[᭔᭕ 45B]
᭔᭕
ᬚᬳᭂᬦ᭄ᬮᬕᭂᬲ᭄ᬮ᭄ᬯᬶᬳᬶᬂᬲᬸᬢᬾᬚᬵ᭞ᬫᬺᬱ᭄ᬫᭂᬲ᭄ᬫᬯᬃᬡ᭄ᬦᬲᭂᬥᬶᬄ᭞ᬫᬗ᭄ᬳᭃᬫᬗ᭄ᬳᭃᬲᬯᬢ᭄᭞ᬋᬗᬸᬋᬗᬸᬓᬦ᭄ᬢᭂᬦᬂ᭞ᬲᬯᬂᬳᬶᬩᬸᬓ᭄ᬗᬫᭀᬂᬯᬶᬗᬶᬢ᭄᭞ᬳᬤᬫᬦᬶᬫ᭄ᬩᬮ᭄᭞ᬓ᭄ᬜᭂᬫᬓᬶ
ᬲᬶᬓᬶᬲᬶ᭟ᬫᬦᬸᬦ᭄ᬤᬶᬓᬂᬢᬦ᭄ᬮ᭄ᬬᬦ᭄ᬤ᭄ᬬᬄᬳᬲ᭄ᬢ᭄ᬭᬋᬚᬱᬵ᭞ᬳᬦ᭄ᬢᬸᬓᬾᬓᬭᬶᬳᬮᬶᬢ᭄᭞ᬢᭀᬦ᭄ᬤᬾᬦ᭄ᬫᭂᬦᬾᬓ᭄ᬤᬳᬵ᭞ᬩᬶᬮᬶᬲᬸᬩᬵᬓᬚᬫᬄ᭞ᬓᬳᬮᬧ᭄ᬓᬳᬗ᭄ᬕᬾᬦ᭄ᬭᬩᬶ᭞ᬮᬾᬦ᭄ᬫ
ᬮᬶᬄᬦᬶᬫ᭄ᬩᬮ᭄᭞ᬫᬲᬳᬸᬢ᭄ᬫᬦᬸᬗ᭄ᬓᬲᬶᬦ᭄᭟ᬩᭀᬬᬦ᭄ᬤᬸᬕᬶᬢᭀᬂᬮᬚᬸᬕᭂᬫᭂᬄᬫᬜᬫᬄ᭞ᬭᬾᬄᬳᬦᬓ᭄ᬢᭀᬦ᭄ᬤᬾᬦ᭄ᬓᭂᬮᬶᬄ᭞ᬳᬸᬧᬫᬶᬮ᭄ᬯᬶᬃᬲᭂᬓᬃ᭞ᬦᬸᬧᬸᬲᬸᬄᬤᬸᬭᬸᬂᬓᭂᬫ᭄ᬩᬂ᭞
ᬢᭀᬂᬫᬬᬂᬳᬶᬧᬸᬲᬸᬄᬓᬮᬶᬄ᭞ᬢᬫ᭄ᬩᬸᬮᬶᬮᬶᬗᬦ᭄᭞ᬢᭀᬂᬗᬺᬕᬄᬗᬶᬲᭂᬧ᭄ᬲᬭᬶ᭟ᬧ᭄ᬭᬫᬷᬰ᭄ᬯᬭᬶᬲᭂᬦᭂᬂᬭᬶᬂᬤ᭄ᬬᬄᬦᬯᬂᬉᬮᬦ᭄᭞ᬧᬸᬢ᭄ᬭᬷᬲᬓᬸᬂᬦ᭄ᬤᬶᬳᬶᬓᬶ᭞ᬲᬂᬧᬜ᭄ᬚᬶᬗᬢᬸᬭᬂ᭞
[᭔᭖ 46A]
ᬤ᭄ᬬᬄᬲᬓᬶᬂᬧᬡ᭄ᬥᬦᬮᬲ᭄᭞ᬓᬳᬗ᭄ᬓᬾᬦᬸᬗ᭄ᬓᬸᬮ᭄ᬦᬸᬦᬲ᭄ᬉᬭᬶᬧ᭄᭞ᬳᬦ᭄ᬢᬸᬓ᭄ᬱᬂᬦᬵᬣ᭞ᬧᬡ᭄ᬥᬦᬮᬲ᭄ᬧᬸᬦᬶᬓᬶ᭟ᬢᬸᬃᬳᬗᬸᬘᬧ᭄ᬰ᭄ᬭᬷᬕᬕ᭄ᬮᬂᬢᬸᬃᬓᬕ᭄ᬬᬢ᭄᭞ᬇᬄᬓᬮᬶᬗᬦ᭄ᬫᬤ᭄ᬯᬾᬧᬸᬢ᭄ᬭᬶ᭞
ᬧ᭄ᬭᬪᬹᬧᬡ᭄ᬥᬦᬮᬲ᭄᭞ᬳᬬᬸᬚᭂᬕᬾᬕ᭄ᬲᬺᬗ᭄ᬕᬭᬵ᭞ᬓᬸᬦᬓᭀᬘᬧ᭄ᬢᬦ᭄ᬧᬧᬸᬢ᭄ᬭᬶ᭞ᬫᬗ᭄ᬓᬾᬳᬧᬸᬢ᭄ᬭᬵ᭞ᬧᬸᬢ᭄ᬭᬶᬲᬸᬢᬾᬚᬮ᭄ᬯᬶᬄ᭟ᬪᬬᬵᬧᬶᬗ᭄ᬳᬶᬢ᭄ᬤᭀᬦᬶᬂᬢᬦ᭄ᬓᬾᬲ᭄ᬢᬄᬭᬶᬂᬚᬕᬢ᭄᭞
ᬲᬶᬭᬤ᭄ᬬᬄᬦᬯᬂᬰᬰᬶᬄ᭞ᬫᭂᬧᭂᬲ᭄ᬗᬸᬦ᭄ᬢᬸᬓ᭄ᬦᭂᬕᬓ᭄᭞ᬫᬗᭂᬦᬂᬩᬶᬩᬶᬬᬬᬄ᭞ᬲᬂᬧᬜ᭄ᬚᬶᬓᭂᬜᭂᬫ᭄ᬭᬶᬂᬳᬢᬶ᭞ᬲᬂᬧ᭄ᬭᬪᬹᬗᬸᬘᬧ᭄᭞ᬧᬸᬦᬶᬓᬩᬬᬧᬸᬢ᭄ᬭᬶ᭟ᬧᭂᬚᬭᬓᬦ᭄ᬲᬶᬭᬧᬜ᭄ᬚᬶ
ᬲᬳᬸᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬲᬦᬾᬓᬓᬮᬶᬄ᭞ᬭᬶᬂᬧᬸᬗ᭄ᬓᬸᬭᬦ᭄ᬦᭂᬕᬓ᭄᭞ᬳᭀᬓᬦ᭄ᬯᬢᭂᬓ᭄ᬅᬃᬬ᭄ᬬᬵ᭞ᬧᬸᬢ᭄ᬭᬶᬲᬦᬾᬦᭂᬕᬓ᭄ᬳᬮᬶᬢ᭄ᬫ᭄ᬧᬸᬢ᭄ᬭᬦᬶᬂᬫᬜ᭄ᬘ᭞ᬧᬡ᭄ᬥᬦᬮᬲ᭄ᬧᬧ
Page:Bali-lontar-paparikan-malat-01-550ppi.pdf/46
This page has been proofread.
