᬳᬶᬓᬂᬗᬶᬭᬶᬂ᭟ᬓᬂᬢᬶᬦᬓ᭄ᬯᬦ᭄ᬫᬵᬢᬹᬃᬭᬶᬂᬰ᭄ᬭᬷᬭᬦ᭄ᬢᬦᬚ᭞ᬓ᭄ᬩᭀᬳᬗᬸᬦᬗᬸᬦ᭄ᬲᬶᬗ᭄ᬕᬶᬄ᭞ᬯᬯᬸᬓᬂᬮᬸᬫᬶᬦ᭄ᬢᬂ᭞ᬳᬸᬘᬧᭂᬦ᭄ᬲᬶᬭᬓᭂᬩᭀᬳ᭞ᬮᬫ᭄ᬧ
ᬳᬾᬭᬳᬶᬦᬯᭂᬗᬶ᭞ᬯᬸᬲ᭄ᬕᭂᬮᬶᬲ᭄ᬧ᭄ᬭᬵᬧ᭄ᬢ᭞ᬥᬢᭂᬂᬭᬶᬂᬲᬶᬗ᭄ᬳᬲᬭᬶ᭞ᬦ᭄ᬤᬦᬸᬘᬧᭂᬦ᭄ᬲᬶᬭᬧᬜ᭄ᬚᬶᬲᬶᬗ᭄ᬳᬵᬜ᭄ᬚᬬ᭞ᬳᭀᬮᬶᬄᬤᬾᬦ᭄ᬬᬵᬦ᭄ᬤᭀᬜ᭄ᬚᬸᬭᬶᬢ᭄᭞ᬭᬾᬄᬲᬂᬢᬶᬦᬓᬾᬦᬦ᭄᭞ᬦᬸᬗ᭄ᬓᬸᬮ᭄
ᬳᬲ᭄ᬭᬄᬚᬶᬯᬭᬕ᭞ᬦ᭄ᬤᬢᬦᬦᬳᬤᬺᬯᬾᬧᬸᬢ᭄ᬭᬶ᭞ᬤ᭄ᬯᬦᬶᬂᬲᬂᬦᬵᬣ᭞ᬚᬕᬢᬾᬓᬳᬢᬸᬃᬲᬫᬶ᭟ᬳᬕᬾᬢᬸᬮᬓ᭄ᬧ᭄ᬭᬫᬗ᭄ᬓᬶᬦ᭄ᬓᬲᬶᬗ᭄ᬳᬲᭂᬓᬃ᭞ᬢᬸᬃᬲ᭄ᬥᭂᬓᬦ᭄ᬤᬶᬫᬃᬕ᭄ᬕᬶ᭞ᬲᬶᬭᬫ
ᬜ᭄ᬚᬶᬗᬸᬘᬧ᭄᭞ᬓᬓᬧᬤᬤᬸᬫᬦ᭞ᬳᬚᬵᬓᬾᬄᬯᭀᬂᬧᬋᬂᬓᬫᬶ᭞ᬲᭀᬓ᭄ᬯᭀᬚᬗ᭄ᬕᬮᬵ᭞ᬓᬭᬶᬧᬋᬂᬗ᭄ᬯᬂᬫᬗ᭄ᬓᬶᬦ᭄᭟ᬳᬧᬦ᭄ᬳᬦᬫᬗ᭄ᬓᬾᬓᬃᬬ᭄ᬬᬦᬶᬗ᭄ᬲᬸᬦ᭄ᬫᬢ᭄ᬭ᭞ᬓᬸᬤᬦᬶ
Page:Bali-lontar-paparikan-malat-01-550ppi.pdf/16
This page has been proofread.
