[᭓᭖ 36B]
᭓᭖
ᬦ᭄ᬢᬶᬢ᭄ᬬᬂᬫᬩ᭄ᬮᬲᬦ᭄᭞ᬢ᭄ᬯᬭᬩᬋᬂᬢ᭄ᬓᬾᬦ᭄ᬕᬸᬲ᭄ᬢᬶ᭞ᬓᬢᬸᬯᭀᬦ᭄ᬭᬶᬂᬢᬺᬱ᭄ᬡᬉᬭᬶᬧ᭄᭞ᬲᬗ᭄ᬰᬭᬲᬦ᭄ᬳᬦᬓᬕᬸᬂ᭞ᬭᬤᬾᬦ᭄ᬕᬮᬸᬄᬲᬳᬸᬃᬯᬱ᭄ᬧᬵ᭞ᬲᬶᬭᬧᬜ᭄ᬚᬶᬫᬗᬸᬲᬧᬶᬦ᭄᭞
ᬭᬢᬸᬳᬬᬸ᭞ᬗ᭄ᬕᬶᬄᬓᬫ᭄ᬦᭂᬂᬅᬢ᭄ᬫᬚᬶᬯᬵ᭟ᬤᭀᬂᬳᬸᬲᬦᬂᬭᬢᬸᬫᭂᬗ᭄ᬕᬄ᭞ᬫᬶᬤᬸᬓᬾᬦ᭄ᬢᬶᬢ᭄ᬬᬂᬳᬶᬲᬶᬲᬶᬧ᭄᭞ᬢᬸᬃᬫᬮᬶᬄᬗᭂᬜ᭄ᬚᬸᬳᬶᬦ᭄ᬲᭂᬧᬄ᭞ᬢ᭄ᬯᬦ᭄ᬤᬾᬯᬶᬫᬫᬾᬦ᭄ᬢᭀᬲ᭄
ᬦᬫ᭄ᬧᭂᬮᬶᬓ᭄᭞ᬜᭂᬩᭂᬂᬩᬜ᭄ᬘᬸᬓ᭄ᬫᭂᬘᬸᬓᬮᬶᬲ᭄᭞ᬲᬶᬭᬧᬜ᭄ᬚᬶᬗᬸᬘᬧ᭄ᬓᭂᬜᬸᬂ᭞ᬤᭀᬂᬫᬲᬸᬭᬶᬓᬾᬫᬵᬲ᭄ᬫᬶᬭᬄ᭞ᬦᬸᬦᬲ᭄ᬫᬫᬃᬕ᭄ᬕᬶᬦᬾᬫᬗ᭄ᬓᬶᬦ᭄᭞ᬫᬮᬶᬄᬭᬢᬸ
ᬫᬗ᭄ᬓᬶᬦ᭄ᬫᬕᭂᬦ᭄ᬢᭀᬲ᭄ᬧᭂᬲᬾᬗᬦ᭄᭟ᬫᬗ᭄ᬥᬲᬵᬫ᭄ᬧᬸᬦ᭄ᬓᬲᬾᬗᭂᬳᬦ᭄᭞ᬳᬶᬤᬧᬸᬢ᭄ᬭᬶᬲᬶᬗ᭄ᬳᬵᬲᬭᬶ᭞ᬦᬶᬓᬶᬳᬦᬹᬢ᭄ᬧᬭᬩ᭄ᬳᬶᬤᬵ᭞ᬤ᭄ᬬᬄᬦᬯᬂᬯᬸᬮᬦ᭄ᬧᬧᬲᬶᬄ᭞
[᭓᭗ 37A]
ᬭᬾᬄᬚᭂᬕᬾᬕ᭄ᬯᬃᬡ᭄ᬦᬫᬶᬭᬶᬩ᭄᭞ᬫᬾᬫ᭄ᬧᭂᬃᬯᬶᬫ᭄ᬩᬦ᭄ᬳ᭄ᬬᬂᬰᬶᬢᬗ᭄ᬲᬸ᭞ᬯᬃᬡ᭄ᬦᬦ᭄ᬳᬶᬤᬾᬯᬫᬵᬲ᭄ᬫᬶᬭᬄ᭞ᬢ᭄ᬯᬦ᭄ᬕᬮᬸᬄᬗᬸᬦ᭄ᬢᬸᬓ᭄ᬫᬫᭂᬦ᭄ᬤᬶᬮ᭄᭞ᬢ᭄ᬯᬭᬓᬬᬸᬦ᭄᭞ᬫᬲᬸᬭᬶᬭᬭᬶᬲ᭄ᬓ
ᬳᭂᬫ᭄ᬩᬦ᭄᭟ᬲᬶᬭᬧᬜ᭄ᬚᬶᬢᬦ᭄ᬲᬄᬗᬸᬘᬧ᭄᭞ᬇᬄᬯ᭄ᬯᭀᬂᬧᬡ᭄ᬥᬦᬮᬲ᭄ᬲᬫᬶ᭞ᬓᬳᬢᬹᬃᬭᬶᬂᬳᬢ᭄ᬫᬚᬶᬯᬵ᭞ᬳᬗ᭄ᬕᬾᬦ᭄ᬓᬦ᭄ᬥᬂᬜᬩ᭄ᬭᬦ᭄ᬗᬶᬭᬶᬂ᭞ᬳᬶᬢᬦ᭄ᬫᬸᬦ᭄ᬤᬸᬃᬫᬦᬯᬸᬳᬶᬦ᭄᭞ᬮᬄᬓᬶ
ᬢᬲᬫᬢᬸᬫᬸᬭᬸᬦ᭄᭞ᬯᭀᬂᬧᬡ᭄ᬥᬦᬮᬲ᭄ᬲᬫᬢᭂᬥᬸᬦ᭄᭞ᬭᬹᬧᬩᭂᬘᬶᬓ᭄ᬩᭂᬘᬶᬓ᭄᭞ᬯᬾᬦ᭄ᬢᭂᬦ᭄ᬲᬢᬸᬲ᭄᭞ᬫᬕᬮᬶᬓ᭄ᬦᬾᬦᬸᬫᬧᬸᬲᬸᬂᬗᬦ᭄ᬥᬂ᭟ᬲᬫᬶᬧᬥᬓᬦ᭄ᬥᬶᬓᬬᬂ᭞
ᬜᬸᬫ᭄ᬩᬄᬕᬮᬶᬄᬦᬯᬂᬰᬰᬶᬄ᭞ᬲᬶᬭᬧᬜ᭄ᬚᬶᬗᬸᬘᬧᬮᭀᬦ᭄᭞ᬦᬶᬓᬳᬗ᭄ᬕᬾᬦ᭄ᬓᬸᬡ᭄ᬥᬂᬲᬫᬶ᭞ᬧᬋᬓᬦ᭄ᬗᬶᬭᬶᬂᬳᬶᬫᬡᬶᬓ᭄᭞ᬭᬤᬾᬦ᭄ᬕᬮᬸᬄᬫ᭄ᬦᭂᬂᬲᬵᬫ᭄ᬧᬸᬦ᭄᭞ᬓᬬᬸᬦ᭄
Page:Bali-lontar-paparikan-malat-01-550ppi.pdf/37
This page has been proofread.
