[᭔᭗ 47B]
᭔᭗
ᬲᬵᬫ᭄ᬧᬸᬦ᭄ᬩᬸᬕᬸᬰ᭄ᬯᬭᬜ᭄ᬚᬸᬢᬶᬗᬶᬜ᭄ᬘᬭᬸᬜ᭄ᬘᬃ᭞ᬗ᭄ᬕᭂᬕᭂᬮᭀᬗ᭄ᬕᬯᬾᬫᬶᬃᬫᬶᬃ᭞ᬫᬢᬓᬸᬢ᭄ᬦᬾᬕᬳᬧ᭄᭞ᬢᭂᬧᭂᬂᬯᬶᬢ᭄ᬳᬢᬹᬃᬢᬶᬢ᭄ᬬᬂ᭞ᬬᬦ᭄ᬢᬦᭂᬫ᭄ᬧᬓᬼᬗᭂᬦ᭄ᬳᬶᬧᬜ᭄ᬚᬶ᭞ᬓᬾᬩᭀᬢ᭄
ᬓᬦᬯᬦ᭄᭞ᬇᬭᬶᬓᬵᬜᬦ᭄ᬥᬂᬲᭂᬥᬶᬄ᭟ᬭᬤᬾᬦ᭄ᬤᬾᬯᬶᬭᬢ᭄ᬦᬦᬶᬂᬭᬵᬢ᭄ᬗᭂᬫᬸᬯᬱ᭄ᬧᬵ᭞ᬫᬶᬋᬂᬫᬗᭂᬫ᭄ᬩᭂᬂᬢᬗᬶᬲ᭄᭞ᬧ᭄ᬭᬫᬷᬰ᭄ᬯᬭᬶᬜ᭄ᬚᬕ᭄ᬚᬕ᭄᭞ᬫᬗᭂᬮᬸᬢ᭄ᬗᬸᬲᬧᬸᬲᬧ᭄᭞ᬲᬂᬧ᭄ᬭᬪᬹ
ᬗᬦ᭄ᬥᬶᬓᬫᬦᬶᬲ᭄᭞ᬮᬄᬦᬦᬓ᭄ᬧᬜ᭄ᬚ᭄ᬬᬵ᭞ᬫᬦ᭄ᬢᬸᬓᬲᬶᬭᬧᬜ᭄ᬚᬶ᭟ᬳᬶᬗ᭄ᬲᬸᬦ᭄ᬓᬃᬬᬳᬦᬥᬄᬲᬚᭂᬂᬮᬦ᭄ᬫᬦ᭄ᬢ᭄ᬭᬶᬬᬵ᭞ᬯᭂᬮᬲᬶᬗ᭄ᬲᬸᬦ᭄ᬢᬦ᭄ᬲᬶᬧᬶ᭞ᬭᬶᬂᬰ᭄ᬭᬷᬲᬶᬗ᭄ᬳᬲᭂᬓᬃ᭞
ᬲᬂᬧᬜ᭄ᬘᬶᬧᬫᬶᬢ᭄ᬩᬸᬤᬮ᭄᭞ᬢᭂᬥᬸᬦ᭄ᬭᬭᬶᬲ᭄ᬗᬯᬗ᭄ᬲᬶᬢᬶᬦ᭄᭞ᬯᬢᭂᬓ᭄ᬧᬭᬭᬩ᭄ᬬ᭞ᬜᬸᬫ᭄ᬩᬄᬭᬭᬶᬲ᭄ᬫᬧᬫᬶᬢ᭄᭟ᬲᬶᬭᬧᬜ᭄ᬚᬶᬭᬶᬂᬳᬋᬧ᭄ᬫᬫᬃᬕ᭄ᬕᬶᬩᬦ᭄ᬩᬦ᭄᭞ᬲᬂᬧ᭄ᬭᬪᬹᬜ᭄ᬭᬾ
[᭔᭘ 48A]
ᬭᬾᬫᬮᬶᬄ᭞ᬲᬂᬫᬧᬫᬶᬢ᭄ᬩᬸᬤᬮ᭄᭞ᬲᬵᬫ᭄ᬧᬸᬦ᭄ᬫᬸᬗ᭄ᬕᬄᬭᬶᬂᬓ᭄ᬭᬾᬣ᭞ᬯᬢᭂᬓ᭄ᬧᬭᬳᬶᬲ᭄ᬢ᭄ᬭᬷᬲᬫᬶ᭞ᬮᬦ᭄ᬲᬶᬭᬧᬜ᭄ᬚ᭄ᬬ᭞ᬫᬸᬡ᭄ᬥᬓᬦ᭄ᬚᬭᬦ᭄ᬧᬸᬢᬶᬄ᭟ᬧᬘᬂᬫᬦ᭄ᬢᬸᬓ᭄ᬫᬭᬶᬂᬓᬸᬢᬧ
ᬦᬭᬵᬕ᭞ᬗᬫ᭄ᬩᬳᬶᬦ᭄ᬤᬶᬢᭀᬄᬧᬢᬶ᭞ᬬᬦ᭄ᬰ᭄ᬭᬷᬭᬦ᭄ᬢᬦᬚᬵ᭞ᬭᬶᬂᬯᬢᬗᬦ᭄ᬲᬶᬦᬾᬪᬵ᭞ᬮᬸᬗ᭄ᬕᬸᬄᬭᬶᬂᬲᭀᬭᬗ᭄ᬰᭀᬓᬅᬱ᭄ᬝᬶ᭞ᬲ᭄ᬥᭂᬓ᭄ᬗᬮᬫᬢ᭄᭞ᬤᬮᬶᬤᬮᬶᬫᬢᬶᬢᬶ
ᬲ᭄᭟ᬓᬳᬶᬭᬶᬗᬂᬳᬦ᭄ᬢᬸᬓ᭄ᬧᬭᬫᬦ᭄ᬢ᭄ᬭᬶᬲᬥᬬᬵ᭞ᬓᬦ᭄ᬢᭂᬦ᭄ᬧᬳᬸᬢ᭄ᬫᬲᬦ᭄ᬥᬶᬂ᭞ᬭᬶᬂᬭᬤᬾᬦ᭄ᬲᭂᬦᭂᬢᬦ᭄᭞ᬓᬮᬶᬄᬭᬤᬾᬦ᭄ᬧ᭄ᬭᬩᬗ᭄ᬰᬵ᭞ᬓᬜ᭄ᬘᬶᬢ᭄ᬳᬓᬾᬄᬭᬳᬸᬩᬾᬡ᭄ᬥᬶ᭞
ᬓᬦ᭄ᬢᭂᬦ᭄ᬮ᭄ᬯᬶᬃᬲᬸᬭᬢ᭄᭞ᬕᬦ᭄ᬥᬃᬯ᭄ᬯᬗᬾᬦ᭄ᬤᭀᬦ᭄ᬭᬰ᭄ᬫᬶᬦ᭄᭟ᬰ᭄ᬭᬷᬫᬮᬬᬸᬤᬳᬸᬄᬯᬲᬡᬦᬢᬲᬂ᭞ᬇᬄᬲ᭄ᬬᬧᬵᬦᬸᬗ᭄ᬕᬂᬩᬾᬡ᭄ᬥᬶ᭞ᬳᬓ᭄ᬯᬾᬄᬓᬂᬮᬸᬫᬶᬦ᭄ᬢᬂ᭞ᬳᬶᬦᬩᬶᬄ
Page:Bali-lontar-paparikan-malat-01-550ppi.pdf/48
This page has been proofread.
