[᭓᭑ 31B]
᭓᭑
ᬳᭂᬦᬸᬩᭂᬗᭀᬂᬲᭂᬫᬂᬲᭂᬫᬂ᭞ᬫᭀᬫᭀᬢ᭄ᬗᬮᬶᬗ᭄ᬕᬶᬳᬶᬦ᭄ᬓᬸᬃᬱᬶ᭞ᬲᬫᬶᬩᬗᬸᬦ᭄ᬓᬤᬾᬳᬦᬾᬧᭂᬘᬓ᭄ᬦᬶᬤ᭄ᬭᬵ᭟ᬫᬢᬹᬃᬭᬗ᭄ᬕᬵᬢᬶᬢᬄᬚᬶᬯᬵ᭞ᬓ᭄ᬜᭂᬫ᭄ᬫᬤᬸᬮᬸᬭᬦ᭄ᬪ
ᬓ᭄ᬢᬶ᭞ᬧᬸᬦᬧᬶᬤᬩ᭄ᬥᬩᬾᬤᬾᬯ᭞ᬩᬶᬮᬶᬧᬶᬢᬸᬗ᭄ᬓᬲ᭄ᬭᬶᬂᬭᬳᬶ᭞ᬲᬂᬭᬶᬂᬢᬫᬦ᭄ᬫᬮᬶᬗ᭄ᬕᬶᬄ᭞ᬲᬶᬭᬧᬜ᭄ᬚᬶᬲᬳᬸᬃᬓᭂᬜᬸᬂ᭞ᬧᬸᬦᬧᬶᬦᬾᬓᬢᬸᬗ᭄ᬓᬲᬂ᭞ᬲᬶᬭᬧᬜ᭄ᬚᬶᬫᬜ
ᬳᬸᬭᬶᬦ᭄᭞ᬲᬳᬕᬸᬬᬸ᭞ᬫᬶᬤᬃᬣᬬᬂᬳᬸᬦ᭄ᬢᭂᬂᬫᬦᬄ᭟ᬢᬺᬱ᭄ᬡᬓᬬᬸᬦᬾᬓᬮᬶᬦ᭄ᬢᬂ᭞ᬭᬶᬂᬢ᭄ᬯᬦ᭄ᬕᬸᬮᬸᬄᬫᬺᬢ᭄ᬢᬵᬰᬰᬶᬄ᭞ᬭᬗ᭄ᬕᬵᬢᬄᬚᬶᬯᬦᬶᬫ᭄ᬩᬮ᭄᭞ᬭᬢᬸᬤᬾᬯᬳᬕᬸᬂ
ᬧᬜ᭄ᬚᬶ᭞ᬫᬦᬄᬢᬶᬢ᭄ᬬᬂᬢᬺᬱ᭄ᬡᬯ᭄ᬬᬓ᭄ᬢᬶ᭞ᬫᬗᭂᬦᬂᬳᬶᬤᬢ᭄ᬯᬦ᭄ᬕᬮᬸᬄ᭞ᬳᬦ᭄ᬢᬸᬓ᭄ᬗᬭᬕᬵᬤᬶᬬᬢᬫᬦ᭄᭞ᬫᬤᬶᬦ᭄ᬤᬶᬂᬕᬍᬂᬕᬕᬸᬮᬶᬂ᭞ᬲᬳᬸᬃᬓᭂᬜᬸᬲ᭄᭞ᬲᬶᬭᬧᬜ᭄ᬚᬶᬫ
[᭓᭒ 32A]
ᬗᬦ᭄ᬤᬶᬓᬵ᭟ᬤᬸᬫᬤᬓ᭄ᬳᬕᬾᬭᬳᬶᬦᬵ᭞ᬳᬶᬗ᭄ᬲᬸᬦ᭄ᬧᬋᬓ᭄ᬰ᭄ᬭᬷᬪᬸᬧᬢᬶ᭞ᬦᬗ᭄ᬓᬶᬮ᭄ᬫᬗᬢᬹᬭᬂᬲᬸᬭᬵᬢ᭄᭞ᬳᭀᬦᭂᬂᬳᬶᬗ᭄ᬲᬸᬦ᭄ᬤᬢᬦ᭄ᬲᬶᬧᬶ᭞ᬓᬗ᭄ᬳᭂᬦ᭄ᬕᬮᬸᬄᬫᭂᬃᬢ᭄ᬢᬰᬰᬶᬄ
᭞ᬓᬓᬵᬫᬗ᭄ᬓᬾᬲᬸᬦᬵᬢᬸᬭᬸ᭞ᬫᬮᬃᬧᭀᬮᬶᬄᬫᬜᬸᬫ᭄ᬧᭂᬦ᭞ᬗᬾᬜ᭄ᬘᭂᬧ᭄ᬕᬮᬸᬄᬫᬺᬢ᭄ᬢᬰᬰᬶᬄ᭞ᬩᬋᬂᬢᬸᬭᬸ᭞ᬫᬓᬭᭀᬦ᭄ᬫᬕᬍᬂᬢᬸᬗ᭄ᬕᬮ᭄᭟ᬯᭀᬗᬶᬭᬕᬸᬫᬸᬬᬸᬲ
ᬫ᭄ᬬᬦ᭄᭞ᬓ᭄ᬩᭀᬢᬦ᭄ᬫᬸᬦ᭄ᬤᬸᬃᬢᬸᬃᬪᬓ᭄ᬢᬶ᭞ᬳᬶᬗ᭄ᬕᬶᬄᬭᬢᬸᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬲᬦᬾᬫᬺᬫ᭄ᬭᬶᬂᬫᬸᬃᬤ᭄ᬥᬫᬡᬶᬓ᭄᭞ᬦᬶᬓᬳᬾᬜ᭄ᬘᭂᬧ᭄ᬲᬓᬶᬂᬤ᭄ᬭᬶᬓᬶ᭞ᬳᬶᬥᭂᬧᬂᬭᬳᬤᬾᬦ᭄ᬕᬮᬸᬄ᭞ᬲᬶᬭᬧ
ᬜ᭄ᬚᬶᬫᬗᬦ᭄ᬤᬶᬓᬵ᭞ᬗᬗᬶᬦᬂᬫᬗ᭄ᬓᬶᬦ᭄ᬧᬭᬦᬶᬦ᭄᭞ᬫᬃᬕ᭄ᬕᬶᬳᬮᬸᬄ᭞ᬅᬄᬫᬗ᭄ᬓᬦᬢᬸᬳᬸᬅᬃᬚ᭄ᬚ᭟ᬢ᭄ᬯᬦ᭄ᬤᬾᬯᬶᬢᬦ᭄ᬲᬄᬓᬘ᭄ᬭᬶᬢ᭞ᬗᬺᬋᬄᬲᬂᬭᬶᬂᬫᬹᬃᬤ᭄ᬤᬫᬡᬶᬓ᭄᭞ᬧ
Page:Bali-lontar-paparikan-malat-01-550ppi.pdf/32
This page has been proofread.
