[᭓᭗ 37B]
᭓᭗
ᬮ᭄ᬬᬂᬳᬸᬲᬦ᭄ᬫᭂᬗ᭄ᬕᬄ᭞ᬯᬶᬭᬾᬄᬲᬫᬶᬲ᭄ᬦᭂᬂᬳᬢᬶ᭞ᬢᬫᬾᬂᬭᬸᬫ᭄ᬭᬸᬫ᭄᭞ᬫᬦᭂᬓᭂᬢ᭄ᬓᭂᬤᭂᬓᭂᬢ᭄ᬢᬺᬱ᭄ᬡ᭟ᬲᬶᬭᬧᬜ᭄ᬚᬶᬫᬮᬶᬄᬗᬸᬘᬧ᭄᭞ᬓᬓᬵᬭᬗ᭄ᬕᬳᬤᬦ᭄ᬕᭂᬮᬶᬲ᭄᭞ᬲᬧᬗ
ᬬᬄᬓᬸᬡ᭄ᬥᬗᬶᬭ᭞ᬭᬤᬾᬦ᭄ᬕᬮᬸᬄᬳᬶᬓᬵᬲᬫᬶ᭞ᬧᬥᬓᬵᬲᬸᬗᬦ᭄ᬩᬾᬡ᭄ᬥᬶ᭞ᬳᬶᬓᬸᬓᬓᬱᬥᬯᭂᬭᬸᬄ᭞ᬧᬸᬦ᭄ᬭᬵᬗ᭄ᬕᬲᬳᬸᬃᬲᭂᬫ᭄ᬩᬄ᭟ᬲᬵᬫ᭄ᬧᬸᬦ᭄ᬫᬓᬓᬲᬶᬦ᭄ᬩᬾᬡ᭄ᬥᬶ᭟ᬫᬾ
ᬮᭀᬃᬮᬸᬳᬸᬃ᭞ᬧᬮᬶᬗ᭄ᬕᬶᬄᬭᬤᬾᬦ᭄ᬤᬾᬯ᭄ᬬᬵ᭟ᬫᬮᬗ᭄ᬲᬾᬩᬵᬦ᭄ᬧᬾᬃᬫ᭄ᬫᬲ᭄ᬚᭂᬦᬃ᭞ᬫᬓᭂᬩᬢ᭄ᬲᬸᬢ᭄ᬭᬢᬮᬸᬓᬶ᭞ᬫᬭᬳᬳᬩ᭄ᬩᬵᬦ᭄ᬲᬸᬢ᭄ᬭᬧᭂᬢᬓ᭄᭞ᬫᬭᬶᬂᬭᬶᬂᬩᬵ
ᬦᬾᬮᭀᬯᬦ᭄ᬯᬶᬮᬶᬲ᭄᭞ᬫᬧ᭄ᬭᬥᬧᬢ᭄ᬭᬵᬲᬭᬶ᭞ᬧᬮᬶᬗ᭄ᬕᬶᬳᬦ᭄ᬭᬤᬾᬦ᭄ᬕᬮᬸᬄ᭞ᬯᬸᬲ᭄ᬫᬸᬗ᭄ᬕᬄᬳᬦ᭄ᬭᬤᬾᬦ᭄ᬕᬮᬸᬄᬭᬶᬂᬩᬾᬡ᭄ᬥᬶ᭞ᬳᬶᬩᬬᬸᬦ᭄ᬲᬗ᭄ᬕᬶᬢ᭄ᬫᬚᬸᬮᬶ᭞ᬲᬂᬫᬮᬢ᭄ᬓᬸᬂᬫ
[᭓᭘ 38A]
ᬓᬵᬓᬸᬲᬶᬃᬭᬤᬾᬦ᭄ᬤᬾᬯ᭄ᬬᬵ᭟ᬤᬳᬢ᭄ᬧᬾᬦ᭄ᬢᭂᬃᬜᭀᬮᬄᬓᬸᬤᬵ᭞ᬲᬺᬗ᭄ᬕᬭᬗᬕᭂᬫ᭄ᬘᬫᭂᬢᬶ᭞ᬳᬶᬧᬲᬶᬭᬦ᭄ᬧᬗᬶᬦᭂᬗᬦ᭄᭞ᬲᬵᬫ᭄ᬧᬸᬦ᭄ᬫᬦᭂᬕᬓᬶᬦ᭄ᬩᬾᬡ᭄ᬥᬶ᭞ᬧᬫᬺᬫᬦ᭄ᬓ
ᬲᬸᬃᬗ᭄ᬭᬶᬳᬶᬦᬶᬦ᭄᭞ᬲᬶᬭᬧᬜ᭄ᬚᬶᬗᬸᬘᬧ᭄ᬓᭂᬜᬸᬂ᭞ᬮᬸᬄᬓᬓᬫᬓᬩᬾᬳᬦ᭄᭞ᬳᬶᬗ᭄ᬲᬸᬦ᭄ᬫᬯᬭᬄᬲᬓᬶᬥᬶᬓ᭄᭞ᬭᬤᬾᬦ᭄ᬕᬮᬸᬄᬓᭀᬘᬧ᭄ᬧᬸᬢ᭄ᬭᬶᬦ᭄ᬧᬡ᭄ᬥᬦᬮᬲ᭄᭟ᬦᬫ
ᬧᬸᬢ᭄ᬭᬶᬦᬯᬂᬯᬸᬮᬦ᭄᭞ᬯᬺᬢᬓ᭄ᬦᬭᬶᬂᬦᬵᬕᬭᬶ᭞ᬤᬾᬦ᭄ᬯᬺᬢᬧᬥᬳᬸᬦᬶᬗ᭄ᬳᬵ᭞ᬮᬫᬓᬦ᭄ᬢᬦᬦᬳᬸᬦᬶᬂ᭞ᬳᬶᬓᬂᬫ᭄ᬯᬂᬫᬸᬗ᭄ᬕ᭄ᬯᬶᬂᬩᬾᬡ᭄ᬥᬶ᭞ᬲᬫᬢᬶᬦᬢᬭᬦ᭄ᬯᬸᬯᬸᬲ᭄᭞ᬤᬾ
ᬦ᭄ᬧᬥᬧᭂᬧᬘᬸᬳᬦ᭄᭞ᬧᬯᭀᬗᬦ᭄ᬲᬫᬶᬫᬶᬲᬶᬗ᭄ᬕᬶᬄ᭞ᬲᬳᬕᬸᬬᬸ᭞ᬦᬸᬓ᭄ᬱ᭄ᬫᬧᬥᬲᬥᬬᬵ᭟ᬧᬫᬃᬕ᭄ᬕᬶᬦᬾᬫᬮᭀᬦ᭄ᬮᭀᬦᬦ᭄᭞ᬫᬳᬾᬓᬦ᭄ᬲᬩᬶᬮᬂᬫᬃᬕ᭄ᬕᬶ᭞
Page:Bali-lontar-paparikan-malat-01-550ppi.pdf/38
This page has been proofread.
