[᭔᭑ 41B]
᭔᭑
ᬭᬸᬦ᭄ᬢᬂ᭞ᬫᬕᭂᬮᬂᬳᭂᬫᬲ᭄ᬯᭂᬮᬶᬲ᭄᭞ᬲᬸᬩᭂᬂᬳᭂᬫ᭄ᬧᭂᬢ᭄ᬳᭂᬫ᭄ᬧᭂᬢᬦ᭄᭞ᬫᬢ᭄ᬭᬗ᭄ᬕᬦᬧ᭄ᬭᬶᬬᬓᬵ᭞ᬭᬭᬲᬾᬲᬺᬗ᭄ᬕᬭᬫᬦᬶᬲ᭄᭞ᬫᬭᬕᬶᬂᬮᬢ᭄ᬬ᭞ᬲᬲᭂᬩᬶᬢ᭄ᬢᬶᬧᬶᬲ᭄ᬩ
ᬗ᭄ᬓᬶᬢ᭄᭟ᬢᬸᬦ᭄ᬢᬸᬲᭂᬦ᭄ᬢᬓ᭄ᬧᬸᬢᬶᬄᬢᬸᬮᬾᬦ᭄ᬫᬡᬶᬓ᭄ᬢᭀᬬ᭞ᬜᬦ᭄ᬥᬶᬂᬲᬼᬫ᭄ᬮ᭄ᬯᬶᬃᬫᬗ᭄ᬲᬶ᭞ᬭᬫ᭄ᬩᬢᬶᬋᬂᬧᬜ᭄ᬚᬂ᭞ᬮ᭄ᬯᬶᬃᬕᬸᬍᬫ᭄ᬗᭂᬫᬸᬯᬃᬱᬵ᭞ᬩᬸᬗ᭄ᬓᬸᬂᬲᭂᬩᬶᬢᬦ᭄ᬧᭂᬜᬮᬶᬦ᭄᭞
ᬮᬦ᭄ᬲᭀᬘᬢᬶᬕᬵ᭞ᬫᬬᬾᬂᬯᬶᬦ᭄ᬢᭂᬦ᭄ᬤᬶᬓᬘᬶᬂ᭟ᬧᬫᬃᬕ᭄ᬕᬶᬦᬾᬳᬮᬸᬲ᭄ᬩᬦ᭄ᬩᬦ᭄ᬫᬕᬫ᭄ᬧᬭᬦ᭄᭞ᬲᬶᬂᬭᬭᬲ᭄ᬗ᭄ᬬᬸᬦ᭄ᬳ᭄ᬬᬸᬦᬶᬦ᭄᭞ᬲᬭᬳᬸᬄᬲᬂᬤᬵᬣ᭞ᬗᬦ᭄ᬤᬶ
ᬓᬭᬶᬂᬧ᭄ᬭᬫᬷᬰ᭄ᬯᬭᬶ᭞ᬬᬬᬶᬦᬵᬣᬲᬶᬗ᭄ᬳᬲᬭᬶ᭞ᬓᬾᬮᬗᬦ᭄ᬧᬸᬢ᭄ᬭᬵ᭞ᬳᬶᬦᬮᬧ᭄ᬰᬢ᭄ᬭᬸᬫᬮᬶᬂ᭟ᬫᬗ᭄ᬓᬾᬮᬶᬯᬢ᭄ᬯ᭄ᬮᬲ᭄ᬮᬭᬳᬶᬗ᭄ᬲᬸᬦ᭄ᬫ᭄ᬬᬃᬱᬵ᭞ᬲᬂᬧ᭄ᬭᬪᬹᬯᬸᬲ᭄ᬳᬮᬶ
[᭔᭒ 42A]
ᬗ᭄ᬕᬶᬄ᭞ᬫᬰᬶᬮᬦᬧᬓ᭄᭞ᬭᬶᬂᬲᬶᬗ᭄ᬳᬵᬰᬡᬫᬡᬶᬓ᭄᭞ᬫᬓᭂᬩᬢ᭄ᬧ᭄ᬭᬫᬤᬫ᭄ᬬ᭞ᬭᬤᬾᬦ᭄ᬧᬜ᭄ᬚᬶᬫᬦᬗ᭄ᬓᬶᬮᬶᬦ᭄᭞ᬫᬰᬶᬮᬦᬧᬓ᭄᭞ᬫᭂᬧᭂᬲ᭄ᬓᬤᬶᬭᬶᬂᬢᬸᬮᬶᬲ᭄᭟ᬧ᭄ᬭ
ᬫᬶᬰ᭄ᬯᬭᬶᬢᬫ᭄ᬧᬸᬄᬯᬘᬡᬢᬲᬂ᭞ᬤᬩ᭄ᬥᬩ᭄ᬤ᭄ᬬᬄᬲᬶᬗ᭄ᬳᬲᬭᬶ᭞ᬮᬦ᭄ᬢᬭᬦᬾᬳᬶᬮᬂ᭞ᬲᬂᬧᬜ᭄ᬚᬶᬫᬢᬸᬃᬦᬶᬫ᭄ᬩᬮ᭄᭞ᬲᭂᬫᬸᬲ᭄ᬥᬶᬄᬗᭂᬫ᭄ᬩᭂᬂᬳᬓ᭄ᬱᬶ᭞ᬲᬫ᭄ᬩᬶᬮ᭄ᬫᬜᬸᬫ᭄ᬩᬄ᭞ᬭᬶᬂᬧ᭄ᬭ
ᬫᬶᬰ᭄ᬯᬭᬶ᭞ᬳᬶᬗ᭄ᬕᬶᬄᬯᬾᬦ᭄ᬢᭂᬦ᭄ᬫᬯᬵᬱ᭄ᬝᬵ᭞ᬯᬶᬢ᭄ᬘᬭᬂᬦᬵᬕᬧᬸᬱ᭄ᬧ᭞ᬦᬶᬓᬫᬭᬡᬂᬫᬫᬮᬶᬂ᭞ᬢᬶᬢ᭄ᬬᬂᬦᬸᬚᬸᬮᬸᬗ᭄ᬳᬵ᭞ᬫᬬᬸᬤ᭄ᬥᬭᬶᬂᬧᬡ᭄ᬥᬦᬮᬲ᭄᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬯᬳᬸ
ᬯᬮᬶ᭞ᬮᬸᬗ᭄ᬳᬵᬜᭂᬋᬧᬂ᭞ᬗᬺᬋᬄᬦᬾᬦ᭄ᬢᭂᬦ᭄ᬓᬧᬗ᭄ᬕᬶᬄ᭟ᬲᬵᬫ᭄ᬧᬸᬦ᭄ᬢᭂᬮᬲ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂᬗ᭄ᬭᬸᬭᬸᬄᬜᬚᬄ᭞ᬫᬶᬍᬳᬦ᭄ᬫᬗᬜ᭄ᬘᬩᬶᬦ᭄᭞ᬕᬸᬦᬸᬂᬯ᭄ᬬᬤᬶᬦ᭄ᬕᬯᬄ᭞
Page:Bali-lontar-paparikan-malat-01-550ppi.pdf/42
This page has been proofread.
